ਰੋਣ ਅੱਖਾਂ ਕਿਵੇਂ ਦੱਸਾਂ ਬਾਹਰ ਵਾਲੀਆਂ ਕਹਾਣੀਆਂ ,
ਭੁੱਲਣ ਨਾਂ ਮਾਂ ਦੇ ਵਿਹੜੇ ਵਿੱਚ ਮੌਜਾਂ ਮਾਣੀਆਂ,
ਦਾਦੀ ਦੀਆਂ ਲੋਰੀਆਂ ਤੇ ਬਾਪੁ ਦੀਆਂ ਝਿੜਕਾਂ ,
ਖੁੱਲੇ ਰੱਖ ਬੂਹੇ ਮਾਂ ਲੈਂਦੀ ਹੋਊ ਬਿੜਕਾਂ ,
ਹੱਥ ਕੰਡਿਆਂ ਨੂੰ ਪਾਇਆ ਯਾਰਾ ਛੱਡ ਕੇ ਗੁਲਾਬ ਓਇ,
ਦੁਨੀਆਂ ਦੇ ਉੱਤੇ ਨਹੀਂ ਦੂਜਾ ਕੋਈ ਪੰਜਾਬ ਓਇ |
%%%%%%%%%%%%
ਕੀ ਪ੍ਰਦੇਸੀਂ ਬੈਠਾ ਤੇਨੂੰ ਹਾਲ ਸੁਣਾਵਾਂ ਓਇ ,
ਵਿੱਚ ਪ੍ਰਦੇਸੀਂ ਮਾਵਾਂ ਨਾਂ ਬੋਹੜਾਂ ਦੀਆਂ ਛਾਵਾਂ ਓਇ |
$$$$$$$$$$$$$$$$$
ਇਕਲਾਪੇ ਵਿੱਚ ਦਿਲ ਦੀ ਹਰ ਇਕ ਚਾਹਤ ਮਰ ਜਾਂਦੀ ,
ਆਪਣੇ ਚੇਤੇ ਕਰਕੇ ਅੱਖ ਹੰਝੂਆਂ ਨਾਂ ਭਰ ਜਾਂਦੀ ,
ਮਤਲਬਖੋਰੇ ਸ਼ਹਿਰ "ਚ ਕੀਹਨੂੰ ਯਾਰ ਬਣਾਵਾਂ ਓਇ ,
ਵਿੱਚ ਪ੍ਰਦੇਸੀਂ ਮਾਵਾਂ ਨਾਂ ,,,,,,,,,,,,,,,,,,,,,,,,,,,,,|
###################
ਖੁੱਲੇ ਡੁੱਲੇ ਘਰ ਤੇ ਖੁਸ਼ੀਆਂ ਭਰਿਆ ਵਿਹੜਾ ਸੀ ,
ਲੋਹੜੀ ਅਤੇ ਦੀਵਾਲੀ,ਹੋਲੀ ਕਦੇ ਦੁਸ਼ਿਹਰਾ ਸੀ ,
ਇਥੇ ਸੱਜਣਾਂ ਦਿਸੇ ਪੰਜਾਬੀ ਟਾਵਾਂ ਟਾਵਾਂ ਓਇ ,
ਵਿੱਚ ਪ੍ਰਦੇਸੀ ਮਾਵਾਂ ਨਾਂ ,,,,,,,,,,,,,,,,,,,,,,,,|
^^^^^^^^^^^^^^^^
ਹਲਟ ,ਫਲੇ ਤੇ ਯਾਰਾ ਕਿਤੇ ਘਰਾੜੀ ਚੱਲੇ ਓਇ ,
ਤਾਸ਼ ਖੇਡਦੇ ਬਾਬੇ ਸਥ ਦੇ ਪਿੱਪਲਾਂ ਥੱਲੇ ਓਇ ,
ਪੱਥਰਾਂ ਦੇ ਸ਼ਹਿਰਾਂ ਵਿੱਚ ਕਿਦਾਂ ਮਨ ਬਹਿਲਾਵਾਂ ਓਇ ,
ਵਿੱਚ ਪ੍ਰਦੇਸੀ ਮਾਵਾਂ ਨਾਂ ,,,,,,,,,,,,,,,,,,,,,,,,,,,,,,,|
@@@@@@@@@@@@
ਦੁਧ ,ਦਹੀਂ ਦੇ ਛੰਨੇ ਦਿਸਦੀ ਨਹੀਂ ਮਲਾਈ ਓਇ ,
ਸਾਗ ਮੱਕੀ ਦੀ ਰੋਟੀ ਨਾਂ ਕਦੇ ਮੱਖਣੀ ਬਾਈ ਓਇ ,
ਨਿਤ ਬ੍ਰੇਡਾਂ,ਚਿਪਸਾਂ ਨੂੰ ਦੱਸ ਕਿੱਦਾਂ ਖਾਵਾਂ ਓਇ ,
ਵਿੱਚ ਪ੍ਰਦੇਸੀਂ ਮਾਵਾਂ ਨਾਂ ,,,,,,,,,,,,,,,,,,,,,,,|
*********************
ਮੇਰੇ ਦੇਸ਼ ਪੰਜਾਬ ਜਿਹਾ ਕੋਈ ਕਿਧਰੇ ਹੋਰ ਨਹੀਂ ,
ਮਾਂ ,ਪਿਓ ,ਭੈਣ -ਭਰਾਵਾਂ ਵਰਗਾ ਮਿਲਦਾ ਜੋੜ ਨਹੀਂ ,
"ਮਿੰਦਰਾ" ਤੇਰੇ ਵਰਗੇ ਕਿੱਦਾਂ ਯਾਰ ਭੁਲਾਵਾਂ ਓਇ ,
ਵਿੱਚ ਪ੍ਰਦੇਸੀਂ ਮਾਵਾਂ ਨਾਂ ,,,,,,,,,,,,,,,,,,,,,,,,,,|
#################
************ ਗੁਰਮਿੰਦਰ ਸੈਣੀਆਂ ************
|
