ਨਾਮ ਨੂੰ ਸਵੇਰਾ ਚੰਗਾ,ਸੰਤਾਂ ਨੂੰ ਡੇਰਾ ਚੰਗਾ
ਚੋਰ ਨੂੰ ਹਨੇਰਾ ਚੰਗਾ,ਜਿਥੇ ਕਿਤੇ ਲੁਕ ਜੇ
ਜੁਆਈ ਭਾਈ ਸਾਊ ਚੰਗਾ, ਪੁਤਰ ਕਮਾਊ ਚੰਗਾ
ਟੱਬਰ ਸੰਗਾਊ ਚੰਗਾ,ਝਿੜਕੇ ਤੋਂ ਰੁਕ ਜੇ
ਇੱਕ ਗੋਤ ਖੇੜਾ ਚੰਗਾ,ਖੇਤ ਲਾਉਣਾ ਗੇੜਾ ਚੰਗਾ
ਜੰਗ ਚ ਨਬੇੜਾ ਚੰਗਾ,ਜੇ ਕਲੇਸ਼ ਮੁਕ ਜੇ
ਚੌਦਵੀ ਦਾ ਚੰਦ ਚੰਗਾ,ਬਾਬੂ ਜੀ ਦਾ ਛੰਦ ਚੰਗਾ
ਆਵਦਾ ਅਨੰਦ ਚੰਗਾ,ਲਾਉਦਾ ਸੋਹਨੀ ਤੁਕ ਜੇ

ਨਹਿਰ ਨੂੰ ਵਰਮ ਚੰਗੀ,ਚਾਹ ਛਕੀ ਗਰਮ ਚੰਗੀ
ਬੇਟੀ ਨੂੰ ਸ਼ਰਮ, ਜੂਤ ਪੈਦੇ ਰਹਿਣ ਗੋਲੇ ਨੂੰ
ਗੁੜ ਚੰਗਾ ਮਹਿਰੇ ਨੂੰ,ਸੁਜਾਗ ਚੰਗਾ ਪਹਿਰੇ ਨੂੰ
ਮਸਾਲਾ ਚੰਗਾ ਟੈਰੇ ਨੂੰ,ਬਨੌਲੇ ਚੰਗੇ ਖੋਲੇ ਨੂੰ
ਨਗਰ ਅਬਾਦ ਤੇ ਕਮਾਦ ਵਿੱਚ ਖਾਦ ਚੰਗਾ,
ਘਿਉ ਤੋਂ ਆਉਦਾ ਸੁਆਦ ਚੰਗਾ,ਗਾਲਾਂ ਦਾ ਵਿਚੋਲੇ ਬੂੰ
ਬਾਬੂ ਜੀ ਸਲਾਹੀ ਚੰਗਾ,ਤੇ ਗੁੱਜਰ ਮਾਹੀ ਚੰਗਾ,
ਅੜਬ ਸਿਪਾਹੀ ਚੰਗਾ,ਅੜਬਾਂ ਦੇ ਟੋਲੇ ਨੂੰ