( ਸੁਪਨਾ )

ਮੈਂ ਰੋਜ਼ ਇਹ ਸੋਚ ਕੇ ਸੌਂਦਾ ਹਾਂ ਕੇ ਅੱਜ

ਖੂਬਸੂਰਤ ਜਿਹਾ ਸੁਪਨਾ ਦੇਖਾਂਗਾ               

ਪਰ ਫਿਰ ਸਵੇਰੇ ਜਾਗੇ ਤੋਂ

ਨਿਰਾਸ਼ਾ ਹੀ ਪੱਲੇ ਪੈਂਦੀ ਹੈ

ਕੇ ਅੱਜ ਫੇਰ ਕੋਈ ਸੁਪਨਾ ਨਹੀਂ ਆਇਆ

ਫਿਰ ਸੋਚਿਆ

ਸੁਪਨੇ ਵਾਸਤੇ ਜਰੂਰਤ ਹੈ ਗੂੜੀ ਨੀਂਦ ਦੀ   

ਪਰ ਗੂੜੀ ਨੀਂਦ 

ਮੈਂਨੂੰ ਮੇਰਾ ਵਿੱਛੜਿਆ ਪਿਆਰ
ਆਉਂਣ ਨਹੀਂ ਦਿੰਦਾ  

ਜਦ ਅੱਖਾਂ ਬੰਦ ਕਰਦਾ ਹਾਂ 

ਤਾਂ ਸਾਹਮਣੇਂ ਹਨੇਰਾ ਹੀ ਨਜ਼ਰ ਆਉਂਦਾ ਹੈ   

ਜਿਸ ਵਿੱਚ ਕੋਈ ਰੋਸ਼ਨੀ ਵਾਲਾ ਨਹੀਂ ਦੀਵਾ 

ਜਦ ਕਈ ਵਾਰ ਸੁਪਨਾ ਦੇਖੀ ਦਾ

ਤਾਂ ਉਹ ਹਕੀਕਤ ਜਹੀ ਜਾਪਦੀ ਏ 

ਤੇ ਉਸ ਵਿੱਚ ਵੀ ਦਿਲ ਗਲਤੀ ਕਰਨੋਂ ਡਰਦਾ ਹੈ   

ਫਿਰ ਜਦ ਸੁਪਨਾ ਖਤਮ ਹੁੰਦਾ
ਤਾਂ ਅਸਲ ਜਿੰਦਗੀ ਵੱਲ ਮੁੜਦਾ ਹਾਂ   

ਤੇ ਸੋਚਦਾ ਹਾਂ ਗਲਤੀ ਕਰ ਹੀ ਦਿੰਦਾ

ਏ ਤਾਂ ਸੁਪਨਾ ਹੀ ਸੀ     

ਮੇਰੀ ਮਰਜੀ ਨਾਲ ਨਹੀਂ ਆਉਂਦਾ ਏ ਸੁਪਨਾ

ਇਹ ਤਾਂ ਜਿੰਦਗੀ ਦਾ ਕੋਈ ਭੇਦ ਹੀ ਜਾਪਦਾ ਏ  

ਜੋ ਸਿਰਫ ਉਹ ਰੱਬ ਹੀ ਜਾਣਦਾ ਏ     

ਸੁਪਨੇ ਵੇਖੋ ਤੇ ਸੱਚ

ਹੋਣ ਜਾਂ ਕਰਨ ਦੀ ਉਮੀਦ ਰੱਖੋ 

ਸੁਪਨੇ ਦੀ ਉਮਰ ਵੀ ਨੀਂਦ ਜਿੰਨੀ ਹੀ ਹੁੰਦੀ ਏ   

ਕੇ ਅੱਖ ਖੁੱਲੀ ਨਹੀਂ ਕਿ ਸੁਪਨਾ ਖਤਮ !                   

                     ਗੁਰਜੰਟ ਤਕੀਪੁਰ

                  (ਫੋਨ:8872782684)

good work bro. very nice

Thanks ji.