|
ਧੀਆਂ ਦੀ ਵੀ ਲੋਹੜੀ ਮ੍ਨਾਈਏ |
ਕਹਿੰਦੇ ! ਆਓ ਹੁਣ ਧੀਆਂ ਦੀ ਵੀ ਲੋਹੜੀ ਮਨਾਈਏ , ਓ! ਆਹ ਕੀ ਸ਼ੋਸ਼ਣ ਜਿਹਾ ਕਰਦੇ ਹੋਂ ? ਚਲੋ ! ਜੇ ਧੀਆਂ ਦੀ ਲੋਹੜੀ ਮਨਾਉਣੀ ਹੈ, ਤਾਂ ਲੋਹੜੀ ਦੇ ਇਸ ਮੌਕੇ ਤੇ ਨਵੀਂ ਆਪਾਂ ਰੀਤ ਚ੍ਲਾਈਏ , ਆਓ ਸਾਰੇ! ਧੀਆਂ ਦੀ ਵੀ ਲੋਹੜੀ ਮ੍ਨਾਈਏ | ਕਹਿੰਦੇ ਕੁੜੀਆਂ ਦੀ ਇਜ਼ਤ ਤੇ ਹਥ ਪਾਉਣ ਵਾਲੇ ਖੁਲ੍ਹਾ ਜੀਵਨ ਜਿਓੰਦੇ ਨੇ, ਪਹਿਲਾਂ ਫੜ ਕੇ ਓਹਨਾ ਦੁਸ਼ਟਾਂ ਨੂੰ , ਲਕੜਾਂ ਦੀ ਥਾਂ ਇਹਨਾ ਰਾਕਸ਼ਸਾਂ ਨੂੰ ਅੱਗ ਲਗਾਈਏ, ਆਓ ਸਾਰੇ , ਧੀਆਂ ਦੀ ਵੀ ਲੋਹੜੀ ਮਨਾਈਏ| ਜਿਹੜੇ ਦਾਜ਼ ਦੇ ਭੁਖੇ ਦੌਲਤਾਂ ਮੰਗਦੇ ਨੇ, ਆਓ ਹੁਣ! ਇਕ ਸਬਕ ਓਹਨਾਂ ਨੂ ਵੀ ਸਿਖਾਈਏ, ਦਾਜ ਦੇ ਲਾਲਚੀਆਂ ਦੇ ਘਰਾਂ ਨੂ ਅੱਗ ਲਾਈਏ, ਆਓ ਬਈ ਆਓ! ਨਵੀਂ ਆਪਾਂ ਵੀ ਰੀਤ ਚ੍ਲਾਈਏ, ਸਾਰੇ ਮਿਲਕੇ ਧੀਆਂ ਦੀ ਵੀ ਲੋਹੜੀ ਮਨਾਈਏ| ਜਿਹੜੀਆਂ ਅੱਗਾਂ ਵਿਚ ਨੂੰਹਾਂ ਨੂ ਸਾੜ ਦੇ ਨੇ ਲੋਕ, ਓਹੀ ਅੱਗ ਵਿਚ ਓਹਨਾ ਜ਼ਾਲਿਮਾਂ ਦਾ ਪਰਿਵਾਰ ਪਾ ਕੇ, ਆਪਾਂ "ਈਸ਼ਰ ਆ ਦਲੀਦਰ ਜਾ , ਦਲੀਦਰ ਦੀ ਜਦ ਚੂਲ੍ਹੇ ਪਾ" ਵਾਲੇ ਗੀਤ ਗਾਈਏ, ਆਓ ਬਈ ਆਓ! ਆਪਾਂ ਵੀ ਧੀਆਂ ਦੀ ਲੋਹੜੀ ਮ੍ਨਾਈਏ| ਕਿਓਂ! ਫੋਕੀਆਂ ਅੱਗਾਂ ਸੇਕ ਧੀਆਂ ਦੀ ਲੋਹੜੀ ਨਹੀ ਮਨਾਈ ਜਾਂਦੀ , ਜੇ ਸ਼ੌਂਕ ਹੈ ਸਮਾਜ ਨੂੰ ਉੱਪਰ ਚੁੱਕਣ ਦਾ, ਤਾਂ ਆਓ ਫਿਰ ! ਆਪਾਂ ਨਵੀਂ ਰੀਤ ਚ੍ਲਾਈਏ, ਧੀਆਂ ਦੇ ਜੁਲਮ ਢਾਉਣ ਵਾਲਿਆਂ ਵਿਰੁਧ ਆਵਾਜ਼ ਉਥਾਏਏ, ਆਓ ਬਈ ! ਸਾਰੇ ਇਕਠੇ ਹੋਵੋ, ਆਪਾਂ ਵੀ ਹੁਣ ਧੀਆਂ ਦੀ ਲੋਹੜੀ ਮ੍ਨਾਈਏ... ਕਵਿਤਰੀ - ਤਨਵੀਰ ਸ਼ਰਮਾ
|
|
23 Jan 2012
|