|
ਇੱਕ ਵਾਰ ਤਾਂ ਸੋਚ |
ਇੱਕ ਵਾਰ ਤਾਂ ਸੋਚਦੀ ਨੀ ਮਾਏ,ਜਨਮ ਤਾਂ ਤੂੰ ਹੀ ਦੇਣਾ ਸੀ। ਬਾਕੀ ਸਾਰੀਆਂ ਮੰਨਦਾ ਬਾਪੂ, ਮਾਰ ਕੇ ਉਸ ਕੀ ਲੈਣਾ ਸੀ।
ਤੇਰੇ ਕੋਲ ਤਾਂ ਕਈ ਬਹਾਨੇ,ਤੂੰ ਚਾਹੁੰਦੀ ਮੈਂ ਬੱਚ ਸਕਦੀ ਸਾਂ, ਤੈਨੂੰ ਚਾਅ ਪੁੱਤ ਗੋਦ ਖਿਡਾਵਾਂ,ਹੋਰ ਕਿਸੇ ਕੀ ਕਹਿਣਾ ਸੀ।
ਤੇਰੇ ਕੋਲ ਤਾਂ ਤਾਕਤ ਬਥੇਰੀ,ਸਮਰੱਥ ਹੈਂ ਰਾਖੀ ਕਰਨ ਜੋਗੀ, ਕੁੱਝ ਦਿਨ ਤੇਰੇ ਘਰ ਦੀ ਰੌਣਕ ਮੈਂ ਕੇਹੜਾ ਬਹਿ ਰਹਿਣਾ ਸੀ।
ਹੱਕ ਮੰਗਣ ਲਈ ਕਰੇ ਡਰਾਮੇ, ਮੇਰੀ ਵਾਰੀ ਦੱਸ ਕੀ ਹੋਇਆ, ਪਿਆਰ ਨਾਲ ਤੂੰ ਬਾਪੂ ਨੂੰ ਕਹਿੰਦੀ,ਝੱਟ ਉਸ ਮਨ ਲੈਣਾ ਸੀ।
ਰਿਸ਼ੀ ਮੁਨੀ ਅਵਤਾਰ ਤੂੰ ਸੱਭ ਝੁਕਾਏ,ਹੱਠ ਤੇਰੇ ਨੂੰ ਜਾਣਦੀ ਮੈਂ, ਜਇਦਾਦ ਤਾਂ ਬਾਲਮ ਦੀ ਵਾਧੂ,ਮੈਂ ਪਿਆਰ ਹੀ ਤੈਥੋਂ ਲੈਣਾ ਸੀ।
ਦਾਜ ਤੂੰ ਮੰਗੇ ਲਵੇਂ ਤੂੰ ਆਪੇ,ਕਾਹਨੂੰ ਬਾਬਲ ਨੂੰ ਬਦਨਾਮ ਕਰੇਂ, ਮੇਰੇ ਨਾਲ ਸੱਭ ਰਿਸ਼ਤੇ ਪਿਆਰੇ,ਮੈਂ ਮਾਂ ਬਾਪ ਦਾ ਗਹਿਣਾ ਸੀ।
|
|
22 Mar 2013
|