ਮੇਰਾ ਮਹਿਬੂਬ ਕਵੀ ਤਾਂ ਹੈ
ਪਰ ਉਹ ਮੇਰੇ ਲਈ ਨਹੀਂ ਲਿਖਦਾ ..
ਉਸਨੂੰ
ਹੁਸੀਨ ਹਾਦਸਿਆਂ ਬਾਰੇ ਲਿਖਣਾ ਪਸੰਦ ਹੈ
ਪਰ ਅਫਸੋਸ !
ਮੈਂ ਹਾਦਸਾ ਤੇ ਹਾਂ
ਪਰ ਹੁਸੀਨ ਨਹੀਂ !
ਉਸਨੂੰ ਫੁੱਲ-ਕਲੀਆਂ ਬਾਰੇ ਲਿਖਣਾ ਪਸੰਦ ਹੈ
ਪਰ ਅਫਸੋਸ!
ਮੈਂ ਫੁੱਲਾਂ ਦੇ ਕਬੀਲੇ ਦੀ ਸ਼ੈਅ ਨਹੀਂ
ਇਸੇ ਲਈ
ਕਵੀ ਹੁੰਦਿਆਂ ਵੀ
ਮੇਰਾ ਮਹਿਬੂਬ
ਮੇਰੇ ਲਈ ਨਹੀਂ ਲਿਖਦਾ
ਤੇ ਇਹੀ ਸੋਚ ਕੇ
ਮੈਂ ਅਕਸਰ ਉਦਾਸ ਹੋ ਜਾਂਦੀ ਆਂ !

ਨਾਜ਼

ਮਹਿਬੂਬਾ ਦੀਆਂ ਉੱਸਲਵੱਟੇ ਭੰਨਦੀਆਂ ਨਿਹਫਲ ਰੀਝਾਂ ਦੀ ਨਿੱਕੀ ਜਿਹੀ ਕਹਾਣੀ | ਸੁੰਦਰ ਰਚਨਾ |

ਬਿੱਟੂ ਬਾਈ ਜੀ, ਚੋਣ ਕਰਨ ਵਾਲੀ ਐਨਕ ਇਕ ਵਾਰ ਪਹਿਲਾਂ ਵੀ ਮੰਗੀ ਸੀ, ਦੇ ਦਿਓ ਜਨਾਬ |

ਜਿਉਂਦੇ ਵੱਸਦੇ ਰਹੋ |