ਤੜਕੇ ਵਾਕ ਲਵੇ ਜਦ ਭਾਈ ,
ਪਾਵੇ ਦੁਧ ਮਧਾਣੀ ਮਾਈ ,
ਹਾਲੀ ਸੱਬਲ ਹਲ ਨੂੰ ਲਈ ,
ਤੋਰਕੇ ਬਲਦ ਖੇਤ ਨੂੰ ਜਾਂਦੇ ,
ਸਾਜ ਟੱਲੀਆਂ ਦੇ ਵੱਜਦੇ ਨਿਆਰੇ ਮਿੱਤਰੋ ,
ਇਹ ਨੇ ਸਾਡੇ ਪਿੰਡਾਂ ਦੇ ਨਜਾਰੇ ਮਿੱਤਰੋ |

     ******************

ਪੈਲੀ ਵਾਹੁੰਦੇ ਜਦ ਥੱਕ ਜਾਣਾ ,
ਮੰਜਾ ਤੂਤਾਂ ਥੱਲੇ ਡਾਹੁਣਾ ,
ਓਹਨੇ ਭੱਤਾ ਲੈ ਕੇ ਆਉਣਾ ,
ਵਾਜਾਂ ਮਾਰ ਕੇ ਜਗਾਉਣਾ ,
ਥੋੜਾ ਸ਼ਰਮਾਉਣਾ ਬੁੱਲਾਂ ਵਿੱਚ ਮੁਸਕਾਉਣਾ ,
ਓਹੋ ਪਲ ਲਗਦੇ ਪਿਆਰੇ ਮਿੱਤਰੋ ,
ਇਹ ਨੇ ਸਾਡੇ ਪਿੰਡਾਂ ਦੇ ਨਜਾਰੇ  ਮਿੱਤਰੋ  |

        *********************

ਸਾਉਣ ਮਹੀਨੇ ਤੀਆਂ ਲੱਗਣ ,
ਵੱਧ ਚੜਕੇ ਮੁਟਿਆਰਾਂ ਸੱਜਣ ,
ਵਿਚ ਗਿਧੇ ਦੇ ਬੋਲੀ ਪਾ ਕੇ ,
ਵੱਧ ਵੱਧ ਇਕ ਦੂਜੀ ਤੋਂ ਨਚਣ ,
ਝੂਟਦੀਆਂ ਪੀਂਘਾਂ ਮਾਰ ਕੇ ਹੁਲਾਰੇ ਮਿੱਤਰੋ ,
ਇਹ ਨੇ ਸਾਡੇ ਪਿੰਡਾਂ ਦੇ ਨਜਾਰੇ ਮਿੱਤਰੋ |

       **********************

ਲੱਗਦੇ ਅਖਾੜੇ ਛਿੰਝਾਂ ਮੇਲੇ ,
ਜਿੱਤਦੇ ਡੰਡ ਜਿੰਨਾਂ ਨੇ ਪੇਲੇ ,
ਮੁਗਦਰ ਚੱਕਣ, ਦੌੜਾਂ ਲਾਉਂਦੇ ,
ਘੋੜੀਆਂ ਗੱਡੀਆਂ ਲੋਕ ਦੌੜਾਉਂਦੇ ,
ਫੇਰਨ ਮੁੰਗਲੀਆਂ ਜਦ ਬਾਬੇ ,
ਅਸ਼ ਅਸ਼ ਕਰਦੇ ਨੇਂ ਸਾਰੇ ਮਿੱਤਰੋ ,
ਇਹ ਨੇਂ ਸਾਡੇ ਪਿੰਡਾਂ ਦੇ ਨਜਾਰੇ ਮਿੱਤਰੋ |
    

  **********************

ਸਥ ਦੇ ਉੱਚੇ ਪਿੱਪਲਾਂ ਥੱਲੇ ,
ਥੜੇ ਬਾਬਿਆਂ ਆ ਕੇ ਮੱਲੇ ,
ਅੜਕੇ ਬਾਜ਼ੀ ਸੀਪ ਦੀ ਚੱਲੇ ,
ਮੇਲੇ ਵਾਂਗ ਲਾਉਂਦੇ ਰੌਣਕਾਂ ਨੇ ਸਾਰੇ ਮਿੱਤਰੋ ,
ਇਹ ਨੇਂ ਸਾਡੇ ਪਿੰਡਾਂ ਦੇ ਨਜਾਰੇ ਮਿੱਤਰੋ |

      **********************

ਜਦ ਮੈਂ ਪਿੰਡ ਆਪਣੇ ਵੱਲ ਤੱਕਾਂ ,
ਲੱਗਣ ਸੁਰਗ ਵੇਖਦੀਆਂ ਅੱਖਾਂ ,
ਹੱਟੀਆਂ,ਭੱਠੀਆਂ, ਸਥ,ਦਰਵਾਜੇ ,
ਵਿਆਹਾਂ ਦੇ ਵਿੱਚ ਵੱਜਦੇ ਵਾਜੇ ,
ਕੜ੍ਬਾ ਕੁਤਰਦੇ ,ਸਨੀਆਂ ਕਰਦੇ ,
ਦੁੱਧ ਦਹੀਂ ਸਾਗ ਤੇ ਮੱਖਨ ਤਰਦੇ ,
ਸੀਰਾ ਅਮਲੀ ਪੀਵੇ ਘਰਦੀ ,
ਸ਼ਾਮੋਂ ਚੁਗਲੀ ਸਭਦੀ ਕਰਦੀ ,
ਬੀਰਾ ,ਕੇਹਰਾ ਟੁੱਟੀਆਂ ਗੰਡਦੇ ,
"ਮਿੰਦਰ" ਵਰਗੇ ਖੁਸ਼ੀਆਂ ਵੰਡਦੇ ,
ਜਿਓੰਦੇ ਰਹਿਣ ਜੋ ਓਹਨੂੰ ਭੰਡਦੇ ਨੇਂ ਸਾਰੇ ਮਿੱਤਰੋ ,
ਇਹ ਨੇਂ ਸਾਡੇ ਪਿੰਡਾਂ ਦੇ ਨਜਾਰੇ ਮਿੱਤਰੋ |

*********************

###### ਗੁਰਮਿੰਦਰ ਸੈਣੀਆਂ #######

ਬਹੁਤ ਹੀ ਖੂਬ ਜੀ...

bahut sohna likhia 22 ji......

ਮਜ਼ਾ ਆ ਗਿਆ ਵੀਰੂ .......ਜਾਣੀ ਦਰਸ਼ਨ ਹੋ ਗਏ ਪਿੰਡ ਦੀ ਜੂਹ ਦੇ ......ਜੀਓ..... ਤੇ ਲਿਖਦੇ ਰਹੋ 

ਜਦ ਮੈਂ ਪਿੰਡ ਆਪਣੇ ਵੱਲ ਤੱਕਾਂ ,

ਲੱਗਣ ਸੁਰਗ ਵੇਖਦੀਆਂ ਅੱਖਾਂ ,

ਹੱਟੀਆਂ,ਭੱਠੀਆਂ, ਸਥ,ਦਰਵਾਜੇ ,

ਵਿਆਹਾਂ ਦੇ ਵਿੱਚ ਵੱਜਦੇ ਵਾਜੇ ,

ਕੜ੍ਬਾ ਕੁਤਰਦੇ ,ਸਨੀਆਂ ਕਰਦੇ ,

ਦੁੱਧ ਦਹੀਂ ਸਾਗ ਤੇ ਮੱਖਨ ਤਰਦੇ ,

ਸੀਰਾ ਅਮਲੀ ਪੀਵੇ ਘਰਦੀ ,

ਸ਼ਾਮੋਂ ਚੁਗਲੀ ਸਭਦੀ ਕਰਦੀ ,

ਬੀਰਾ ,ਕੇਹਰਾ ਟੁੱਟੀਆਂ ਗੰਡਦੇ ,

"ਮਿੰਦਰ" ਵਰਗੇ ਖੁਸ਼ੀਆਂ ਵੰਡਦੇ ,

ਜਿਓੰਦੇ ਰਹਿਣ ਜੋ ਓਹਨੂੰ ਭੰਡਦੇ 

ਵਾਹ ਗੁਰੀ.........ਬਹੁਤ ਵਧੀਆ .....ਪਿੰਡ ਯਾਦ ਕਰਾਤਾ........ਪੜਕੇ ਇਉਂ ਲੱਗਿਆ ਜਿਵੇਂ ਮੈਂ ਆਪਣੇ ਪਿੰਡ ਬਾਰੇ ਫਿਲਮ ਵੇਖ ਰਿਹਾ ਹੋਵਾਂ ........grt job .....

bahut khoob bai ji ...........pinda di assal nuhar nu pesh kita dhanwaad bai ji share karan lae /........

ਸਾਉਣ ਮਹੀਨੇ ਤੀਆਂ ਲੱਗਣ,

ਵੱਧ ਚੜਕੇ ਮੁਟਿਆਰਾਂ ਸੱਜਣ,

ਵਿੱਚ ਗਿੱਧੇ ਦੇ ਬੋਲੀ ਪਾਕੇ ,

ਵੱਧ ਵੱਧ ਇੱਕ ਦੂਜੀ ਤੋਂ ਨੱਚਣ,

ਝੂਟਦੀਆਂ ਪੀਘਾਂ ਮਾਰ ਕੇ ਹੁਲਾਰੇ ਮਿੱਤਰੋ...

ਇਹ ਸਾਡੇ ਪਿੰਡ ਦੇ ਨਜਾਰੇ ਮਿੱਤਰੋ ..   nice lines bai ji 

bohat vdhya.........thx 4 sharing...

bauth he vadiya lekhiya 22g 

ਸਾਰੇ ਸਤਿਕਾਰਯੋਗ ਸੱਜਣਾ ਦਾ ਸ਼ੁਕਰੀਆ

ਜਿਓੰਦੇ ਵਸਦੇ ਰਹੋ

wah ji wah gurminder starting ton end tak es rachna nu pad ke nazara aa gaya fantastic lines.............

keep it up.........