|
ਅੱਖਰਾਂ ਦੀ ਭੀੜ |
ਅੱਖਰਾਂ ਦੀ ਭੀੜ ਵਿੱਚ, ਅਰਥਾਂ ਦੀ ਖੋਜ ਲਈ, ਸ਼ਬਦਕੋਸ਼ ਬਣਿਆ ਇਨਸਾਨ, ਵਜੂਦ ਵਿਸਾਰ ਤਾਰਿਆਂ ਦੀ ਖੋਜ ਵਿੱਚ, ਭੱਟਕਦਾ ਅਤੇ ਤਰਸਦਾ, ਅੱਜੇ ਤੱਕ ਵਿਦਵਾਨ ਨਹੀਂ ਹੋਇਆ। ਬੰਦਾ ਕਦੇ ਭਗਵਾਨ ਨਹੀਂ ਹੋਇਆ।
ਰੱਬ ਅਤੇ ਨਾਮ ਦੇ ਨਾਂ, ਗ਼ੈਬ ਹੋਏ ਪੈਗ਼ਾਮ ਦੀ ਭਾਲ, ਪੱਥਰਾਂ ਲਈ ਲੜਦੇ ਇਨਸਾਨ, ਨਵੀਂ ਵਿਆਖਿਆ ਤੇ ਨਵਾਂ ਰੱਬ, ਨਾ ਪੂਜਿਆ ਨਾ ਸਮਝ ਸਕਿਆ, ਬੰਦੇ ਲਈ ਸਮਾਨ ਨਹੀਂ ਹੋਇਆ। ਬੰਦਾ ਕਦੇ ਭਗਵਾਨ ਨਹੀਂ ਹੋਇਆ।
ਬੰਦੇ ਨੂੰ ਰਾਸ ਨਹੀਂ ਆ ਰਹੀ, ਬੰਦਿਆਂ ਦੀ ਗਾਵੀ ਬਾਣੀ ਚੁੱਭਦੀ ਇੱਕ ਦੂਜੇ ਨੂੰ ਰੱਬੀ ਬਾਣੀ, ਮੂਰਤਾਂ ਲਈ ਤੋੜ ਦੇਵੇ ਰਿਸ਼ਤੇ ਇਨਸਾਨ ਝੰਜੋੜਦੀ ਨਹੀਂ ਅੰਤਰ ਆਤਮਾਂ, ਰੱਬ ਅੱਜੇ ਈਮਾਨ ਨਹੀਂ ਹੋਇਆ। ਬੰਦਾ ਕਦੇ ਭਗਵਾਨ ਨਹੀਂ ਹੋਇਆ।
ਊਲਜਲੂਲ ਸੰਵਾਂਗ ਰਚਾਕੇ, ਅਸਮਤ ਨੂੰ ਵਿਅੰਗ ਬਣਾਕੇ, ਲੁੱਟ ਲੈਂਦਾ ਹੈ ਧਨ ਤੇ ਸੱਭ ਕੁਝ ਧਰਮ ਵਿਆਖਿਆ ਕਾਰਨੇ, ਮਜ਼੍ਹਬ ਕਿਰਤ ਧੰਦਾ ਰੱਬ ਹੋਇਆ, ਬੰਦਗੀ ਦਾ ਗਿਆਨ ਨਹੀਂ ਹੋਇਆ। ਬੰਦਾ ਕਦੇ ਭਗਵਾਨ ਨਹੀਂ ਹੋਇਆ।
|
|
19 Mar 2013
|