ਮਨਾਂ ਬੁੱਧੀ ਤੋਂ ਹਿਰਦੇ ਵੱਲ, ਸਫਰ ਕਰਦੇ ਰਹਿਣਾ।
ਪੂਜਾ ਲਈ ਪਜਾਰੀ ਨੂੰ ਬਰਦਾਸ਼ਤ ਕਰਦੇ ਰਹਿਣਾ।

ਮਨਾਂ ਤਿ੍ਸ਼ਨਾ ਦੀ ਉੱਲਝਣੋਂ ਬਾਹਰ ਨਿਕਲਣ ਲਈ,
ਸੰਤੋਖ ਸਿਦਕ ਲਈ ਸਦਾ ਅਨੁਰਾਗ ਕਰਦੇ ਰਹਿਣਾ।

ਗਿਆਨ ਵਿੱਚ ਗੱਤੀ ਨਹੀਂ ਹੁੰਦੀ, ਜਾਣ ਲਿਆ ਸਭ ਨੇ,
ਅਗਿਆਨਤਾ ਨੂੰ ਹਮੇਸ਼ਾਂ ਗਤੀਸ਼ੀਲ ਕਰਦੇ ਰਹਿਣਾ।

ਘਟਨਾ ਕ੍ਮ ਜੀਣ ਦਾ ਬੀਜ ਮੰਤਰ ਅਗਿਆਤ ਬ੍ਰਹਮ,
ਜਦ ਭੀਤਰ ਕਰੇ ਹਲਚਲ ਮਹਿਸੂਸ ਕਰਦੇ ਰਹਿਣਾ।

ਪੰਜਾਂ ਲਈ ਕ੍ਰਾਂਤੀ ਵਿਸ਼ਵਾਸ਼ ਮਨ ਅੰਤਰ ਦੀ ਚੇਤਨਾ,
ਤਰਨ ਲਈ ਸਾਗਰ ਪਾਰ ਵਿਸ਼ਵਾਸ ਕਰਦੇ ਰਹਿਣਾ।

ਪਤਾ ਨਹੀਂ ਕਿੱਧਰ ਤੁਰ ਰਿਹਾ ਮਨ ਕੋਹਲੂ ਦਾ ਬੈਲ ਹੈ,
ਅਕਲ ਕਰੇ ਸਵਾਲ ਚੇਤੰਨਤਾ ਦੀ ਆਸ ਕਰਦੇ ਰਹਿਣਾ।

Thanks......all......viewers

ਬਹੁਤ ਵਧੀਆ ਰਚਨਾ ਹੈ ਅੰਕਲ ਜੀ

ਗੁਰਮੀਤ ਸਰ ਜੀ, ਆਪਨੇ ਚੇਤੰਨ ਮਨੋ ਅਵਸਥਾ ਨਾਲ ਲਿਖੀ ਹੈ ਇਹ ਰਚਨਾ "ਚੇਤੰਨ" 

ਵੈਚਾਰਿਕ ਗਹਿਰਾਈ ਦਰਸਾਉਂਦੀਆਂ ਇਹ ਸਤਰਾਂ ਖਾਸ ਮਹੱਤਵ ਰਖਦੀਆਂ ਹਨ ਜੀਵਨ ਦਰਸ਼ਨ ਵਿਚ -

ਮਨਾਂ ਤਿ੍ਸ਼ਨਾ ਦੀ ਉੱਲਝਣੋਂ ਬਾਹਰ ਨਿਕਲਣ ਲਈ,

ਸੰਤੋਖ ਸਿਦਕ ਲਈ ਸਦਾ ਅਨੁਰਾਗ ਕਰਦੇ ਰਹਿਣਾ।

ਗਿਆਨ ਵਿੱਚ ਗੱਤੀ ਨਹੀਂ ਹੁੰਦੀ, ਜਾਣ ਲਿਆ ਸਭ ਨੇ,

ਅਗਿਆਨਤਾ ਨੂੰ ਹਮੇਸ਼ਾਂ ਗਤੀਸ਼ੀਲ ਕਰਦੇ ਰਹਿਣਾ।

ਅਤਿ ਸੁੰਦਰ ਵਿਚਾਰ ਰੁਮਕ ਰਿਹਾ ਹੈ ਲਿਖਤ ਦੇ ਪਿੱਛੇ |

ਸਾਂਝਾ ਕਰਨ ਲਈ ਧੰਨਵਾਦ |