ਕਿੱਥੋਂ ਲੱਭ ਲਿਆਂਵਾ,………………………………
ਜੋ ਦੱਸੇ ਮੇਰੇ ਦਿਲ ਦਾ ਹਾਲ ਉਹ ਖਿਆਲ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ,
ਮਾਵਾਂ ਦੀ ਉਜੱੜਦੀ ਕੁੱਖ, ਅਣਜੰਮੀਆਂ ਧੀਆਂ ਦਾ ਕਤਲ ਹੁੰਦੇ ਰੋਜ ਵੇਖਾਂ,
ਉਹਨਾਂ ਮਾਵਾਂ ਦੀ ਪੁਕਾਰ ਸੁਨਣ ਵਾਲਾ ਰੱਬ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਰਿਸ਼ਤਿਅਾਂ ਦੀ ਨਿੱਘ ਤੋਂ ਸੁੰੰਨੇ ਹੋ ਰਹੇ ਵਿਹੜੇ ਰੋਜ ਵੇਖਾਂ,
ਇਹਨਾਂ ਵਿਹੜਿਆਂ ਨੂੰ ਵਸਾਉਣ ਵਾਲਾ ਮੋਹ ਭਿਜਿਆਾ ਰਿਸ਼ਤਾ ਕਿੱਥੋਂ ਲੱਭ ਲਿਆਂਵਾ।
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਨਸ਼ਿਆਂ ਦੀ ਅੱੱਗ ਦੇ ਸੇਕ ਬਦਨਸੀਬ ਭੈੈਣਾਂ ਦੇ ਵੀਰਾਂ ਨੂੰ ਰੋਜ ਵੇਖਾਂ,
ਇਹਨਾਂ ਬਦਨਸੀਬ ਭੈੈਣਾਂ ਦੀ ਸੁੰਨੀ ਰੱੱਖੜੀ ਲਈ ਗੁੁੱਟ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਘਰ ਦੀਆਂ ਤੰਗੀਆਂ ਤੁਰਸੀਆਂ ਲਈ ਪੁੱੱਤਰਾਂ ਨੂੰ ਪਰਦੇਸੀ ਹੁੰਦੇ ਰੋਜ ਵੇਖਾਂ,
ਇਹਨਾਂ ਪਰਦੇਸੀ ਪੁੱੱਤਰਾਂ ਨੂੰ ਮੋੜ ਲਿਆਉਣ ਵਾਲਾ ਰਾਹ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਸਵਾਰਥ ਦੀ ਅੱਗ ਵਿੱਚ ਮਰਦੇ ਜਾ ਰਹੇ ਰਿਸ਼ਤੇ ਰੋਜ ਵੇਖਾਂ,
ਇਸ ਅੱਗ ਨੂੰ ਬੁਝਾਉਣ ਵਾਲੀ ਠੰਢੀ ਰੇੇਤ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਸਰੀਰਾਂ ਦੀ ਵਾਸ਼ਨਾ ਲਈ ਰਾਂਝੇ ਬਣਦੇ ਕਾਤਲ ਰੋਜ ਵੇਖਾਂ,
ਇਸ ਵਾਸ਼ਨਾ ਨੂੰ ਖਤਮ ਕਰਨ ਵਾਲਾ ਅਤਰ ਕਿੱੱਥੋਂਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਮੇਰੇ ਪਿਆਰੇ ਪੰਜਾਬ ਦੇ ਪਾਣੀਆਂ ਵਿੱਚ ਨਫ਼ਰਤਾਂਂ ਦਾ ਜਹਿਰ ਘੁਲ਼ਦਾ ਰੋਜ ਵੇਖਾਂ,
ਇਸ ਜਹਿਰ ਦਾ ਇਲਾਜ ਕਰਨ ਵਾਲਾ ਦੱਸ `ਸੁਖਪਾਲ` ਵੈਦ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਜੋ ਦੱਸੇ ਮੇਰੇ ਦਿਲ ਦਾ ਹਾਲ ਉਹ ਖਿਆਲ ਕਿੱਥੋਂ ਲੱਭ ਲਿਆਂਵਾ,
ਜਿਸ ਵਿੱਚ ਨਾ ਹੋਵੋ ਦਾਗ਼ ਉਹ ਚੰਨ ਕਿੱਥੋਂ ਲੱਭ ਲਿਆਂਵਾ।
ਸੁਖਪਾਲ ਕੌਰ ਸੁੁਖੀ
