ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ......
ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ ,
ਜੋ ਰੋਜ ਉਡਾਉਂਦੀਆਂ ਕਾਵਾਂ ਨੂੰ ,
ਦਰਿਆ ਚਿੱਟੇ ਦੇ ਵਿੱਚ ਜੋ ਡੁੱਬਗੇ
ਬੱਸ ਲੱਭਣੇ ਨਹੀ ਪੁੱਤ ਮਾਵਾਂ ਨੂੰ ,
ਭੁੱਕੀ , ਚਿੱਟਾ ਅਤੇ ਸਮੈਕਾਂ,
ਦੱਸ ਕਿੱਥੋਂ ਨੇ ਆ ਗਈਆਂ ,
ਮੇਰੇ ਦੇਸ ਦੀ ਸੋਹਲ ਜਵਾਨੀ ਨੂੰ,
ਬਣ ਗੌਡਜਿਲ਼ਾ ਇਹ ਖਾ ਗਈਆਂ ,
ਉਹਨਾ ਭੈਣਾ ਦਾ ਕੀ ਦੋਸ਼ ਰੱਬਾ ,
ਜੋ ਉਡੀਕ ਦੀਆਂ ਭਰਾਵਾਂ ਨੂੰ ,
ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ ,
ਜੋ ਰੋਜ ਉਡਾਉਂਦੀਆਂ ਕਾਵਾਂ ਨੂੰ ,
ਦਰਿਆ ਚਿੱਟੇ ਦੇ ਵਿੱਚ ਜੋ ਡੁੱਬਗੇ
ਬੱਸ ਲੱਭਣੇ ਨਹੀ ਪੁੱਤ ਮਾਵਾਂ ਨੂੰ ,
ਇਹ ਧਰਤੀ ਪੰਜ ਦਰਿਆਵਾਂ ਦੀ
ਦਰਿਆ ਹੋਰ ਕਿਉਂ ਏਥੇ ਵਗਦੇ ਨੇ,
ਜਿਹੜੇ ਵੰਡਦੇ ਜ਼ਹਿਰਾਂ ਬੱਚਿਆਂ ਵਿੱਚ ,
ਰੱਬਾ ਦੱਸ ਤੇਰੇ ਕੀ ਲੱਗਦੇ ਨੇ ,
ਜੈਲੀ ਪੁੱਤ ਜਿੱਨਾ ਦੇ ਘਰਾਂ ਤੋਂ ਤੁਰਗੇ,
ਕਿਉਂ ਮਾਪੇ ਤੱਕਦੇ ਰਾਹਵਾਂ ਨੂੰ ,
ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ ,
ਜੋ ਰੋਜ ਉਡਾਉਂਦੀਆਂ ਕਾਵਾਂ ਨੂੰ ,
ਦਰਿਆ ਚਿੱਟੇ ਦੇ ਵਿੱਚ ਜੋ ਡੁੱਬਗੇ
ਬੱਸ ਲੱਭਣੇ ਨਹੀ ਪੁੱਤ ਮਾਵਾਂ ਨੂੰ ,
ਤੂੰ ਤਾਂ ਸਭ ਕੁਝ ਦੇਖ ਰਿਹਾਂ ,
ਏਥੇ ਵਾੜ ਖੇਤ ਨੂੰ ਖਾਂਦੀ ਏ,
ਕਿਵੇਂ ਬਚੇਗਾ ਏਥੇ ਕੋਈ ਰੱਬਾ ,
ਕੁੱਤੀ ਚੋਰਾਂ ਨਾਲ ਰਲ ਜਾਂਦੀ ਏ,
ਜੋ ਕਰਦੇ ਨੇ ਕਾਲੇ ਕੰਮ ਏਥੇ ,
ਕਿਉਂ ਦਿੰਦਾ ਨਹੀਂ ਸਜ਼ਾਵਾਂ ਤੂੰ,
ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ ,
ਜੋ ਰੋਜ ਉਡਾਉਂਦੀਆਂ ਕਾਵਾਂ ਨੂੰ ,
ਦਰਿਆ ਚਿੱਟੇ ਦੇ ਵਿੱਚ ਜੋ ਡੁੱਬਗੇ
ਬੱਸ ਲੱਭਣੇ ਨਹੀ ਪੁੱਤ ਮਾਵਾਂ ਨੂੰ ,
ਦੇਸ ਮੇਰੇ ਦੇ ਇਹ ਗੱਭਰੂ ਰੱਬਾ,
ਕਿਉਂ ਵਿਰਸੇ ਨੂੰ ਭੁੱਲ ਗਏ ਨੇ ,
ਜੋ ਰੁੱਖ ਮੋੜਦੇ ਰਹੇ ਦਰਿਆਵਾਂ ਦੇ,
ਕਿਉਂ ਨਸ਼ਿਆਂ ਵਿੱਚ ਰੁਲ ਗਏ ਨੇ,
ਜੈਲੀ ਨਜ਼ਰ ਕਿਸਦੀ ਹੈ ਲੱਗ ਗਈ ,
ਇਹਨਾ ਚੂੜੇ ਵਾਲੀਆਂ ਬਾਹਵਾਂ ਨੂੰ,
ਰੱਬਾ ਇੱਕ ਵਾਰੀ ਤੂੰ ਦੇਖ ਆ ਕੇ ,
ਜੋ ਰੋਜ ਉਡਾਉਂਦੀਆਂ ਕਾਵਾਂ ਨੂੰ ,
ਦਰਿਆ ਚਿੱਟੇ ਦੇ ਵਿੱਚ ਜੋ ਡੁੱਬਗੇ
ਬੱਸ ਲੱਭਣੇ ਨਹੀ ਪੁੱਤ ਮਾਵਾਂ ਨੂੰ ,
|