ਮੈਂ ਜਦੋਂ ਵੀ
ਫੇਰਾ ਪਾਉਂਦਾ ਹਾਂ
ਮੁੜ ਆਪਣੇ ਪਿੰਡ
ਕੁਝ ਨ ਕੁਝ,
ਕਿਤੇ ਨ ਕਿਤੇ
ਦਿਸਦੀ ਏ ਤਬਦੀਲੀ,
ਤਬਦੀਲੀ ਜੋ ਆਉਂਦੇ ਵਕਤ ਦੀ
ਡਰਾਉਣੀ ਤਸਵੀਰ ਦੱਸਦੀ ੲੇ
ਜਿਸ ਨੇ ਗੁਜ਼ਰੇ ਵਕਤ ਦੇ ਵੀ
ਅਜਿਹੇ ਟੋਟੇ ਕਰ ਦਿੱਤੇ ਕਿ
ੳੁਸ ਦੀਆਂ ਕੀਚਰਾਂ ਹੁਣ
ਵਰਤਮਾਨ ਦੇ ਪੈਰਾਂ 'ਚ ਚੁਭਦੀਆਂ ਨੇ

ਸੁਣਦੀ ੲੇ ਮੈਨੂੰ
ਖੇਤਾਂ ਦੇ ਬੰਨਿਆਂ ਦੀ ਤੜਫ਼ਣ
ਜੋ ਕਦੇ ਭੱਤਾ ਲੈ ਤੁਰੀਆਂ
ਸੁਆਣੀਆਂ ਦੀਆਂ ਝਾਂਜਰਾਂ ਵਾਲੇ
ਸੁਰੀਲੇ ਸਾਜ਼ ਸੁਣ ਸੁਣ
ਅਸਮਾਨ ਛੂਹਣ ਨੂੰ ਤਾਂਘਦੇ ਸੀ
ਜੋ ਬੰਨੇ ਮਟਮੈਲੀਆਂ ਧੁੱਪਾਂ 'ਚ ਵੀ
ਮੋਤੀਆਂ ਦੀ ਸੇਜ ਵਾਂਗ ਲੱਗਦੇ ਸੀ
ਹੁਣ ਕਿਸੇ ਜਲੀ ਰੱਸੀ ਦੀ ਲੀਕ ਵਾਂਗ
ਨਿਰਜੀਵ ਹੋ ਗੲੇ ਨੇ ।

ਰੋਂਦੀਆਂ ਨੇ ਹੁਣ
ਮੇਰੇ ਗਲ੍ਹ ਲੱਗ ਲੱਗ
ਖੇਤਾਂ ਦੀਆਂ ਬੁੱਢੀਆਂ ਵੱਟਾਂ,
ਜਿਨ੍ਹਾਂ ਤੇ ਬੈਠ ਬਾਂਕੇ ਗੱਭਰੂ
ਕਦੇ ਯਮਲੇ ਵਾਂਗ ਹੇਕਾਂ ਲਾਉਂਦੇ ਸੀ
ਆਉਂਦੀ ਵਿਸਾਖੀ ਦੇ ਮੇਲੇ ਦੇ
ਸੁਪਨੇ ਲੈਂਦੇ ਸੀ,
ਗੰਨੇ ਚੂਪਦੇ ਸੀ,
ਉਨ੍ਹਾਂ ਵੱਟਾਂ ਤੇ
ਡਿੱਗੀਆਂ ਮਿਲਦੀਆਂ ਨੇ ਹੁਣ
ਸਰਿੰਜਾਂ,ਖਾਲੀ ਬੋਤਲਾਂ
ਐਲਮੀਨੀਅਮ ਦੇ ਪੱਤਰੇ ।

ਹਰ ਘਰ ਦੇ
ਵਿਹੜੇ ਦੀ ਮਿੱਟੀ ਦਾ ਰੰਗ
ਹੋ ਰਿਹਾ ੲੇ ਕਬਰ ਦੀ ਮਿੱਟੀ ਵਰਗਾ
ਜਿੱਥੇ ਹਰ ਪਹਿਰ ਹਰ ਨਿਮਖ
ਮੌਤ ਹੋ ਰਹੀ ਏ
ਓਸ ਵਿਹੜੇ ਦੀ ਰੌਣਕ ਦੀ
ਓਸ ਦੀ ਜਵਾਨੀ ਦੀ
ੲਿਹ ਓਹੀ
ਕੁਝ ਨ ਕੁਝ,
ਕਿਤੇ ਨ ਕਿਤੇ
ਦਿਸਣ ਵਾਲੀ ਤਬਦੀਲੀ ਏ,
ਜੋ ਆਉਂਦੇ ਵਕਤ ਦੀ
ਡਰਾਉਣੀ ਤਸਵੀਰ ਦੱਸਦੀ ੲੇ ॥

-: ਸੰਦੀਪ 'ਸੋਝੀ'

True yaar

 

ਸੋਝੀ ਸਾਹਿਬ, ਮੈਨੂੰ ਇਹ ਸੁੰਦਰ ਕਿਰਤ ਪੜ੍ਹਕੇ ਹੁਣੇ ਹੁਣੇ ਸੋਝੀ ਆਈ ਹੈ ਕਿ ਤੁਸੀਂ ਕਿੰਨੀਂ ਸੋਝੀ ਵਾਲੀ ਗੱਲ, ਕਿੰਨੀ ਸੋਝੀ ਨਾਲ ਲਿਖੀ ਐ - ਕਿ ਅਜੋਕੇ ਜਵਾਨਾਂ ਨੇ ਸਾਰੀ ਸੋਝੀ ਖੋ ਦਿੱਤੀ ਹੈ ਤੇ ਪੁੱਠੇ ਪਾਸੇ ਤੁਰ ਪਏ ਹਨ | ਇਸ (ਨਸ਼ੇ ਖੋਰੀ) ਨਾਲ ਜਵਾਨਾਂ ਦੀ ਜਵਾਨੀ, ਪ੍ਰਾਂਤਕ ਪ੍ਰਗਤੀ ਦੀ ਰਵਾਨੀ ਅਤੇ ਦੇਸ਼ ਪੰਜਾਬ ਦੀ ਚੌਧਰ-ਪ੍ਰਧਾਨੀ ਤੇ ਬੁਰਾ ਅਸਰ ਪੈ ਰਿਹਾ ਹੈ |

ਬਹੁਤ ਅਰਥ ਭਰਪੂਰ ਤੇ ਇਮਾਨਦਾਰ ਚਿੰਤਾ ਨਾਲ ਸੋਹਣੀ ਜਿਹੀ ਰਚਨਾ  ਪੇਸ਼ ਕੀਤੀ ਹੈ ਤੁਸੀਂ ਇਸ ਫੋਰਮ ਤੇ - ਬਹੁਤ ਖੂਬ ਸੰਦੀਪ ਬਾਈ ਜੀ |

 

ਜਿਉਂਦੇ ਵੱਸਦੇ ਰਹੋ |

 

   

 

ਬਹੁਤ ਹੀ ਸੋਹਣੀ ਲਿਖਤ ਹੈ ਸੰਦੀਪ ਜੀ ਜੋ ਮਰਦੇ ਵਿਰਸੇ ਤੇ ਨਸ਼ੇ ਜਹੇ ਗੰਭੀਰ ਹੈ. ਮੁੱਦੇ ਤੇ ਚਾਨਣਾ ਪਾੳੁਦੀ ਹੈ

Thanks a lot ,Gurpreet ji, Jagjit Sir and Sanjeev ji for taking time off for this verse and adorning it your precious words.

Bahut sohni tasveer peah kiti aa ajj de punjab dee veer jee
Kujh nasheyan ne kujh billdran ne khatam karta punjab
Ki Tate ambani ghar de chuliyan teekar aa gaye
Loko bachke reho viupari pind kharidan aa gaye
Bahut buri tabdili aa punjab j na roki gayi tan punjab punjab nahi rehna
Bahut umdaa vish hai tuhada
Jeo

 

ਸੰਦੀਪ ਜੀ....ਬਹੁਤ ਆਮ ਵਿਸ਼ਾ ਵੀ ਹੈ "ਨਸ਼ਾ" ਕਿਉਂਕਿ ਏਨਾ ਆਮ ਹੋ ਗਿਆ ਹੈ ਨਸ਼ਾ ਖਾਸਕਰ ਪੰਜਾਬ ਵਿਚ .....

ਤੇ ਬਹੁਤ ਵਿਲਖਣ ਵਿਸ਼ਾ ਵੀ ਹੈ ਕਿਉਂਕਿ ਤੁਸੀਂ ਇਸ ਦੀ ਆਪਣੇ ਲਫਜਾ ਰਾਹੀ ਬਹੁਤ ਸੋਹਨੀ ਤਸਵੀਰ ਪੇਸ਼ ਕੀਤੀ ਹੈ....

ਬਹੁਤ ਵਧੀਆ ਢੰਗ ਤੇ ਸੋਝ ਨਾਲ ਲਿਖੀ ਇਕ ਬਹੁਤ ਉਮਦਾ ਲਿਖਤ ਹੈ 

 

ਸ਼ੁਕਰੀਆ ਸਾਂਝੀ ਕਰਨ ਲੀ 

 

ਖੁਸ਼ ਰਹੋ ਤੇ ਲਿਖਦੇ ਰਹੋ ਇੰਝ ਹੀ 

 

ਗੁਰਪ੍ਰੀਤ ਜੀ, ਨਵੀ ਜੀ ਕਿਰਤ ਨੂੰ ਮਾਣ ਦੇਣ ਲਈ ਤੇ ਹੌਸਲਾ ਅਫਜਾਈ ਲਈ ਤੁਹਾਡਾ ਦੋਵਾਂ ਦਾ ਬਹੁਤ ਬਹੁਤ ਸ਼ੁਕਰੀਆ ਜੀ।