ਤੁਰੇ ਫਿਰਨ ਇਸ ਜੱਗ ਤੇ ਲੱਖਾਂ ਚਿਹਰੇ
ਰੋਜ਼ ਮਿਲਿਆ ਇੱਕ ਨਵਾਂ ਅਣਜਾਣ ਚਿਹਰਾ,
ਲਾ ਕੇ ਚਿਹਰੇ ਤੇ ਚਿਹਰਾ ਲੋਕੀ ਫਿਰਨ ਏਥੇ
ਨਾ ਸਕੇ ਕੋਈ ਅਸਲ ਪਛਾਣ ਚਿਹਰਾ,
ਇਹਨਾਂ ਚਿਹਰਿਆਂ 'ਚੋ ਆਇਆ ਸੀ ਹੋਰ ਚਿਹਰਾ
ਬਣ ਬੈਠਾ ਇਸ ਜਿਸਮ ਦੀ ਜਾਨ ਚਿਹਰਾ,
ਤੱਕ ਉਹਨੂੰ ਰੱਜ ਨਾ ਆਇਆ ਦਿਲ ਨੂੰ,
ਲੱਗੇ ਹੋਣਾ ਨਾ ਐਸਾ ਹੋਰ ਜਹਾਨ ਚਿਹਰਾ,
ਉਹਦੇ ਚਿਹਰੇ ਤੇ ਨੂਰ ਸੀ ਚੰਨ ਵਰਗਾ
ਉਸ ਚਿਹਰੇ ਤੋਂ ਲੱਖ ਕੁਰਬਾਨ ਚਿਹਰਾ,
ਪਰ ਝੂਠ ਸੀ ਸਾਰੀ ਰੌਣਕ ਉਸ ਦੀ
ਅੰਦਰੋਂ ਪਿਆ ਸੀ ਉਹ ਵੀਰਾਨ ਚਿਹਰਾ,
ਲੁੱਟ ਲੈ ਗਿਆ ਪਿੱਠ ਤੇ ਵਾਰ ਕਰਕੇ
ਹੋਣਾ ਐਸਾ ਨਾ ਜੱਗ ਤੇ ਸ਼ੈਤਾਨ ਚਿਹਰਾ।

very well written,.........good

Apinder

 

ਬਹੁਤ ਸੋਹਣਾ ਲਿਖਿਆ ਹੈ . ਚੰਨ ਜਿਹੇ ਚਿਹਰੇ ਦੇ ਮੁਖੌਟੇ ਪਿਛੇ ਦਾ ਇਕ ਸ਼ੈਤਾਨ ਚੇਹਰਾ . 

ਕਿਆਸ ਕਰ ਕੇ ਈ ਰੂਹ ਕੰਬ ਗਈ .

 

very well written jida sukhpal veer ji ne kha 

ਬਹੁਤ ਸ਼ੁਕਰੀਆ ਵੀਰ ਜੀ 🙏