ਗੱਲ ਬੋਲਣ ਦੀ ਨਹੀਂ
ਸੁਣਨ ਦੀ ਏ ਸਮਝਣ ਦੀ ਏ
ਜੀਭ ਨੂੰ ਸੁਣਨਾ ਆਉਣਾ ਚਾਹੀਦਾ ਏ
ਅਤੇ ਕੰਨ ਅੰਨੇ ਨਹੀਂ ਹੋਣੇ ਚਾਹੀਦੇ
ਮੈਂ ਬਹੁਤ ਕੁਝ ਬੋਲ ਸਕਦਾਂ
ਪਰ ਉਹ ਸਭ ਸੁਣਨ ਲਈ
ਤੁਹਾਡੇ ਹਾਜ਼ਮੇ ਛੋਟੇ ਪੈ ਜਾਣਗੇ
ਤੁਸੀਂ ਇਸ ਗੱਲ ਦਾ ਵੀ
ਬੁਰਾ ਮੰਨ ਜਾਉਂਗੇ ਕਿ
ਮੈਂ ਕਿਹਾ ਤੁਹਾਡੇ ਹਾਜ਼ਮੇ ਛੋਟੇ ਨੇ
ਤੁਸੀਂ ਆਪਣੇ ਆਪ ‘ਚ
ਬਹੁਤ ਸਿਆਣਾ ਤੇ ਵੱਡਾ ਬਣਨਾ ਚਾਹੁੰਦੇ ਓ
ਚੰਗਾ ! ਤੁਸੀਂ ਹੋ ਵੀ
ਤੇ ਮੇਰਾ ਨਿਸ਼ਾਨ ਇਹੋ ਹੀ ਏ
ਤੁਹਾਨੂੰ ਹਿਲਾਉਣਾ
ਸਿਆਣੇ ਬਣਨਾ ਬੇ-ਅਕਲੀ ਏ
ਅਸਲ ਚ ਕੁਝ ਵੀ ਬਣਨਾ ਬੇ-ਅਕਲੀ ਏ
ਕੁਝ ਵੀ ਨਾ ਹੋਣਾ ਸਭ ਕੁਝ ਏ
ਇਹ ਹਾਸੋ ਹੀਣੀ ਗੱਲ ਏ
ਐਦਾਂ ਜਿਦਾਂ ਕਿਸੇ ਬੱਚੇ ਦਾ ਖਿਡੌਣਾਂ ਤੋੜ ਦਿੱਤਾ ਜਾਵੇ
ਕਿਉਂਕਿ ਉਹ ਬੇ-ਤਹਾਸ਼ਾ ਸ਼ੋਰ ਮਚਾ ਰਿਹਾ ਸੀ
ਮੇਰੀ ਇਸ ਗੱਲ ਨਾਲ ਤੁਹਾਨੂੰ ਨਫ਼ਰਤ ਹੋ ਸਕਦੀ ਏ
ਮੇਰੇ ਨਾਲ ਵੀ
ਤੇ ਮੈਂ ਇਹੀ ਚਾਹੁੰਦਾ ਹਾਂ
ਤੁਹਾਡੇ ਅੰਦਰੋਂ ਨਫ਼ਰਤਾਂ ਗੁੱਸੇ
ਬਾਹਰ ਕੱਢ ਦੇਵਾਂ
ਤੁਹਾਡੇ ਫਾਲਤੂ ਦੇ ਰੌਲੇ ਮੁੱਕਾ ਦੇਵਾਂ
ਤੇ ਪਿੱਛੇ ਬਚੇ ਸੁਕੂਨ, ਏਕਾਂਤ
ਇੱਕ ਹੌਲਾ ਫੁੱਲ ਮਹਿਕਦਾ ਹੋਇਆ ~

ਵਾਹ ,...........ਬਹੁਤ ਹੀ ਲਾ-ਜਵਾਬ ,.............ਇਨਕਲਾਬੀ ਸੋਚ ਵਾਲੀ ਕਵਿਤਾ ,.............ਕਾਫੀ ਸਮੇਂ ਬਾਅਦ ਅਜੇਹੀ ਰੂਹ ਨੂੰ ਹਲੂਣਾ ਦੇਣ ਵਾਲੀ ਸ਼ਬਦਾਵਲੀ ਪੜ੍ਹਨ ਨੂੰ ਮਿਲੀ ਹੈ ,................ਇਹ ਇਕ ਬਹੁਤ ਹੀ ਸਲਾਹੁਣਯੋਗ ਕੀਰਤ ਹੈ ,.........ਕਲਮ ਅਤੇ ਲੇਖਕ ਦੋਹਾਂ ਨੂੰ ਸਲਾਮ 

 

must read poetry for all...............a world class writing..............i salute sir....TFS

🙏🏻🙏🏻