"ਅੰਮੜੀ ਦੀੲੇ..."

ਅੰਮੜੀ ਦੀੲੇ ਲਾਡਲੀੲੇ
ਨੀ ਪਿਓ ਦੀੲੇ ਪਰੀੲੇ
ਕੱਲ ਤੱਕ ਸੀ ਜੋ ਬਾਲੜੀ
ੳੁਹ ਝੱਟ ਹੋਈ ਜਵਾਨ ਧੀ
ਹੁਣ ਫਿਕਰ ਅਸੀ ਕਰਦੇ
ਕੋਈ ਗੱਭਰੂ ਪਰਖ ਕੇ
ਤੇਰੇ ਹੱਥ ਪੀਲੇ ਕਰੀੲੇ ।

ਨੀ ਫੁੱਲਾਂ ਦੀੲੇ ਟਾਹਣੀੲੇ
ਵੀਰੇ ਦੀੲੇ ਰਾਣੀੲੇ
ਕੰਡਿਆਂ ਜਿਹੇ ਜਹਾਨ 'ਚ
ਤੂੰ ਫੁੱਲਾਂ ਵਾਂਗ ਪਾਲ੍ਹੀ
ਹੁਣ ਸਹੁਰੇ ਘੱਲਣੋ ਡਰਦੇ
ਪਰ ਦਸਤੂਰ ਜੋ ਸਮਾਜੀ
ੳੁਹ ਕਿਵੇਂ ਪਾਰ ਕਰੀੲੇ ।

ਨੀ ਸੁੱਚੇ ਮੋਤੀ ਜਿਹੀੲੇ
ਭੈੜੇ ਲੋਕਾਂ ਦੀ ਨਾ ਸੁਣੀੲੇ
ਜੋ ਬੇਗਾਨੀ ਤੈਨੂੰ ਕਹਿੰਦੇ
ਨਾ ਕੁੜੇ ਤੂੰ ੲੇਹ ਸਮਝੀਂ
ਕੀ ਤੇਰਾ ਕੋਈ ਘਰ ਨੀ
ਦੋ ਘਰਾਂ ਦੀ ਕਿਸਮਤ
ਰੱਬ ਤੇਰੇ ਹੱਥ ਲਿਖੀ ੲੇ ।

ਨੀ ਹਾਸੇ ਦੀੲੇ ਮੂਰਤੇ
ਤੂੰ ਖੁਸ਼ੀ ਖੁਸ਼ੀ ਜਾਵੀਂ
ਆਪਣੇ ਨਵੇਂ ਘਰ ਨੀ
ਤੈਨੂੰ ਕਾਹਦਾ ਡਰ ਨੀ
ਆਸਾਂ ਰੀਝਾਂ ਚਾਅਵਾਂ ਦਾ
ਦੁਆਵਾਂ ਸਿਖਿਆਵਾਂ ਦਾ
ਤੂੰ ਦਾਜ ਲੈ ਚੱਲੀ ਏ ।

ਨੀ ਸਹੁਰੇ ਘਰ ਜਾ ਕੇ
ਛੇਤੀ ਮਨ ਲਾ ਲਵੀਂ
ਰੋਜ਼ ਸੁੱਖ ਸਾਂਦ ਦੀ
ਸਾਨੂੰ ਤੂੰ ਖਬਰ ਕਰੀਂ
ਤੇ ਸਭ ਨੂੰ ਬਾਬੁਲ ਦੀ
ਪੱਗ ਵਾਲੀ ਛਾਂ ਕਰੀ
ਮਾਪਿਆਂ ਦੀ ਚਿੰਤਾ
ਨਾ ਤੂੰ ਕਰੀ ਅੜੀੲੇ ।

ਕੱਲ ਜਦੋਂ ਤੈਨੂੰ ਅਸੀ
ਆਪਣੇ ਹੱਥੀਂ ਤੋਰਾਂਗੇ
ਤੈਨੂੰ ਰੋਂਦੀ ਨੂੰ ਵੇਖ
ਅਸੀ ਵੀ ਬਹੁਤ ਰੋਵਾਂਗੇ
ਤੂੰ ਸਦਾ ਸੁਖੀ ਵਸੇ ਨੀ
ਤੂੰ ਸਦਾ ਖੁਸ਼ ਰਹਿ ਨੀ
ਅਰਦਾਸ ੲਿਹੋ ਕਰੀੲੇ
ਅੰਮੜੀ ਦੀੲੇ ਲਾਡਲੀੲੇ
ਨੀ ਪਿਓ ਦੀੲੇ ਪਰੀੲੇ ॥

 

:-ਸੰਦੀਪ 'ਸੋਝੀ'

Bhaout hi khoob pesh kita hia dhe de rishte nu....sandeep bai g.....

 

ਕੋਮਲ ਭਾਵਪੂਰਨ, ਆਦਰਪੂਰਨ, ਸਮਾਜਿਕ ਮਜਬੂਰੀ ਦੀ ਗੂੜ੍ਹ ਸਮਝ ਨਾਲ, ਪੈਤ੍ਰਿਕ ਭਾਵ 'ਚ ਗੜੂੰਦ ਹੋ ਕੇ, ਲਿਖੀ ਹੋਈ ਇਕ ਪਿਆਰੀ ਜਿਹੀ ਰਚਨਾ |

ਬਹੁਤ ਸੁੰਦਰ ਸੰਦੀਪ ਬਾਈ ਜੀ | ਜਿਉਂਦੇ ਵੱਸਦੇ ਰਹੋ |

ਸ਼ੇਅਰ ਕਰਨ ਲਈ ਧੰਨਵਾਦ |

 

ਸ਼ਾਨਦਾਰ .......

Bahut hi khoob g

ਸੰਜੀਵ ਜੀ, ਜਗਜੀਤ ਜੀ, ਆਪਣੇ ਰੁਝੇਵਿਆਂ ਚੋਂ ਵਕਤ ਕੱਢ ਕੇ ਕਿਰਤ ਨਾਮ ਕਰਨ ਲਈ ਤੇ ਹੌਸਲਾ ਵਧਾਉਣ ਲਈ ਤੁਹਾਡਾ ਦੋਵਾਂ ਦਾ ਬਹੁਤ ਬਹੁਤ ਸ਼ੁਕਰੀਆ ਜੀ ।

ਜਿਸ ਨਾਲ ਹੋਰ ਵਧੀਆ ਕਰਨ ਦੀ ਪ੍ਰੇਰਣਾ ਮਿਲਦੀ ੲੇ ।ਜਿੳੁਂਦੇ ਵਸਦੇ ਰਹੋ ਜੀ।