ਤੇ ਫਿਰ ਇਕ ਦਿਨ ਤੂੰ ਆਈ
ਮੈਂ ਅਚਾਨਕ ਭੱਜ ਕੇ
ਜਾ ਖੜਾ ਸ਼ੀਸ਼ੇ ਅੱਗੇ
ਤੇਰੇ
ਇਕ ਇਕ ਸ਼ਬਦ ਦੇ ਨਾਲ ਮੈਂ
ਜ਼ਿੰਦਗੀ ਦੇ ਰੰਗਾਂ ਨੂੰ
ਮੁਹੱਬਤ ਦੇ ਅਹਿਸਾਸਾਂ ਨੂੰ
ਰੰਗੀਨ ਸੁਪਨਿਆਂ ਨੂੰ
ਤੇ ਇੱਥੋਂ ਤਕ
ਕਿ ਆਪਣੇ ਆਪ ਨੂੰ
ਪਹਿਲੀ ਵਾਰ ਤੱਕਿਆ ਸੀ ਉਦੋਂ

ਫਿਰ ਮੈਂ
ਇਕ ਇਕ ਪਲ ਨੂੰ
ਕੁਝ ਕਹਿੰਦਿਆਂ ਸੁਣਿਆ
ਹਰ ਸਾਹ ਤੋਂ ਸਬਕ ਲਿਆ

ਕਿਤਾਬਾਂ 'ਚੋਂ ਪੜ੍ਹਦਿਆਂ
ਇਉਂ ਲੱਗਾ
ਜਿਵੇਂ ਸਿੱਖ ਕੇ ਤੈਥੋਂ
ਲਿਖ ਗਿਆ ਹੋਵੇ ਕੋਈ
ਤੇ ਸ਼ਾਇਦ ਇਹੀ ਕਾਰਨ ਹੈ
ਤੈਨੂੰ ਮਿਲਣ ਤੋਂ ਬਾਅਦ
ਕੋਈ ਕਿਤਾਬ ਮੈਂ
ਪੂਰੀ ਨਹੀਂ ਪੜ ਸਕਿਆ

ਅੱਜ-ਕੱਲ੍
ਹਾਰੇ ਹੋਏ ਵਕਤ ਦਾ ਪਰਦਾ ਪਾੜ
ਜਿੱਤਾਂ ਨੂੰ ਖਿੱਚ ਕੇ ਸੀਨੇ ਲਾਉਂਦਾ ਹਾਂ
ਕਾਲੀਆਂ ਰਾਤਾਂ ਨੂੰ
ਥਾਪੜਦਾ ਹਾਂ ਆਪਣਾ ਹੀ ਮੋਢਾ
ਰੋਜ਼ ਬਣਦਾ ਹਾਂ ਸਿਕੰਦਰ
ਖੁੱਸ ਚੁੱਕੇ ਰਾਜ ਨੂੰ
ਜਿੱਤਣ ਤੁਰਿਆ
ਬਾਦਸ਼ਾਹ ਹਾਂ ਹੁਣ ਮੈਂ ~

ਵਾਹ ਗ਼ਾਫ਼ਲ ਸਾਬ ਵਾਹ ,...............ਉਸਤਾਦ ਹੋ ਆਪ ,..................ਗ੍ਰੇਟ ਰਾਈਟਰ,............mainu samajh hi nahi ah reha main is kavita di tareef kiwen alfaazan wich likhan,..mere kol oh sabhad hi nahi labh rahe,...............eh ik sampooran kaav sangreh wang hai,...........it's a must read world class poetry.........

 

jagjeet sir ji hi is kavita di appreciation atte ruttbe nu sabh ton wadhiya harfan wich likh sakde haan,............waiting for u sir to come here,....

 

Gaffal saab ,...........i salute you....hatts off.........jio duawaan naal.

 

Punjabizm Proud on you also.

Thank you brother Sukhpal 💐

 

ਬਹੁਤ ਸੋਹਣਾ ਲਿਖਿਆ ਵੀਰ ਜੀ... ਪੰਜਾਬੀਜ਼ਮ ਦੇ ਵੇਹੜੇ ਨੂੰ ਚਾਰ ਚੰਨ ਲਾਉਣ ਲਈ ਸ਼ੁਕਰੀਆ 

 

ਤੇ ਸ਼ੁਕਰੀਆ ਸੁਖਪਾਲ ਵੀਰ ਦਾ ਜਿਹਨਾਂ ਨੇ ਮੈਨੂੰ ਲਿੰਕ ਭੇਜਿਆ ...

 

ਸ਼ੁਕਰੀਆ ਅਮਰਿੰਦਰ ਵੀਰੇ । 🌺

ਸ਼ਬਦਾਂ ਅਤੇ ਅਹਿਸਾਸਾਂ ਦੇ ਤਾਣੇ-ਬਾਣੇ ਨਾਲ ਇਕ ਨਿੱਗਰ ਕਿਰਤ ਕਿਵੇਂ ਬੁਣੀ ਜਾ ਸਕਦੀ ਹੈ ਇਸ ਕਲਾ ਦਾ ਇਲਮ ਹੁੰਦਾ ਹੈ ਇਸ ਰਚਨਾ ਤੋਂ | ਪ੍ਰੇਮ ਦੀ ਅਥਾਹ ਸ਼ਕਤੀ ਅਤੇ ਕ੍ਰਿਸ਼ਮੇਂ ਦੇ ਦੁਨਿਆਵੀ ਪੱਖ (ਪਹਿਲੂ) ਨੂੰ ਅਤੇ ਉਸਦੇ ਇਨਸਾਨ ਦੇ ਮਨ ਉੱਤੇ ਹੋਣ ਵਾਲੇ ਪ੍ਰਭਾਵ ਨੂੰ ਬਖੂਬੀ ਦਰਸਾਉਂਦੀ ਹੈ ਆਪ ਜੀ ਦੀ ਇਹ ਰਚਨਾ ਗਾਫ਼ਲ ਸਾਹਿਬ |

ਉਂਜ ਵੇਖੀਏ ਤਾਂ ਗੱਲ ਤਾਂ ਬਿਲਕੁਲ ਦੁਰੁਸਤ ਹੈ - ਇਕ ਪ੍ਰੇਮ ਹੀ ਹੈ ਜੋ ਬਾਦਸ਼ਾਹਾਂ ਨੂੰ ਫ਼ਕੀਰ ਅਤੇ ਫਕੀਰਾਂ ਨੂੰ ਬਾਦਸ਼ਾਹ ਬਣਾਉਣ ਦੀ ਕੁਵਤ (ਤਾਕਤ) ਰੱਖਦਾ ਹੈ |

ਜੇ ਗਾਫ਼ਲ ਸਾਹਿਬ ਆਪਣੇ ਦਿਲ ਤੇ ਨਾ ਲਾ ਬੈਠਣ ਅਤੇ ਮੇਰੇ ਤੇ ਕੋਈ ਕੇਸ ਨਾ ਕਰ ਦੇਣ, ਤਾਂ ਮੈਂ ਬਸ ਇਹੀ ਕਹੂੰਗਾ -

ਜੇ ਖ਼ੁਦਾ ਨੂੰ ਪ੍ਰੇਮ ਵਿਚ ਢੂੰਢਣ ਵਾਲਾ,

ਕਾਫ਼ਿਰ ਨਹੀਂ ਹੋ ਸਕਦਾ |

ਤਾਂ ਅਲਫਾਜ਼ ਦੀਆਂ ਨਾਜ਼ੁਕ ਤੰਦਾਂ ਲੈ

ਗਹੁ ਨਾਲ ਬੁਣਨ ਵਾਲਾ ਗਾਫ਼ਲ ਨਹੀਂ ਹੋ ਸਕਦਾ |

ਬਹੁਤ ਹੀ ਸੋਹਣੀ ਰਚਨਾ ਹੈ ਇਹ ਗਾਫ਼ਲ ਜੀ | ਵਧਾਈ ਦੇ ਪਾਤਰ ਹੋ ! 

ਜਿਉਂਦੇ ਵੱਸਦੇ ਰਹੋ; ਸੋਹਣਾ ਸੋਹਣਾ ਲਿਖਕੇ ਮਾਂ ਬੋਲੀ ਦੀ ਇਸੇ ਤਰਾਂ ਸੇਵਾ ਕਰਦੇ ਰਹੋ ਅਤੇ ਫ਼ੋਰਮ ਉੱਤੇ ਇਸੇ ਤਰਾਂ ਸਾਹਿਤਕ ਰੌਣਕਾਂ ਲਾਈ ਰੱਖੋ |

ਖਾਸ ਧੰਨਵਾਦ ਦੇ ਪਾਤਰ ਹਨ ਮੇਰੇ ਵੀਰ ਸੁਖਪਾਲ ਜੀ, ਜਿਨ੍ਹਾਂ ਕਰਕੇ ਮੈਂ ਇਸ ਨਾਯਾਬ ਕਿਰਤ ਨੂੰ ਵਾਚ ਕੇ ਅਨੰਦ ਮਾਣ ਸਕਿਆ ! 

ਜਗਜੀਤ ਸਰ ਬਹੁਤ ਬਹੁਤ ਧੰਨਵਾਦ ! ਤੁਹਾਡੇ ਇਹ ਹਰਫ਼ ਮੇਰੇ ਲਈ ਮਾਣ ਵਾਲੀ ਗੱਲ ਐ !

ਰਹੀ ਗੱਲ ਕੇਸ ਵਾਲੀ ਉਹਦੇ ਬਾਰੇ ਸੋਚਣਾ ਪੈਣਾ ਹਾਹਾ !

really your comment on this means alot to me ! 🙏🏻🙏🏻🌺