ਸਵਾਲ ਦਾ ਜਵਾਬ
ਹਰ ਹਾਲ ਵਿੱਚ ਜਿਸਦੇ ਸੁਪਨੇ,
ਸੁਪਨੇ ਹੀ ਰਹਿ ਜਾਂਦੇ ਨੇ।
ਐਸੇ ਬੰਦੇ ਉੱਲਝਣ ਵਿੱਚ ਫੱਸਕੇ,
ਆਖਰ ਪੱਥਰ ਹੋ ਜਾਂਦੇ ਨੇ।
ਹਰ ਸਵਾਲ ਦਾ ਜਵਾਬ ਨਹੀਂ ਹੁੰਦਾ,
ਐਸੇ ਸਵਾਲ ਕਿਉਂ ਕਰਦੇ ਹੋ,
ਜਵਾਬ ਜੋ ਹਿਰਦੇ ਠੰਡ ਪਾ ਦੇਵੇ,
ਉਹ ਕਈ ਰਾਹ ਦੇ ਜਾਂਦੇ ਨੇ।
ਗ਼ਮ ਖ਼ੁਸ਼ੀਆਂ ਸੱਭ ਵਕਤ ਦੇ ਪਹਿਲੂ,
ਸਮ ਕਰ ਮੰਨਣਾ ਸੌਖਾ ਨਹੀ,
ਸੱਚ ਪਹਿਚਾਨਣ ਵਾਲੇ ਅਕਸਰ,
ਸਿਦਕ ਵਾਲੇ ਮੰਨ ਜਾਂਦੇ ਨੇ।
ਮਕਸਦ ਜਿਸਦਾ ਧੁਰ ਦਰਗਾਹੀ,
ਸੁਰਤ ਵਿੱਚ ਸੰਸਾਰ ਰਹੇ,
ਭੁਗਤਾ,ਜੁਗਤਾ ਮੁਕਤਾ ਬਣ ਉਹ,
ਭੱਵ-ਸਾਗਰ ਤਰ ਜਾਂਦੇ ਨੇ।

"sawaal da jawaab",...............waah extra ordinary,........a new thought of the new generation,.............jeo sir g,.........TFS

Thanks