( ਮਹਿਫ਼ਿਲ )
ਕਿਸੇ ਨੂੰ ਮਹਿਫ਼ਿਲ ਵਿਚ ਆਉਣਾ ਮੇਰਾ ਚੰਗਾ ਨਹੀਂ ਲੱਗਾ,
ਤੇ ਫਿਰ ਨਜ਼ਰਾਂ ਚ ਨਜ਼ਰ ਪਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਹੁਣ ਵਕਤ ਵੀ ਤਾਅਨੇ ਦੇਵੇ ਕਿਉਂ ਮੈਨੂੰ ਵੀ ਕੀਤਾ ਖ਼ਰਾਬ,
ਉੱਥੇ ਕਿਸੇ ਨੂੰ ਗਲ ਨਾਲ ਲਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਤਿੱਖੀ ਨਜ਼ਰ ਸੀ ਉਹਨਾਂ ਦੀ ਮੇਰੇ ਤੇ ਤਪਦੇ ਸੂਰਜ ਵਾਂਗ,
ਕਿਸੇ ਨੂੰ ਮੱਥੇ ਤੇ ਚੰਨ ਟਕਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਘਰੋਂ ਤਾਂ ਸੋਚ ਕੇ ਤੁਰਿਆ ਸੀ ਉਹਨਾਂ ਨੂੰ ਹੋਵੇਗੀ ਉਡੀਕ,
ਕਿਸੇ ਨੂੰ ਸਰਦਲ ਤੇ ਪੈਰ ਪਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਜੋ ਹਰ ਕੰਮ ਚ ਹਰ ਥਾਂ ਤੇ ਮੈਥੋਂ ਹਾਂ ਹੀ ਸੁਨਣਾ ਚਾਹੁੰਦੇ ਸੀ,
ਪਰ ਅੱਜ ਹਾਂ 'ਚ ਹਾਂ ਮਿਲਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਜੋ ਚਿਹਰੇ ਦੀ ਉਦਾਸੀ ਪੜ ਕੇ ਸਾਡਾ ਹਾਲ ਸਮਝ ਲੈਂਦੇ ਸੀ,
ਅੱਜ ਉਹਨਾਂ ਨੂੰ ਹੱਸ ਕੇ ਬਲਾਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਅਕਸਰ ਹੁੰਦੀ ਦੇਰੀ ਤੋਂ ਉਹ ਮੇਰੇ ਨਾਲ ਨਰਾਜ਼ ਵੀ ਹੁੰਦੇ ਸੀ,
ਪਰ ਅੱਜ ਸਮੇਂ ਤੋਂ ਪਹਿਲਾਂ ਆਉਣਾ ਮੇਰਾ ਚੰਗਾ ਨਹੀਂ ਲੱਗਾ।

ਕੁਝ ਗੱਲਾਂ ਦਿਲ ਵਿੱਚ ਰੱਖ ਕੇ ਵਾਪਸ ਤਾਂ ਮੁੜ ਆਇਆ ਹਾਂ,
ਉੱਥੋਂ ਆਉਣ 'ਤੇ ਹੱਥ ਜੋੜ ਆਉਣਾ ਮੇਰਾ ਚੰਗਾ ਨਹੀਂ ਲੱਗਾ।
ਗੁਰਜੰਟ ਤਕੀਪੁਰ
88727 82684

 

ਗੁਰਜੰਟ ਬਾਈ ਵਧੀਆ ਥੀਮ ਅਤੇ ਸਹੀ ਇਨਸਾਫ ਕੀਤਾ ਲਿਖਤ ਵਿਚ ਵੀ I 

ਸੋਹਣੀ ਰਚਨਾ ਅਪਲੋਡ ਕਰਨ ਲਈ ਸ਼ੁਕਰੀਆ;

ਜਿਉਂਦੇ ਵੱਸਦੇ ਰਹੋ ਅਤੇ ਇਵੇਂ ਈ ਸੋਹਣਾ ਸੋਹਣਾ ਲਿਖਦੇ ਰਹੋ I

 

 

Sukriya sir ji read karan layi tuhanu changi laggi waise eh meri real life di gall c ji.