ਮੈਂ ਕੌਣ ਹਾਂ ?

(ਜਿੰਦੜੀ ਦਾ ਸਵਾਲ)

ਹੋਰਾਂ ਨੂੰ ਮੱਤਾਂ ਦਿੰਦਿਆਂ,

ਉਮਰ ਨਿਕਲ ਗਈ ਮੇਰੀ,

ਕਈ ਕੁਝ ਉਡਾ ਕੇ ਲੈ ਗਈ,

ਵਕਤ ਦੀ ਤੇਜ਼ ਹਨੇਰੀ  -

ਸਿੱਧਾ ਸਾਦਾ ਬਚਪਨ ਸੀ

ਜੋ ਆਲੀ ਭੋਲੀ ਗੱਲ ਕਰੇ,

ਨਿੱਕੇ ਨਿੱਕੇ ਨੈਣ ਜੋ ਰਹਿੰਦੇ

ਵੱਡੇ ਸੁਫ਼ਨਿਆਂ ਨਾਲ ਭਰੇ |

ਇੱਕ-ਰੰਗੀ ਧੁੱਪ 'ਚੋਂ ਜੀਵਨ ਦੇ  

ਸੱਤੇ ਰੰਗ ਮਾਨਣ ਲਈ,

ਰੱਖਦੀ ਜੋਸ਼ ਜਵਾਨੀ ਵੀ 

ਬਸ ਐਵੇਂ ਈ ਤੁਰ ਗਈ |

ਲੋਕ ਮਿਲੇ ਪਰ ਖੁਦ ਨਾਲ

ਕਦੇ ਮੁਲਾਕਾਤ ਨੀ ਹੋਈ,

ਕੌਣ ਹਾਂ 'ਮੈਂ' ਬਸ ਐਨਾ ਕੁ

ਮੈਨੂੰ ਦੱਸ ਦੇਵੇ ਕੋਈ |

ਇਸ ਸਵਾਲ ਨੇ ਅੰਦਰ ਮੇਰੇ

ਬੜਾ ਖਰੂਦ ਮਚਾਇਆ,

ਪਰ ਲੱਖ ਯਤਨ ਕਰ ਕੇ ਵੀ

'ਯੁਰੇਕਾ' ਛਿਨ ਨਹੀਂ ਆਇਆ |

ਜੰਗਲ ਭਟਕੀ ਰਵੀ ਕਿਰਨ

ਨਿਸਤੇਜ ਹੋ ਗਈ ਆਂ,

ਜਾਂ ਚੰਨ ਰਿਸ਼ਮ ਬੱਦਲਾਂ ਓਹਲੇ

ਅਸਮਾਨ 'ਚ ਖੋ ਗਈ ਆਂ ?

ਕਿ ਜਲ ਬੂੰਦ ਹਾਂ ਮੈਂ ਕੋਈ,

ਸਾਗਰ ਤੋਂ ਵਿੱਛੜ ਗਈ ਆਂ, 

ਰੂਪ-ਵਟਾਉਣੇ ਸ਼ੌਂਕ ਵਿਚ

ਪਹਿਚਾਨ ਗੁਆ ਰਹੀ ਆਂ ?

ਜਾਂ ਕਲਜੁਗ ਕੋਹੀ ਰੂਹ ਮੈਂ,

ਪ੍ਰਦੂਸ਼ਨ ਨਰਕ ਪਈ ਆਂ,

ਜੋ ਸਾਹ ਲਈ ਨਿਰਮਲ ਹਵਾ ਦਾ

ਵਰਦਾਨ ਗੁਆ ਬਹੀ ਆਂ |

ਇਨ੍ਹਾਂ ਦੁੱਧ ਨੁਹਾਏ ਪੱਥਰਾਂ ਚੋਂ

ਕੋਈ ਰੱਬ ਤਾਂ ਲਭਦਾ ਨਹੀਂ ਆ, 

ਪਰ ਹਾਏ ਵਿਗੋਚਾ ! ਅੰਦਰਲਾ

ਇਨਸਾਨ ਗੁਆ ਬਹੀ ਆਂ |

ਜਗਜੀਤ ਸਿੰਘ ਜੱਗੀ

ਆਲੀ ਭੋਲੀ - ਸਿੱਧੀ ਸਾਦੀ;  'ਯੁਰੇਕਾ' ਛਿਨ -  A Eureka moment, ਉਹ ਘੜੀ ਜਦ ਮਨ ਵਾਂਛਤ ਚੀਜ਼ ਲੱਭ ਜਾਵੇ; ਖੋ ਗਈ ਆਂ - ਗੁਆਚ ਗਈ ਹਾਂ, ਅੱਖੋਂ ਓਹਲੇ ਹੋ ਗਈ ਹਾਂ; ਰੂਪ-ਵਟਾਉਣੇ ਸ਼ੌਂਕ - ਪਾਣੀ ਦਾ ਰੂਪ ਵਟਾਉਣ ਦਾ ਸ਼ੌਂਕ - ਕਦੇ ਭਾਫ਼, ਬਰਫ਼, ਤਰੇਲ ਤੇ ਕਦੇ ਧੁੰਦ, ਜਲ ਆਦਿ ਰੂਪ ਬਦਲਣ ਦੀ ਫ਼ਿਤਰਤ; ਕੋਹੀ ਰੂਹ - Tormented soul |

 

 

 

Yes ! These questions can definitely be a stepping stone in anybody's journey called life,

and your this verse is a part of your quest to find the truth about your own identity, which originated from that conscious mind, who knows that this present identity is a sum of many picked up and imposed identities. And it is natural for any human, who is ever willing to expand beyond limitations of this human race.

ਤੇ ਇਸ ਰਚਨਾ ਬਾਰੇ ਇਹੋ ਕਹਾਂਗਾ ਕਿ ਇਹ ਇੱਕ ਬਾ-ਕਮਾਲ ਰਚਨਾ ਏ, ਜੋ ਇੱਕ ਅਨੰਤ ਤਾਂਘ ਨੂੰ ਖੂਬਸੂਰਤ ਢੰਗ ਨਾਲ ਬਿਆਂ ਕਰਦੀ ਏ,

ਸ਼ਾਲਾ ਮੰਜ਼ਿਲ ਵੀ ਜਲਦ ਹੀ ਮਿਲੇਗੀ,

ਸ਼ੇਅਰ ਕਰਨ ਲਈ ਸ਼ੁਕਰੀਆ ਸਰ ।

bhaout khoob sir....jindgi da barha hi uljhia sawal hai apne app nu labhana .......

 

ਆਤਮ ਵਿਸ਼ਲੇਸ਼ਣ ਕਰਦੀ ਇੱਕ ਖੂਬਸੂਰਤ ਰਚਨਾ !

 

ਕੋਈ ਸ਼ਬਦ ਨਹੀਂ ਮੇਰੇ ਕੋਲ ,,, ਬੱਸ ਇਹੀ ਕਹਾਂਗਾ: ਵਾਹ ! ,,,ਕਿਆ ਬਾਤ ਹੈ ,,,

 

ਜਿਓੰਦੇ ਵੱਸਦੇ ਰਹੋ,,,

 

ਇੱਕ ਖੂਬਸੂਰਤ ਰਚਨਾ.....ਮੇਰੇ ਕੋਲ ਕੋਈ ਸ਼ਬਦ ਨਹੀਂ  ,,, ਬੱਸ.... ਇਹੀ ਕਹਾਂਗਾ ਕੀ ! ਵਾਹ

ਸੰਦੀਪ ਜੀ, ਹਮੇਸ਼ਾ ਦੀ ਤਰਾਂ ਰਚਨਾ ਦਾ ਆਦਰ ਕਰਨ 'ਚ ਪਹਿਲ ਰਹੀ ਹੈ ਆਪਦੀ |ਕਦਰਦਾਨ ਵਿਊਜ਼ ਦੇਣ ਲਈ ਤਹਿ-ਏ-ਦਿਲ ਤੋਂ ਸ਼ੁਕਰੀਆ |

 

ਰੱਬ ਰਾਖਾ |

ਖੁਦ ਨਾਲ ਕੀਤੀ ਗੱਲਬਾਤ ...... ਸੁਆਲ ਜੁਆਬ 

 

ਜਿੱਥੇ ਪਹਿਲੀ ਲਾਇਨ ਸਵਾਲ ਕਰਦੀ ਹੈ, ਦੂਜੀ ਲਾਇਨ ਉਸ ਦੇ ਭੰਬਲਭੁਸੇ ਦਾ ਜਵਾਬ ਦਿੰਦੀ ਹੈ !

 

ਸੁਚੇਤ ਮਨ ਸੁਆਲ ਪਾਉਂਦਾ ਹੈ , ਅਚੇਤ ਮਨ ਉਸ ਦਾ ਜਵਾਬ ਸਹਿਜਤਾ ਨਾਲ ਦਿੰਦਾ ਹੈ । 

 

ਜਿੱਥੇ ਕਵੀ ਦੇ ਅਚੇਤ ਮਨ ਵਿੱਚ ਟਿਕੀ ਦੁਨੀਆਂ ਦੀ ਸਮਝ ਵਾਕਈ ਸਰਾਹੁਣਯੋਗ ਹੈ ਉੱਥੇ ਤੱਥਾਂ ਦੀ ਪੇਸ਼ਕਾਰੀ ਕਾਇਲ ਕਰਨ ਵਾਲੀ ਹੈ।

 

ਸਾਡੇ ਵਰਗੇ ਨਾ-ਸਮਝਾਂ ਨਾਲ ਸਾਂਝਾ ਕਰਨ ਲਈ ਧੰਨਵਾਦ ਜਗਜੀਤ ਜੀ ।

 

ਬਹੁਤ ਬਹੁਤ ਸ਼ੁਕਰੀਆ ਮਾਵੀ ਬਾਈ ਜੀ, ਆਪ ਨੇ ਆਪਣੇ ਰੁਝੇਵਿਆਂ ਚੋਂ ਸਮਾਂ ਕੱਢਕੇ ਇਸ ਨਾਚੀਜ਼ ਦੇ ਨਿੱਕੇ ਜਿਹੇ ਜਤਨ ਦਾ ਇੰਨਾਂ ਮਾਣ ਕੀਤਾ |

 

ਵੈਸੇ ਨਾਸਮਝ ਤੇ ਅਸੀਂ ਹਾਂ ਜੋ ਕੁਝ ਸਿੱਖਣ ਦੀ ਜਗਿਆਸਾ ਲਈ ਫੋਰਮ ਤੇ ਘੁੰਮਦੇ ਹਾਂ, ਅਤੇ ਆਪਣੀ ਨਾਸਮਝੀ ਭਰੀ ਜਗਿਆਸਾ ਤੋਂ ਉਤਪੰਨ ਸਵਾਲ ਕਿਰਤਾਂ ਰਾਹੀਂ ਪਾਕੇ ਜਵਾਬ ਢੂੰਡਦੇ ਹਾਂ | ਆਪ ਦੇ ਵਿਊਜ਼ ਮੇਰੇ ਲਈ ਬਹੁਮੁੱਲੇ ਅਤੇ ਅਹਿਮ ਹਨ |

 

ਕਿਸੇ ਰਚਨਾ ਦਾ ਮੁੱਲ ਜਾਂ ਵੈਲਿਊ ਉਸਦੀ ਲਿਖਤ ਅਤੇ ਪਾਠਕਾਂ ਵਲੋਂ ਦਿੱਤੇ ਵਿਊਜ਼ ਉੱਤੇ ਮਨੱਸਰ ਕਰਦਾ ਹੈ | ਇਸਤਰਾਂ ਇਸ ਫ਼ਿਫ਼ਟੀ-ਫ਼ਿਫ਼ਟੀ ਵੈਂਚਰ ਵਿਚ, ਤੁਹਾਡੇ ਆਪਣੇ ਸ਼ਬਦਾਂ ਅਨੁਸਾਰ, ਤੁਸੀਂ ਵੀ ਅਧ ਦੇ ਹਿੱਸੇਦਾਰ ਹੋ |  

ਜਿਉਂਦੇ ਵੱਸਦੇ ਰਹੋ | ਰੱਬ ਰਾਖਾ |

 

i read this poetry 3 - 4 times and found a lot of things to say about the greatness of the poetry,...............the curiosity and feelings behind the poetry are so great,...........thanx sir g.............bohat khoob

ਲਾਜਵਾਬ.......ਉਮਦਾ.....Eureka chhin !!!!!  ਸਹੀ ਹੈ .... ਪਰ ਸ਼ਬਦਾਂ ਚ ਪਿਰੋ ਕੇ ਤੁਸੀਂ ਇਸਨੂੰ ਲਾਸਾਨੀ ਕਰ ਦਿੱਤਾ!!!!!!!!!!!!!!!!!!!!

Sir, Retirement to baad please class lao sir ji