ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ
ਜਿਨਾਂ ਨਾਲ ਗੁੱਡੀਆਂ ਪਟੋਲੇ ਖੇਡੀ ਅੱਜ ਤੱਕ ਛੱਡਾਂ ਕਿਵੇਂ ਸਖੀਆਂ ਪਿਆਰੀਆਂ
ਤੂੰ ਹੀ ਦੱਸ ਕਿਵੇਂ ਛੱਡਾਂ ਮੈਂ ਤ੍ਰਿਝਣਾਂ ਨੂੰ, ਕੱਢੇ ਜਿੱਥੇ ਸੀ ਕਸੀਦੇ ਫੁਲਕਾਰੀਆਂ
ਵਾਸਤਾ ਏ ਰੱਬ ਦਾ ਵਿਆਹੀ ਨਾ ਕੈਨੇਡਾ ਮੈੰਨੂ, ਸ਼ਰਮ ਹਯਾ ਨਾ ਉਥੇ ਸੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ਤੂੰ ਹਾੜਾ ਕਿਤੇ ਹੋਰ ਮੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ........................
ਪੌਡਾਂ ਅਤੇ ਡਾਲਰਾਂ ਨੇ ਅੰਨੇ ਕੀਤੇ ਲੋਕ , ਇੱਜ਼ਤਾਂ ਦੀ ਉਥੇ ਭੋਰਾ ਸਾਰ ਨਾ
ਨਿੱਕੀ ਜਿਹੀ ਗੱਲ ਉੱਤੇ ਹੁੰਦੇ ਨੇ ਤਲਾਕ , ਪੱਥਰ ਦਿਲਾਂ 'ਚ ਭੋਰਾ ਪਿਆਰ ਨਾ
ਜੇਲਾਂ ਨਾਲੋਂ ਬੁਰੇ ਓਹਨਾ ਸੋਨੇ ਦੇ ਮਹੱਲਾਂ ਵਿਚ , ਨਾਂ ਜਿੰਦ ਮੇਰੀ ਸੂਲੀ ਟੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ਤੂੰ ਹਾੜਾ ਕਿਤੇ ਹੋਰ ਮੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ........................
ਲੱਭਣਾਂ ਨਹੀ ਉਥੇ ਸਾਉਣ ਦਾ ਮਹੀਨਾ , ਗਿੱਧਿਆਂ ਦੀ ਰੁੱਤ ਨਹੀ ਆਉਣੀ ਵੇ
ਰਾਤਾਂ ਵੇਲੇ ਕੋਲ ਬੈਠ -ਬੈਠ ਸਾਡੇ , ਦਾਦੀ ਮਾਂ ਨੇ ਬਾਤ ਨਹੀ ਸਣਾਉਣੀਂ ਵੇ
ਅੰਮਾ ਜਾਏ ਵੀਰ ਉਥੇ ਭਾਲੇ ਨਹੀ ਥਿਆਉਣੇਂ , ਲੱਭਣੇਂ ਨਹੀ ਸਾਕ ਅੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ਤੂੰ ਹਾੜਾ ਕਿਤੇ ਹੋਰ ਮੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ........................
ਕੁੜੀਆਂ ਕੈਨੇਡਾ ਦੀਆਂ ਬੇਖੋਫ਼ ਮਾਪਿਆਂ ਤੋਂ , 'ਅਮਨ' ਨੇ ਦੱਸੀ ਮੈਨੂ ਗੱਲ ਵੇ
ਨਸ਼ੇ ਦਾ ਸ਼ਿਕਾਰ ਹੋਈਆਂ ਔਰਤਾਂ ਵੀ ਉਥੇ , 'ਫੱਲੜਾਂ' ਵਾਲੇ ਨੇ ਦੱਸਿਆ ਕੱਲ ਵੇ
ਫੈਸ਼ਨਾਂ ਦੇ ਹੜ ਵਿਚ ਵਹੀਆਂ ਮੁਟਿਆਰਾਂ , ਇਜਤਾਂ ਦੀ ਚੁੰਨੀ ਕਿੱਲੀ ਟੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ਤੂੰ ਹਾੜਾ ਕਿਤੇ ਹੋਰ ਮੰਗ ਵੇ
ਔਖਾ ਛੱਡਣਾਂ ਪੰਜਾਬ ਮੈੰਨੂ ਬਾਬਲਾ ........................
ਸਮਰਪਿਤ : ਪੰਜਾਬ ਦੀਆਂ ਉਹਨਾਂ ਲੱਖਾਂ ਧੀਆਂ ਨੂੰ, ਜਿੰਨਾ ਦੇ ਨਾਂ ਚਾਹੁਣ ਤੇ ਵੀ ਉਹਨਾਂ ਨੂੰ ਪਰਦੇਸੀ ਲਾੜਿਆਂ ਨਾਲ ਤੋਰਿਆ ਗਿਆ |
*********** 'ਅਮਨ ਫੱਲੜ' ********