|
|
|
|
|
|
Home > Communities > Punjabi Poetry > Forum > messages |
|
|
|
|
|
ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ |
ਦੂਰੋ ਬੈਠ ਦੁਆਵਾਂ ਕਰਦੀ ਅੰਮੀ ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ ਵਿਹੜੇ ਵਿੱਚ ਬੈਠੀ ਦਾ ਜੀਅ ਜਿਆਂ ਡੋਲੇ ਸਾਨੂੰ ਨਾ ਕੁਝ ਹੋ ਜਾਏ ਡਰਦੀ ਅੰਮੀ | ਦੁਨੀਆ ਤੇ ਸੁੱਖ, ਸਬਰ , ਸ਼ਾਂਤੀ ਤਾਂ ਏ ਕਿਉਕਿ ਸਾਰਿਆ ਕੋਲ ਅਣਮੁੱਲੀ ਮਾਂ ਏ ਤਾਪ ਚੜੇ ਸਿਰ ਪੱਟੀਆਂ ਧਰਦੀ ਅੰਮੀ ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ | ਕਾਮਯਾਬੀਆਂ ਪਾਉਣ ਮੇਰੇ ਜਾਏ ਸਾਡੇ ਲਈ ਉਹ ਕਿਸ ਕਿਸ ਦਰ ਤੇ ਜਾਏ ਨੰਗੇ ਪੈਰੀ ਚੌਕੀਆਂ ਭਰਦੀ ਅੰਮੀ ,ਸਾਨੂੰ ਨਾ ਕੁਝ ਹੋ ਜਾਏ ਡਰਦੀ ਅੰਮੀ | ਉਸਦੀਆਂ ਰੀਝਾਂ ਵੇਖ ਹੋਵੇ ਹੈਰਾਨੀ, ਸਭ ਤੋ ਉੱਚੀ ਸੁੱਚੀ ਏ ਕੁਰਬਾਨੀ, ਕਦੇ ਨਾ ਥੱਕਦੀ ਕਦੇ ਨਾ ਹਰਦੀ ਅੰਮੀ,ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ | ਧੁੱਪਾਂ ਵਿੱਚ ਚੁਨੀ ਨਾਲ ਕਰਦੀ ਛਾਵਾਂ, ਪੋਹ ਮਾਘ ਵੀ ਜਰਨ ਕਰੜੀਆਂ ਮਾਵਾਂ | ਸਾਨੂੰ ਦਿੰਦੀ ਨਿੱਘ ਤੇ ਠਰਦੀ ਅੰਮੀ .ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ | ਜਿਹਨਾ ਨੇ ਮਾਵਾਂ ਦਾ ਮੁੱਲ ਨਹੀ ਪਾਇਆ ਮੰਦਭਾਗੀਆਂ ਡਾਢਾ ਪਾਪ ਕਮਾਇਆ | ਅੰਦਰੋ ਅੰਦਰੋ ਜਾਂਦੀ ਖਰਦੀ ਅੰਮੀ ,ਸਾਨੂੰ ਨਾ ਕੁਝ ਹੋ ਜਾਏ ਡਰਦੀ ਅੰਮੀ | ਰੱਬ ਨਾ ਕਰੇ ਕਿ ਐਸੀ ਬਿਪਤਾ ਆਵੇ ਢਿਡੋ ਜੰਮਿਆਂ ਪਹਿਲਾਂ ਹੀ ਨਾ ਤੁਰ ਜਾਏ, ਇਹ ਗੱਲ ਸੁਣ ਦੇ ਸਾਰ ਹੀ ਮਰਦੀ ਅੰਮੀ,ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ | ਵੈਸੇ ਤਾ ਰਿਸਤੇ ਨੇ ਹੋਰ ਬਥੇਰੇ ,ਪਰ ਮਾਵਾਂ ਦੇ ਬਾਜੋ ਘੜੀ ਹਨੇਰੇ , ਰੌਣਕ ਹੈ ' ਸਭ ' ਦੇ ਘਰ ਦੀ ਅੰਮੀ , ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ
|
|
06 Aug 2010
|
|
|
|
|
|
|
|
|
|
|
|
|
|
|
|
|
Copyright © 2009 - punjabizm.com & kosey chanan sathh
|