ਮੈਂ ਇਕ ਦਿਨ ਵਿੱਚ ਮੈਂ ਪੂਰੀ ਕਿਤਾਬ ਲਿਖ ਸਕਦਾ ਹਾਂ,
ਟੁੱਟੇ ਦਿਲਾ ਦੀ ਕਹਾਣੀ, ਰੂਹ ਕੁਰਲਾਵੇ ਮਰਜਾਣੀ,
ਤੰਦ ਅਰਮਾਨਾਂ ਵਾਲੀ ਟੁੱਟੀ, ਧੀ ਕੁੱਖ ਵਿੱਚ ਮੁੱਕੀ,
ਨਸ਼ਿਆ ਵਿੱਚ ਵਹਿੰਦਾ ਪੰਜਾਬ ਲਿਖ ਸਕਦਾ ਹਾਂ।
ਮੈਂ ਇਕ ਦਿਨ ਵਿੱਚ ਪੂਰੀ ਕਿਤਾਬ ਲਿਖ ਸਕਦਾ ਹਾਂ।
ਵਿਗੜੀ ਅੱਥਰੀ ਮੰਡੀਰ, ਬਣਿਆ ਚਿੱਟੇ ਦਾ ਸਰੀਰ,
ਅੱਖ ਮੈਲੀ ਸਦਾ ਰਹਿੰਦੀ, ਜਿਹਨਾਂ ਦੇ ਬੁਰੇ ਹੋਣ ਪੀਰ,
ਸੱਚ ਨੇ ਝੂੱਠ ਦਾ ਸਾਥ ਦੇਣਾ, ਗਲਤ ਦਾ ਠੀਕ ਨੂੰ ਮਾਤ ਦੇਣਾ,
ਦੇਖਿਆ "ਭਗਤ ਸਿੰਘ" ਦਾ ਟੁੱਟਿਆ ਖੁਆਬ ਲਿਖ ਸਕਦਾ ਹਾਂ।
ਮੈਂ ਇਕ ਦਿਨ ਵਿੱਚ ਪੂਰੀ ਕਿਤਾਬ ਲਿਖ ਸਕਦਾ ਹਾਂ।
ਹੱਥ ਮਹਾਨਤਾਂ ਨੂੰ ਲੱਗੇ, ਟਿੱਕਾ ਲਾਹਣਤਾਂ ਨੂੰ ਲੱਗੇ,
ਚੋਰੀ ਠੱਗੀ ਨਾਲ ਢਿੱਡ ਭਰਨਾਂ, ਅੱਗ ਕੀਤੀ ਦਾਨਤਾ ਨੂੰ ਲੱਗੇ,
ਸੱਚਾਈ ਦਾ ਪੁੱਤਲਾ ਸੜਿਆ, ਕਾਲ ਬੁਰਾਈ ਬਣ ਅੰਦਰ ਵੜਿਆ,
ਖੁੱਦ ਪੁੱਛ ਸਵਾਲ ਮੈਂ ਖੁੱਦ ਨੂੰ ਜਵਾਬ ਲਿਖ ਸਕਦਾ ਹਾਂ।
ਮੈਂ ਇਕ ਦਿਨ ਵਿੱਚ ਪੂਰੀ ਕਿਤਾਬ ਲਿਖ ਸਕਦਾ ਹਾਂ।
ਰੋਲਾ ਅੱਜਕਲ੍ਹ ਵੇਸ਼ਾਵਾ ਦਾ, "ਕੇਰਲਾ" ਤੱਕ ਜਾਦੀਆ ਰਾਹਵਾਂ ਦਾ,
"ਸਨੀ" ਤੂੰ ਕੰਮ ਮਹਾਨ ਕੀਤਾ, ਕੰਮ ਰੌਲਾ ਪਾਉਣਾ ਕਾਂਵਾਂ ਦਾ,
ਭਿੱਜੀਆ ਇਸ਼ਕ ਵਿੱਚ "ਗੈਰੀ" ਸ਼ਬਾਬ ਲਿਖ ਸਕਦਾ ਹਾਂ,
ਮੈਂ ਇਕ ਦਿਨ ਵਿੱਚ ਪੂਰੀ ਕਿਤਾਬ ਲਿਖ ਸਕਦਾ ਹਾਂ।
ਰਿੰਪੀ ਗੈਰੀ
ਲੇਖਕ ਗਗਨ ਦੀਪ ਸਿੰਘ ਵਿਰਦੀ(ਗੈਰੀ)
|