Jeene ke liye mujhe ik sapna de do..

Haqiqat meri jaan liye jaa rahi hai...!!

ਤੂੰ ਚੁੱਪ ਰਿਹਾ ਤਾਂ ਤੇਰੀ ਸਮਝ ਨੂੰ ਮੇਰੇ ਅਰਥ ਮਿਲ ਜਾਣਗੇ,
ਜੇ ਬੋਲੇਂਗਾ ਤਾਂ ਸ਼ਾਇਦ ਹੁਣ ਮੈਂ ਸਮਝ ਨਾ ਸਕਾਂ...

ਤੇਰੇ ਇੱਕ ਖਿਆਲ ਨੇ ਮੈਨੂੰ ਬੇਹਾਲ ਕੀਤਾ ਇਸ ਤਰਾਂ,
ਜੇ ਪੂਰੀ ਕਵਿਤਾ ਪੜ ਲਈ ਤਾਂ ਖੌਰੇ ਕੀ ਹੋਏਗਾ...

ਪੂਰੀ ਜਿੰਦਗੀ ਤੇਰੇ ਨਾਲ ਪੱਕਿਆਂ ਤੇ ਕੱਢ ਲਈ,
ਜੇ ਇੱਕ ਪਲ ਵੀ ਕੱਚੇ ਤੇ ਹੁੰਦਾ ਤਾਂ ਰਿਸ਼ਤਾ ਪੱਕਾ ਹੋ ਜਾਂਦਾ...

ਇੱਕ ਪੰਨਾ ਤਾਂ ਪਰਤਾ ਕੇ ਵੇਖ ਕਦੇ ਮੇਰੇ ਅਤੀਤ ਦਾ,
ਸ਼ਾਇਦ ਮੈਨੂੰ ਮੁੜ ਜਿਉਣ ਦੇ ਬਹਾਨੇ ਮਿਲ ਜਾਣ...

ਤੇਰਾ ਝੂਠ ਮੇਰਾ ਸੱਚ ਤੇ ਮੇਰਾ ਝੂਠ ਤੇਰਾ ਸੱਚ,
ਬਿਹਤਰ ਇਹੀ ਕਿ ਆਪਾਂ ਇੱਕ ਦੂਜੇ ਦੇ ਸੱਚ ਨਾ ਪੁਣੀਏ

ਖਿਆਲ ਨਾ ਕਰੀਂ ਕਿ ਤੇਰੀ ਮਹਿਫ਼ਿਲ ਚ ਕਦੇ ਸ਼ਾਮਿਲ ਹੋਵਾਂਗਾ ਮੈਂ
ਤੇਰੇ ਸੱਜਣਾਂ ਦੀ ਫ਼ਹਰਿਸਤ ਚ' ਮੇਰਾ ਨਾਂ ਹੀ ਨਹੀਂ

ਪਤਾ ਨਹੀਂ ਕਿਉਂ ਸੋਚਿਆ ਕਿ ਤੇਰੇ ਨਾਲ ਤੁਰ ਪਵਾਂ,
ਹਨੇਰੇ ਚ' ਤੁਰਨ ਵਾਲਿਆਂ ਦੇ ਤਾਂ ਕਦੇ ਪਰਛਾਂਵੇਂ ਨਹੀਂ ਹੁੰਦੇ....

ਸੱਚ ਕਦੇ ਵੀ ਪਾਏ ਪੂਰਨਿਆਂ ਤੇ ਲਿਖਿਆ ਨਹੀਂ ਜਾਂਦਾ,
ਕਲਮ ਦੀ ਆਵਾਜ਼ ਸਾਹ ਵਰੋਲ ਕੇ ਹੀ ਸੁਣਾਈ ਜਾਂਦੀ ਏ

ਚਿੱਟਾ ਦਿਨ ਤੇ ਨੰਗਾ ਸੱਚ ਹੁਣ ਪਰਦੇ ਚ' ਰਹਿੰਦੇ ਨੇ
ਸ਼ਾਇਦ ਤਾਂਹੀ ਅੱਜ-ਕੱਲ ਮੇਰੀ ਕਲਮ ਸ਼ਰਮਸਾਰ ਹੈ....