ਨਾ ਕੋਈ ਸ਼ਾਖ ਨਾ ਪੱਤਾ ਹਰਾ ਰਿਹਾ ਕੋਈ
ਫਿਰ ਵੀ ਬੁੱਤਾਂ ਨੂੰ ਪਾਣੀ ਲਾ ਰਿਹਾ ਕੋਈ !

ਅਮਰਵੇਲ ਨੇ ਹੈ ਹੁਣ ਸਭ ਦੇ ਸਿਰਾਂ ਨੂੰ ਕੱਜਿਆ
ਝੱਖੜਾਂ ਦਾ ਦੌਰ ਹੈ ਮੁਸਕਰਾ ਨਾ ਰਿਹਾ ਕੋਈ !

ਹਵਾ ਨੀਰ ਧਰਤੀ ਮੌਸਮ ਸਭ ਕੋਲ ਹੈ ਆਪਣੇ
ਕਾਹਦੀ ਭਾਲ ਵਿਚ ਫਿਰ ਮਂਗਲ ਤੇ ਜਾ ਰਿਹਾ ਕੋਈ !

ਹੈ ਪਰਿਵਾਰ ਵੀ ਰਿਸ਼ਤੇ ਵੀ ਮਗਰ ਮੋਹ ਮਰ ਗਿਆ
ਸਾਡੇ ਸੁਪਨਿਆਂ ਵਿਚ ਹੋਰ ਹੀ ਆ ਰਿਹਾ ਕੋਈ !

ਸਮੇ ਦੀ ਚਾਲ ਜਾਂ ਜ਼ੁਰਮ ਹੈ ਇਹ ਖਲਕਤ ਦਾ
ਕਿ ਹੁਣ ਵਾਦੀਆਂ ਵਿਚ ਵੀ ਤਬਾਹੀ ਪਾ ਰਿਹਾ ਕੋਈ !

ਭੀੜ ਹੈ ਕਿ ਦਿਨ ਵ ਦਿਨ ਹੀ ਵੱਧ ਦੀ ਜਾ ਰਹੀ
ਆਪਣਾ ਫਿਰ ਵੀ ਨਾ ਨਜ਼ਰ ਆ ਰਿਹਾ ਕੋਈ !

ਨਾ ਕੋਈ ਸ਼ਾਖ ਹੈ ਨਾ ਪੱਤਾ ਹਰਾ ਕੋਈ !!

ਪ੍ਰੀਤ ਰਤੀਆ

ਗ੍ਰੇਟ ...........very well written Gurpreet veer,.............once again This is also a brilliant poetry ,.........jio janab,...........

ਬਹੁਤ ਵਧੀਆ ਬਾਈ ਜੀ