ਬਿਰਹੋਂ ਦਾ ਜਾਇਆ ਗੀਤ

   
ਮੇਰਾ ਗੀਤ ਕਿਸੇ ਨਾ ਗਾਇਆ
ਗੀਤ ਮੇਰਾ ਉਹ ਮਰ ਗਿਆ ਜੰਮਦਾ
ਹਾਏ ਬਿਰਹੋਂ ਦਾ ਜਾਇਆ

 
ਨਾ ਕੋਈ ਉਸਦਾ ਸੂਰਜ ਚੜਿਆ
ਨਾ ਕੋਈ ਉਸਦਾ ਸੂਰਜ ਡੁਬਿਆ
ਪਰ ਉਸਨੇ ਮੇਰੇ ਜੀਵਨ ਦੇ ਘਰ
ਕਿੰਨਾ ਨ੍ਹੇਰਾ ਪਾਇਆ

ਦਿਲ ਮੇਰੇ ਵਿਚ ਰਹ ਗਿਆ ਉਸਦਾ
ਕਾਲਾ ਕਾਲਾ ਸਾਇਆ

ਜੋ ਮੇਰਾ ਗੀਤ ਕਿਸੇ ਨਾ ਗਾਇਆ
ਮੇਰੀਆਂ ਅੱਖਾਂ  ਵਿਚ ਸਮਾਇਆ
ਕਰ ਗਿਆ ਜਗ ਮੇਰੇ ਲਈ ਨ੍ਹੇਰਾ
ਮੇਰੇ ਚੁੰਮਣ ਜਾਇਆ
ਚੁਪ-ਚ੍ਪੀਤਾ ਗੀਤ ਮੇਰਾ ਉਹ
ਤੁਰ ਗਿਆ ਤ੍ਰੇਹਾਇਆ
ਲੋਕੋ ਮੇਰੇ ਚੁੰਮਣ ਜਾਇਆ

 
ਗੀਤ ਮੇਰਾ ਪਤਾ ਨਹੀਂ ਕੋਈ
ਕਿਹੜੀ ਜੂਨੇ ਆਇਆ
ਉਹ ਬਿਰਹੋਂ ਦਾ ਜਾਇਆ

gud one......

ਧੰਨਵਾਦ ਮਨਪੀ੍ਤ ਸਿੰਘ ਜੀ