ਮੈਂ ਤੈਨੂੰ ਕਵਿਤਾ ਵਾਂਗ ਪੜ੍ਹਨਾ ਚਾਹੁੰਨਾਂ
ਕਿਸੇ ਇਸ਼ਤਿਹਾਰ ਦੇ ਵਾਂਗ ਨਹੀਂ...

ਤੂੰ ਬਹਾਰ ਦਾ ਪਹਿਲਾ ਫੁੱਲ ਬਣੀਂ ,
ਤੂੰ ਸੂਰਜ ਦੀ ਪਹਿਲੀ ਕਿਰਨ ਬਣੀਂ ,
ਤੂੰ ਸਵੇਰ ਦਾ ਸੁਫਨਾਂ ਬਣੀਂ ,,,
ਪਰ ਤੂੰ ਇੱਕ ਸੁੰਦਰ ਤਸਵੀਰ ਬਣਕੇ
ਕਿਸੇ ਫਰੇਮ ਚ ਕੈਦ ਹੋਕੇ
ਨਾ ਰਹਿ ਜਾਵੀਂ !
ਤੂੰ ਸਗੋਂ ਪਹਾੜ ਤੋਂ ਆਉਂਦੀ
ਠੰਡੀ ਵਾ ਬਣਕੇ
ਕਣ ਕਣ ਚ ਰਚ ਜਾਵੀਂ,,,
ਤੂੰ ਮੇਰੇ ਪਹਿਲੇ ਗੀਤ ਦਾ ਮੁੱਖੜਾ ਬਣੀਂ !

ਤੂੰ ਇੱਕ ਲੋਕ ਗੀਤ ਬਣੀਂ ,
ਤੂੰ ਸਮੁੰਦਰ ਦੀ ਲਹਿਰ ਬਣੀਂ ,
ਤੂੰ ਬਿਰਖ ਦੀ ਠੰਡੀ ਛਾਂ ਬਣੀਂ ,
ਪਰ ਤੂੰ ਸੁੰਦਰ ਮੂਰਤ ਬਣਕੇ
ਮੋਏ ਫੁੱਲਾਂ ਦੇ ਚੜ੍ਹਾਵੇ
ਜੋਗੀ ਨਾ ਰਹਿ ਜਾਵੀਂ !
ਤੂੰ ਸਗੋਂ ਕਿਸੇ ਝਰਨੇ
ਦਾ ਪਾਣੀਂ ਬਣਕੇ
ਸ੍ਰਿਸ਼ਟੀ ਨੂੰ ਜ਼ਿੰਦਗੀ ਬਖਸ਼ੀਂ !
ਤੂੰ ਮੇਰੇ ਲਈ ਆਬ-ਏ-ਹਯਾਤ ਬਣੀਂ !

ਹਰਪਿੰਦਰ " ਮੰਡੇਰ

ਬਹੁਤ ਹੀ ਖੂਬਸੂਰਤ ਕਵਿਤਾ ,..........brilliant and a best poetry to read this is,..............great

 

jio sir g

Thanks Sukhpal veer

Bahut Khub ji

ਬਹੁਤ ਵਧੀਆ ਵੀਰ ਜੀ

thank you ji,,,jio