*ਮੁਹੱਬਤ ਨਫ਼ਰਤ ਰਲ ਜਾਣ ਤਾਂ ਦਰਦ ਡੂੰਘਾ ਹੋ ਜਾਂਦਾ ਏ।

*ਮੈਂ ਸਮਝਦੀ ਹਾਂ ਧਰਤੀ ਵਾਸਤੇ ਇੱਕ ਦਰਖ਼ਤ ਆਦਮੀ ਨਾਲੋਂ ਕਿਤੇ ਚੰਗਾ ਏ। ਕਿੰਨਾ ਖੂਬਸੂਰਤ ਲੱਗਦਾ ਏ। ਛਾਂ ਦਿੰਦਾ ਏ। ਪੰਛੀਆਂ ਨੂੰ ਛਾਂ ਦਿੰਦਾ ਏ। ਇਕ ਚਿੜੀ ਕਿਸਾਨ ਦੇ ਬਰਾਬਰ ਦੀ ਮਿਹਨਤੀ ਏ। ਜਨੌਰ ਕਲਚਰ ਅਸਲੀ ਏ। ਇਨਸਾਨ ਕਲਚਰ ਬਨਾਵਟੀ।

*ਇਨਸਾਨਾਂ ਵਿੱਚੋਂ ਮੈਨੂੰ ਸਿਰਫ਼ ਉਹ ਚੰਗੇ ਲੱਗਦੇ ਨੇ ਜੋ ਹੁਨਰ ਦੇ ਜਾਦੂ ਜਗਾਉਣ ਵਿਚ ਮਾਹਿਰ ਹੋਣ ਜਾਂ ਉਹ ਜੋ ਜ਼ੁਲਮ ਦੇ ਖ਼ਿਲਾਫ਼ ਡਟੇ। ਕਣਕਾਂ ਬੀਜਣ ਵਾਲਾ ਕਹਾਣੀ ਲਿਖਣ ਵਾਲੇ ਨਾਲੋਂ ਬੇਹਤਰ ਹੋ ਸਕਦਾ ਏ। ਪਰ ਇੱਕ ਚੂਹੜਾ ਜੋ ਸੜਕਾਂ ਸਾਫ਼ ਕਰਦਾ ਏ ਉਹ ਸੜਕਾਂ 'ਤੇ ਗੱਡੀਆਂ ਭਜਾਉਣ ਵਾਲਿਆਂ ਨਾਲੋਂ ਕਿਤੇ ਚੰਗਾ .. ਏਸੇ ਤਰਾਂ ਵਿਹੜਾ ਸੰਭਰਣ ਵਾਲੀ ਜ਼ਨਾਨੀ ਉਸ ਬੇਗ਼ਮ ਨਾਲੋਂ ਕਿਤੇ ਉਚੀ ਏ ਜੋ ਮੂੰਹ 'ਤੇ ਸੁਰਖੀ ਪਾਊਡਰ ਲਾ ਕੇ ਪਲੰਘ 'ਤੇ ਬੈਠੀ ਰਹਿੰਦੀ ਏ। ਇਸੇ ਤਰਾਂ ਮੇਨਕਾ ਗਾਂਧੀ,ਸੋਨੀਆ ਗਾਂਧੀ ਨਾਲੋਂ ਬੇਹਤਰ ਇਨਸਾਨ ਏ। ਕਿਉਂ ਜੋ ਉਹ ਸਿਆਸਤ ਦੇ ਗੰਦ ਤੋਂ ਵੱਖ ਰਹਿ ਕੇ ਕੁੱਤਿਆਂ ਦੀ ਇਜ਼ਤ ਵਧਾਉਣ ਦਾ ਕੰਮ ਕਰ ਰਹੀ ਏ।

*About Indo-Pak Partition---ਕਿਸੇ ਅਜਿਹੇ ਬੰਦੇ ਨੂੰ ਮਿਲਣਾ ਚਾਹੁੰਦੀ ਹਾਂ ਜੀਹਨੇ ਸਾਰੇ ਖ਼ੂਨ ਖ਼ਰਾਬੇ ਵਿੱਚ ਹਿੱਸਾ ਲਿਆ ਹੋਵੇ। ਜਾਣਨਾ ਚਾਹੁੰਦੀ ਹਾਂ ਉਹਨੂੰ ਇਹ ਸਭ ਕੁਝ ਕਰਕੇ ਜੀਵਨ ਕਿੰਝ ਦਾ ਲੱਗਾ? ਉਹ ਸ਼ਕਲ ਕਿੰਝ ਦੀ ਸੀ ਜੀਹਨੇ ਮੇਰੀ ਘੁੱਗੀ ਵਰਗੀ ਦਾਦੀ ਨੂੰ ਮਾਰਿਆ ਤੇ ਉਹ ਸੂਰਮਾ ਜੀਹਨੇ ਮੇਰੀ ਚੌਦਾਂ ਸਾਲ ਦੀ ਭੈਣ ਨਾਜ਼ਰਾ ਦੀ ਗਰਦਨ ਕੱਟੀ। ਕਿੱਡਾ ਕੁ ਅਮੀਰ ਏ ਉਹ ਬੰਦਾ ਜਿਹੜਾ ਮੇਰੀਆਂ ਤਾਈਆਂ ਦੇ ਗਹਿਣੇ ਲੁੱਟ ਕੇ ਲੈ ਗਿਆ ਸੀ। ਜੀਹਨੇ ਸਾਡੀ ਬੂਰੀ ਮੱਝ ਖੋਲੀ?? ਮੈਂ ਚਾਹੁੰਦੀ ਹਾਂ ਕੋਈ ਹੋਵੇ ਜੋ ਅਜਿਹੇ ਬੰਦਿਆਂ ਨੂੰ ਇੰਟਰਵਿਊ ਕਰੇ। ਕੋਈ ਹੋਵੇ ਜੋ ਉਹਨਾਂ ਦੀਆਂ ਨਸਲਾਂ ਨੂੰ ਸ਼ਰਮਿੰਦਾ ਕਰੇ।

*ਜਿੱਥੇ ਵੀ ਦਰਦ ਬਹੁਤਾ ਹੋ ਜਾਵੇ ਮੇਰੇ ਲਈ ਲਿਖਣਾ ਮੁਸ਼ਕਿਲ ਹੋ ਜਾਂਦਾ ਏ। ਕਈ ਦਰਦ ਹੁੰਦੇ ਨੇ ਜਿੰਨਾਂ ਦਾ ਭਾਰ ਚੁੱਕਣ ਜੋਗੇ ਲਫ਼ਜ਼ ਨਹੀਂ ਲੱਭਦੇ...

*ਡਾ. ਜਗਤਾਰ-ਸ਼ਾਦੀ ਕਿਉਂ ਨਹੀਂ ਕਰਵਾਈ?

ਅਫ਼ਜ਼ਲ ਤੌਸੀਫ਼---ਅੱਜ ਮੈਂ ਇਸ ਸਵਾਲ 'ਤੇ ਹੱਸ ਪੈਂਦੀ ਹਾਂ। ਕਦੇ ਗੁੱਸਾ ਆ ਜਾਂਦਾ ਸੀ। ਭਰੀ ਦੁਨੀਆ ਵਿੱਚ ਇੱਕ ਬੰਦਾ ਵੀ ਬਿਨਵਿਆਹਾ ਝੱਲਿਆ ਨਹੀਂ ਜਾਂਦਾ। ਮੈਂ ਚਾਹੁੰਦੀ ਹਾਂ ਬਹੁਤ ਸਾਰੇ ਹੋਰ ਲੋਕੀਂ ਵੀ ਵਿਆਹ ਨਾ ਕਰਨ। ਦੁਨੀਆਂ ਵਿੱਚ ਇਨਸਾਨ ਦੀ ਆਬਾਦੀ ਬਹੁਤ ਵਧ ਗਈ ਹੋਈ ਏ। ਜ਼ਿੰਦਗੀ ਦਾ ਹੋਰ ਕੋਈ ਮਕਸਦ ਈ ਨਹੀਂ ਰਹਿ ਗਿਆ। ਪਹਿਲਾਂ ਆਪਣਾ ਵਿਆਹ ਫੇਰ ਬੱਚਿਆਂ ਦੀ ਫ਼ਿਕਰ। ਇਹ ਵਿਆਹ ਦੀਆਂ ਬਰਕਤਾਂ ਈ ਨੇ ਜੋ ਲੱਖਾਂ ਕਰੋੜਾਂ ਬੱਚੇ ਭੁੱਖੇ ਮਰਦੇ,ਭਿੱਖ ਮੰਗਦੇ, ਮਜ਼ਦੂਰੀ ਕਰਦੇ ਫਿਰਦੇ ਨੇ। ਇਹ ਵਿਆਹ ਦਾ ਨਤੀਜਾ ਏ ਕਿ ਆਦਮੀ ਹਾਜੂਮ ਮਾਜੂਜ ਬਣਕੇ ਧਰਤੀ ਚੱਟ ਗਿਆ। ਜੰਗਲ ਮੁੱਕ ਗਏ ਜਨੌਰ ਮੁੱਕ ਗਏ। ਦਰਿਆ ਗੰਦੇ ਹੋ ਗਏ, ਅਨਾਜ ਘੱਟ ਗਿਆ। ਕੀਹਨੇ ਕੀਤੀ ਇੰਜ ਦੀ ਬਰਬਾਦੀ?
ਹੁਣ ਜਦ ਕਿ ਨਸਲਾਂ ਵਧਾਉਣ ਦਾ ਮਾਮਲਾ ਵੀ ਨਹੀਂ ਰਹਿ ਗਿਆ ਨਿਰੀ ਸੈਕਸ ਵਾਸਤੇ ਏਡੀ ਬੇਸ਼ਉਰੀ। ਬੇਸ਼ਉਰ ਸਮਾਜ ਵਾਸਤੇ ਜੀਹਦਾ ਕੁੱਲ ਮਸਲਾ ਏਨਾ ਏ ਕਿ ਪਈ ਕੁੜੀ ਜਵਾਨ ਹੋ ਗਈ ਬਾਪ ਬੁੱਢਾ ਹੋ ਗਿਆ ਹੁਣ ਉਹਨੂੰ ਕਿਸੇ ਹੋਰ ਮਰਦ ਦੀ ਮਲਕੀਅਤ ਵਿੱਚ ਜਾਣਾ ਚਾਹੀਦਾ ਏ। ਸੋ ਕੁੜੀ ਵਿਆਹ ਦਿੱਤੀ ਜਾਂਦੀ ਏ। ਪਿਓ ਦਾ ਭਾਰ ਲੱਥ ਜਾਂਦਾ ਏ। ਅੱਗੋਂ ਉਹ ਵਿਚਾਰੀ ਖ਼ਬਰੇ ਕੀਹਦਾ ਕੀਹਦਾ ਭਾਰ ਚੁੱਕ ਖਲੋਂਦੀ ਏ। ਧਰਤੀ ਦਾ ਬੋਝ ਵਧਾਉਣ ਲਈ ਬੱਚੇ ਜੰਮਦੀ ਏ। ਮੈਨੂੰ ਤਾਂ ਡਰ ਲੱਗਦਾ ਏ ਕਿਸੇ ਦਿਨ ਧਰਤੀ ਆਪਣਾ ਭਾਰ ਹੌਲਾ ਕਰਨ ਲਈ ਪਾਸਾ ਨਾ ਪਰਤ ਜਾਵੇ।

Thnx....for....sharing....it.....

"sirf indo pak partion" di samjh laggi ay... eve nhi ho sakda k thora jeha kasht kar k engrezi alphabet ch punjabi likh maro kisy mery varge ghareeb da bhala he hojay......

eh partition da ajeha nuqsan ay jidy bary kisy ne vi nhi sochya hona, k mery wargha lehndy punjab da banda Gurmukhi nhi parh sakda, eve literature di v partition hogai matlab dher sary literature to asi mehroom reh gay,

even mein punjabiizm.com di posts nhi read kar sakda, aesy kar ky mein ethy auna chadd ditta hor banda ki kare, eh ta eve he hai k ik dora banda kisy mehfil ch beh jay to lokaan de bulh he hildy vekh sakta hai samajh nhi sakda k gall ki ho rahi hai ...... 

makes an interesting read.........thanx for sharing jassi....naale aaha paki bhai da veekhayaal rakheya karo bai........but iknow all in all its not feasible to write all the posts in angreji but still we can help thm understand some part of it

waqas-- hawww... itna gussa!!! tauba tauba..!!! arre eh tan Pakistani writer Afzal Tauseef di interview wichoN kuch gallan c.. tusi ohna nu tan pdya ee hona aa..