ਲੰਡਨ, 8 ਸਤੰਬਰ
ਵੁਲਵਰ ਹੈਂਪਟਨ ਯੂਨੀਵਰਸਿਟੀ ਨੇ ਉੱਘੇ ਪੰਜਾਬੀ ਗਾਇਕ ਗੁਰਦਾਸ ਮਾਨ ਨੂੰ ਸੰਗੀਤ ਵਿਚ ਪਾਏ ਅਹਿਮ ਯੋਗਦਾਨ ਕਾਰਨ ਡਾਕਟਰ ਦੀ ਆਨਰੇਰੀ ਡਿਗਰੀ ਪ੍ਰਦਾਨ ਕੀਤੀ ਹੈ। ਗੁਰਦਾਸ ਮਾਨ (53) ਨੇ ਡਾਕਟਰੇਟ ਡਿਗਰੀ ਮਿਲਣ ’ਤੇ ਕਿਹਾ, ਮੈਂ ਇਸ ਵੱਡੇ ਸਨਮਾਨ ਲਈ ਬਹੁਤ ਸ਼ੁਕਰਗੁਜ਼ਾਰ ਹਾਂ। ਇਸ ਖੁਸ਼ੀ ਨੇ ਮੈਨੂੰ ਅੰਦਰ ਤਕ ਛੂਹਿਆ ਹੈ।
ਇਸ ਯੂਨੀਵਰਸਿਟੀ ਵੱਲੋਂ ਇਸ ਤੋਂ ਪਹਿਲਾਂ ਸਰ ਪਾਲ ਮੈਕਕਾਰਟਨੀ, ਬਿਲ ਕਾਸਬੀ ਅਤੇ ਬੌਬ ਡੀਲਾਨ ਨੂੰ ਇਸ ਡਿਗਰੀ ਨਾਲ ਨਿਜਾਇਆ ਜਾ ਚੁੱਕਾ ਹੈ। ਯੂਨੀਵਰਸਿਟੀ ਦੇ ਡੀਨ ਜੋਹਨਪਿਗ ਨੇ ਕਿਹਾ ਕਿ ਸੰਗੀਤ ਖੇਤਰ ਵਿਚ ਮਾਨ ਦਾ ਯੋਗਦਾਨ ਬਹੁਤ ਅਹਿਮ ਹੈ ਅਤੇ ਵਿਦਿਆਰਥੀਆਂ ਲਈ ਇਹ ਪ੍ਰੇਰਨਾ ਸਰੋਤ ਹੈ। -ਪੀ.ਟੀ.ਆਈ.