ਇਸ਼ਕ ਖੁਦਾਈ ਆਜ਼ਾਦ ਬੰਦੇ ਲਈ,ਝੁਕਣ ਲਈ ਕੋਈ ਵਜ੍ਹਾ ਤਾਂ ਹੁੰਦੀ।
ਇਸ ਦੁਨੀਆਂ ਵਿੱਚ,ਨਹੀਂ ਟਿਕਾਣਾ,ਦੂਰ ਗਮਨ ਲਈ ਵਜ੍ਹਾ ਤਾਂ ਹੁੰਦੀ।

ਨਹੀਂ ਟਿਕਾਣਾ ਉਸ ਦੁਨੀਆਂ ਵਿੱਚ,ਤੁਰ ਜਾਣਾ ਸੀ ਜਦ ਚੁੱਪ ਚੁੱਪੀਤੇ,
ਅਗਰ ਝੁਕ ਜਾਦੇਂ ਖੁੱਦ ਸਜ਼ਦੇ ਵਿੱਚ,ਸ਼ਾਇਦ ਆਉਣਾ ਸਜ਼ਾ ਨਾ ਹੁੰਦੀ।

ਇਹ ਦੁਨੀਆਂ ਤਾਂ ਮੋਹ ਦੀਆਂ ਤੰਦਾ,ਮਰਨ ਪਾਬੰਦੀ ਸ਼ਹਿਰ ਤੇਰੇ ਵਿੱਚ,
ਜਿਸ ਦੁਨੀਆਂ ਵਿੱਚ ਜੀਉਣ ਪਾਬੰਦੀ,ਖੋਜ ਤੇਰੀ ਕਦੇ ਖਤਾ ਨਾ ਹੁੰਦੀ।,

ਮੈਂ ਤੇ ਮੈਂ ਵਿੱਚ ਫ਼ਰਕ ਬਥੇਰਾ, ਮਗਰ ਤੂੰ ਤੇ ਤੂੰ ਵਿੱਚ ਫ਼ਰਕ ਨਾ ਕੋਈ,
ਅੱਖਰ ਅੱਖਰ ਆਖਰ ਕਦ ਤੱਕ ਮਨ ਮੰਦਰ 'ਚ ਝੁਣਕਾਰ ਨਾ ਹੁੰਦੀ।

ਸ਼ਬਦ ਨਿਰੰਤਰ ਵੱਜੇ ਹਰ ਘਟਿ ਅੰਦਰ,  ਹਰ ਘਟਿ ਬ੍ਰਹਮ ਨਾ ਹੋਵੇ,
ਤੁੱਪਕਾ ਤੁੱਪਕਾ ਹਉਮੈ ਵਹਿ ਕੇ ਸ਼ਾਂਤ,ਝੀਲ ਸੁੱਕਣ ਦੀ ਵਜ੍ਹਾ ਨਾ ਹੁੰਦੀ।

ਕਾਸਦ ਹੱਥ ਕਿਤਾਬ ਦੀ ਕੀਮਤ ਤੇ ਗਿਆਨ ਵਿਹੂਣੀ ਧਰਮ ਦੁਹਾਈ,
ਮਜ਼੍ਹਬ ਮਰਿਯਾਦਾ ਦੀ ਕੱਟੜਤਾਈ ਪ੍ਰਵਾਨ ਕਿਸੇ ਦਰਬਾਰ ਨਾ ਹੁੰਦੀ।
                                                           ਗੁਰਮੀਤ ਸਿੰਘ

ਦਿਲਕਸ਼ ਰਚਨਾ ਹੈ ਸਰ ਜੀ