ਜੀਹਨੂੰ ਲੱਭਿਆ, ਉਹੋ ਲੱਭਿਆ ਨਈ
ਜੋ ਲੱਭਿਆ ,ਲੱਭਿਆਂ, ਲੱਭਦਾ ਨਈ

ਉਹ ਨਜ਼ਰ ਮੇਰੀ ਵਿੱਚ ਰੱਬ ਜਿਹਾ
ਪਰ ਉਸਨੂੰ ਇਹ ਰੁਤਬਾ ਫੱਬਦਾ ਨਈ

ਮੇਰੇ ਮੱਥੇ ਵਿੱਚ ਵੀ ਸੂਰਜ ਹੈ
ਕੀ ਹੋਇਆ ਹਾਲੇ ਮੱਘਦਾ ਨਈ

ਹੈ ਸ਼ਾਇਰੀ ਝਰਨਾ ਮਸਤੀ ਦਾ
ਤੇਰੇ-ਮੇਰੇ ਕਹਿਣ ਤੇ ਵੱਗਦਾ ਨਈ

ਸਿੱਖੀ ਤਾਂ ਬਿਰਤੀ ਰੂਹ ਵਾਲੀ
ਇਹ ਸਿਰਫ ਭੁਲੇਖਾ ਪੱਗ ਦਾ ਨਈ

ਇਸ ਕਦਰ ਨੇ ਰੁੱਸੀਆਂ ਰੌਸ਼ਨੀਆਂ
ਕੋਈ ਜੁਗਨੂੰ ਵੀ ਤਾਂ ਜੱਗਦਾ ਨਈ

ਤੇਰੀ ਸ਼ਕਲ ਸੂਰਤ ਤਾਂ ਉਹੀਓ ਏ
ਪਰ ਤੂੰ ਪਹਿਲਾਂ ਵਰਗਾ ਲੱਗਦਾ ਨਈ

ਕੁਝ ਹੋਸ਼ 'ਚ ਰਹਿਆ ਕਰ ਦੁਨਿਆਂ ਤੇ
ਤੇਰੇ ਦਿਲ ਵਰਗਾ ਦਿਲ ਸਭਦਾ ਨਈ ~

very nice poetry dear keep sharing more