●ਤੈਨੂੰ ਵੇਖ ਲੈਣਾ●
ਤੈਨੂੰ ਵੇਖ ਲੈਣਾ ਚੰਗਾ ਲੱਗਦਾ ਏ
ਜਿਵੇਂ ਤੜਕੇ ਉੱਠ ਕੇ ਸੂਰਜ ਨੂੰ ਵੇਖਣਾ
ਜਿਵੇਂ ਇਸ ਚਿੱਟੇ ਦਿਨ ਲਈ
ਸੂਰਜ ਨੂੰ ਨਹੀਂ ਭੁਲਾਇਆ ਜਾ ਸਕਦਾ
ਇੰਝ ਹੀ ਮੇਰੇ ਦਿਨ ਦਾ ਸੂਰਜ
ਤੈਥੋਂ ਉੱਗਦਾ ਏ,
ਤੇ ਮੇਰੀ ਕਲਪਨਾ ਦੀ ਹਰ ਬਾਰੀ ਚੋਂ
ਬਸ ਤੇਰਾ ਹੀ ਚਿਹਰਾ ਨਜ਼ਰ ਆਉਂਦਾ ਏ
ਤੇ ਤੇਰੇ ਚਿਹਰੇ ਦੀਆਂ ਕਿਰਨਾਂ
ਮੈਂ ਤੇਰੇ ਸਾਹਮਣੇ ਆ ਕੇ
ਆਪਣੀਆਂ ਅੱਖਾਂ ਚ ਪਾਉਣ ਦੀ
 ਕੋਸ਼ਿਸ਼ ਕਰਦਾ ਹਾਂ,
ਬਸ ਤੂੰ ਹਾਲ ਦੀ ਘੜੀ ਮੈਂਨੂੰ ਮੁਆਫ਼ ਕਰੀਂ
ਕੀ ਮੈਂ ਤੇਰੇ ਸੋਹਣੇ ਜਹੇ ਹਾਸੇ ਨੂੰ
ਮੁਫ਼ਤ ਚ ਮਾਣ ਰਿਹਾ ਹਾਂ।
ਪਰ ਮੈਂ ਵੀ ਚਾਹੁੰਦਾ ਹਾਂ
ਇਹ ਮੁਫ਼ਤਪੁਣਾ ਬਹੁਤਾ ਸਮਾਂ ਨਾ ਰਹੇ
ਇਸ ਲਈ ਸੋਹਣੇ ਸੋਹਣੇ ਫੁੱਲਾਂ ਨੂੰ
ਤੇਰੇ ਆਉਣ ਤੋਂ ਪਹਿਲਾਂ ਖਿੜਨ ਲਈ
ਮੈਂ ਸਾਈ ਵੀ ਦੇ ਆਇਆ ਹਾਂ
ਤੇ ਤੇਰੀ ਯਾਦ ਨਾਲ
ਰੋਜ ਉਹਨਾਂ ਕੋਲ ਗੇੜਾ ਮਾਰਦਾ ਹਾਂ
ਤੇ ਪਤਾ ਨਹੀਂ ਕਿੰਨੀ ਹੀ ਵਾਰ
ਉਹਨਾਂ ਨੂੰ ਆਖਦਾ ਹਾਂ
ਤੁਸੀਂ ਚੰਗੀ ਤਰਾਂ ਖਿੜ ਕੇ
ਬਸ ਮੇਰੇ ਪੇਸੈ ਦਾ ਮੁੱਲ ਮੋੜ ਦੇਣਾ
ਤੇ ਉਹ ਸਾਰੇ ਹੱਸ ਕੇ
ਮੈਨੂੰ ਏਨੀ ਹੀ ਗੱਲ ਆਖਦੇ ਨੇ
ਜ਼ਨਾਬ ਏਨੀ ਕਾਹਲੀ ਨਾ ਕਰੋ
ਜ਼ਰਾ ਬਹਾਰ ਤਾਂ ਆਉਣ ਦਿਓ।
              ਗੁਰਜੰਟ ਤਕੀਪੁਰ
88727 82684

Brilliant,......its an amazing,............a world's best poetry,..........Great Gurjant veer ji,......jio