ਜਿੰਦਗੀ ਦੇ ਸਿੱਧੇ ਪੁੱਠੇ ਰਾਹਾਂ ਨਾਲ ਪੈ ਗਈਆਂ ਯਾਰੀਆਂ ਨੇ,
ਜਿੰਦਗੀ ਨੂੰ ਹੁਣ ਧੁੱਪਾਂ ਦਾ ਸੇਕ ਤੇ ਪੋਹ ਦੀਆਂ ਰਾਤਾਂ ਦੀਆਂ ਠੰਡੀਆਂ ਠਾਰੀਆਂ ਨੇ,
ਇਹ ਲੇਖਾਂ ਦਾ ਹੈ ਕਸੂਰ ਜਾਂ ਮੇਰੇ ਕਰਮਾਂ ਦੀਆਂ ਕਾਰਸਤਾਨੀਆਂ ਨੇ,
ਕੁੱਝ ਦੋਸਤਾਂ ਦੀਆਂ ਨਿਸ਼ਾਨੀਆਂ ਤੇ ਕੁੱਝ ਆਪਣਿਆਂ ਦੀਆਂ ਮੇਹਰਬਾਨੀਆਂ ਨੇ ।
ਹਾਸੇ ਵੀ ਹੁਣ ਕਦੇ ਕਦੇ ਬੁੱਲਾਂ ਨੂੰ ਚੁੱਭਣ ਜਿਹੇ ਲਗਦੇ ਨੇ,
ਪਲਕਾਂ ਤੇ ਆਏ ਹੁੰਝੂ ਵੀ ਹੁਣ ਕਦੇ ਕਦੇ ਠੰਢੇ ਜਿਹੇ ਲਗਦੇ ਨੇ,
ਇਹ ਮੇਰੇ ਹਾਸਿਆਂ ਦਾ ਹੈ ਕਸੂਰ ਜਾਂ ਮੇਰੇ ਹੰਝੂਆਂ ਦੀਆਂ ਕਾਰਸਤਾਨੀਆਂ ਨੇ,
ਕੁੱਝ ਦੋਸਤਾਂ ਦੀਆਂ ਨਿਸ਼ਾਨੀਆਂ ਤੇ ਕੁੱਝ ਆਪਣਿਆਂ ਦੀਆਂ ਮੇਹਰਬਾਨੀਆਂ ਨੇ ।
ਕੁੱਝ ਅਜਨਵੀ ਚਿਹਰੇ ਜਿਹੇ ਜਿੰਦਗੀ ਦੀ ਨਿਸ਼ਾਨੀ ਜਿਹੇ ਬਣ ਗਏ ਨੇ,
ਕੁੱਝ ਅਣਚਾਹੇ ਚਿਹਰੇ ਹੁਣ ਦਿਲ ਦੀ ਧੜਕਣ ਜਿਹੇ ਬਣ ਗਏ ਨੇ,
ਇਹ ਦਿਲ ਦਾ ਹੈ ਕਸੂਰ ਜਾਂ ਜਿੰਦਗੀ ਦੀ ਕਿਸੇ ਮਜਬੂਰੀ ਦੀਆਂ ਕਾਰਸਤਾਨੀਆਂ ਨੇ,
ਕੁੱਝ ਦੋਸਤਾਂ ਦੀਆਂ ਨਿਸ਼ਾਨੀਆਂ ਤੇ ਕੁੱਝ ਆਪਣਿਆਂ ਦੀਆਂ ਮੇਹਰਬਾਨੀਆਂ ਨੇ ।
`ਸੁਖਪਾਲ` ਦੇ ਸਾਹਾਂ ਦੀ ਆਵਾਜ ਹੌਲ਼ੀ ਹੌਲ਼ੀ ਮੱਧਮ ਹੋਣ ਲੱਗ ਗਈ ਹੈ,
ਵਿਛੜੇ ਆਪਿਣਆਂ ਦੀ ਯਾਦ ਹੌਲ਼ੀ ਹੌਲ਼ੀ ਧੁੰਦਲੀ ਹੋਣ ਲੱਗ ਗਈ ਹੈ,
ਇਹ ਸਾਹਾਂ ਦਾ ਹੈ ਕਸੂਰ ਜਾਂ ਵਿਛੜਿਆਂ ਦੀ ਯਾਦ ਦੀਆਂ ਕਾਰਸਤਾਨੀਆਂ ਨੇ,
ਕੁੱਝ ਦੋਸਤਾਂ ਦੀਆਂ ਨਿਸ਼ਾਨੀਆਂ ਤੇ ਕੁੱਝ ਆਪਣਿਆਂ ਦੀਆਂ ਮੇਹਰਬਾਨੀਆਂ ਨੇ ।
`ਸੁਖਪਾਲ ਕੌਰ `ਸੁੱਖੀ`