ਬੱਚੇ ਕੋਮਲ ਕਲੀ ਹੂੰਦੇ ਹਨ। ਗਰਮੀਆਂ ਦੇ ਦਿਨਾਂ ਵਿੱਚ ਸਭ ਤੋਂ ਜਿਆਦਾ ਖਿਆਲ ਛੋਟੇ ਬੱਚਿਆਂ ਦਾ ਰੱਖਣਾ ਪੈਂਦਾ ਹੈ।ਅਸੀਂ ਛੋਟੀਆਂ ਛੋਟੀਆਂ ਸਾਵਧਾਨੀਆਂ ਨਾਲ ਛੋਟੇ ਬੱਚਿਆਂ ਦਾ ਖਿਆਲ ਰੱਖ ਸਕਦੇ ਹਾਂ।
1. ਬੱਚਿਆਂ ਨੂੰ ਜਿਆਦਾ ਗਰਮੀਂ ਵਿੱਚ ਧੁੱਪ ਵਿੱਚ ਬਾਹਰ ਲੈਕੇ ਜਾਣ ਤੋਂ ਪਰਹੇਜ ਕਰਨਾਂ ਚਾਹੀਦਾ ਹੈ। ਜੇਕਰ ਨੌਕਰੀ ਪੇਸ਼ਾ ਵਾਲੀਆਂ ਔਰਤਾਂ ਦੀ ਮਜਬੂਰੀ ਹੈ ਤਾਂ ਉਹਨਾਂ ਨੂੰ ਚਾਹੀਦਾ ਹੈ ਕਿ ਉਹ ਬੱਚੇ ਨੂੰ ਸੂਤੀ ਕੱਪੜੇ ਦੇ ਦੁਪੱਟੇ ਨਾਲ ਢੱਕ ਕੇ ਲੈਕੇ ਜਾਣ ਤਾਂ ਜੋ ਸੂਰਜ ਦੀਆਂ ਕਿਰਨਾਂ ਸਿੱਧੀਆਂ ਬੱਚੇ ਤੇ ਨਾਂ ਪੈਣ
2. ਬੱਚਿਆਂ ਦੇ ਕੱਪੜਿਆਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਬੱਚਿਆਂ ਨੂੰ ਸੂਤੀ ਦੇ ਅਤੇ ਖੁੱਲੇ ਕੱਪੜੇ ਹੀ ਪਾਏ ਜਾਣ। ਜਿਆਦਾ ਤੰਗ ਕੱਪੜਿਆ ਵਿੱਚ ਬੱਚਾ ਸਹਿਜ ਮਹਿਸੂਸ ਨਹੀਂ ਕਰਦਾ।ਬੱਚਿਆਂ ਨੂੰ ਜਿਆਦਾ ਗੂੜੇ ਰੰਗ ਦੇ ਕੱਪੜੇ ਨਾਂ ਪਾਏ ਜਾਣ
3. ਬੱਚਿਆਂ ਨੂੰ ਕੂਲਰ ਦੀ ਹਵਾ ਦੇ ਬਹੁਤ ਨੇੜੇ ਨਾਂ ਪਾਇਆ ਜਾਵੇ।ਇਸ ਨਾਲ ਬੱਚਾ ਬਿਮਾਰ ਹੋ ਸਕਦਾ ਹੈ। ਕੂਲਰ ਵਿੱਚ ਹਰ ਦਿਨ ਨਵਾਂ ਪਾਣੀ ਭਰਿਆ ਜਾਵੇ ਅਤੇ ਪੂਰੀ ਸਾਫ ਸਫਾਈ ਰੱਖੀ ਜਾਵੇ।
4. ਜਿੰਨਾਂ ਘਰਾਂ ਵਿੱਚ ਏ.ਸੀ ਦੀ ਵਰਤੋ ਹੁੁੰਦੀ ਹੈ ਉੱਥੈ ਨਾਂ ਤਾਂ ਬੱਚੇ ਨੂੰ ਇਕਦਮ ਏ.ਸੀ ਵਾਲੇ ਕਮਰੇ ਵਿੱਚ ਲੈਕੇ ਜਾਇਆ ਜਾਵੇ ਅਤੇ ਨਾਂ ਹੀ ਇਕਦਮ ਬਾਹਰ ਲਿਆਂਦਾ ਜਾਵੇ। ਇਸ ਨਾਲ ਬੱਚਾ ਗਰਮ ਸਰਦ ਹੋਣ ਕਰਕ ਬਿਮਾਰ ਹੋ ਸਕਦਾ ਹੈ।
5. ਬੱਚਿਆਂ ਨੂੰ ਮਾਂ ਦਾ ਦੁੱਧ ਹੀ ਦਿੱਤਾ ਜਾਵੇ।ਬੱਚੇ ਨੂੰ ਆਪਣਾ ਦੁੱਧ ਦੇਣ ਵਾਲੀਆਂ ਮਾਂਵਾਂ ਨੂੰ ਆਪਣੇ ਖਾਣ ਪੀਣ ਦਾ ਵੀ ਵਿਸ਼ੇਸ਼ ਧਿਆਨ ਰੱਖਣਾ ਚਾਹੀਦਾ ਹੈ।ਬੋਤਲ ਪੀਣ ਵਾਲੇ ਬੱਚਿਆਂ ਨੂੰ ਗਾਂ ਦਾ ਦੁੱਧ ਦਿੱਤਾ ਜਾਵੇ। ਗਾਂ ਦਾ ਦੁੱਧ ਹਲਕਾ ਹੋਣ ਦਾ ਨਾਲ ਨਾਲ ਗੁਣਕਾਰੀ ਵੀ ਹੁੰਦਾ ਹੈ।
6. ਬੱਚਿਆਂ ਦੇ ਖਾਣ ਪੀਣ ਦਾ ਵਿਸ਼ੇਸ਼ ਧਿਆਨ ਰੱਖਣਾ ਚਾਹੀਦਾ ਹੈ। ਬੱਚਿਆਂ ਨੂੰ ਠੰਡੀ ਤਾਸੀਰ ਵਾਲੇ ਫਲ ਹੀ ਦੇਣੇ ਚਾਹੀਦੇ ਹਨ।
7. ਬੱਚਿਆਂ ਨੂੰ ਡਾਈਪਰ ਦੀ ਵਰਤੋਂ ਘੱਟ ਤੋਂ ਘੱਟ ਕਰਨੀ ਚਾਹੀਦੀ ਹੈ। ਡਾਈਪਰ ਲਗਾਉਣ ਤੋਂ ਪਹਿਲਾਂ ਬੱਚੇ ਨੂੰ ਡਾਈਪਰ ਰੈਸ਼ਜ ਕਰੀਮ ਦਾ ਇਸਤੇਮਾਲ ਵੀ ਕੀਤਾ ਜਾ ਸਕਦਾ ਹੈ।
8. ਬੱਚਿਆਂ ਦੇ ਖਿਡੋਣਿਆਂ ਨੂੰ ਵੀ ਸਾਫ ਸੁਥਰਾ ਰੱਖਿਆ ਜਾਵੇ। ਕਿੳਂਕਿ ਬੱਚੇ ਜਿਆਦਾਤਾਰ ਹਰ ਇੱਕ ਵਸਤੂ ਮੂੰਹ ਵਿੱਚ ਪਾਉਂਦੇ ਹਨ।ਗੰਦੇ ਖਿਡੋਣਿਆਂ ਨਾਲ ਬੱਚੇ ਨੂੰ ਇਨਫੈਕਸ਼ਨ ਹੋ ਸਕਦੀ ਹੈ।
9. ਰਿੜਨ ਵਾਲੇ ਬੱਚਿਆਂ ਨੂੂੰ ਬੱਚਿਆਂ ਨੂੰ ਗੰਦੇ ਫਰਸ਼ ਤੇ ਨਾਂ ਰਿੜਨ ਦਿੱਤਾ ਜਾਵੇ ਅਤੇ ਬੱਚੇ ਨੂੰ ਖੁੱਲਾਂ ਨਾਂ ਛੱਡਿਆ ਜਾਵੇ। ਬੱਚਾ ਕੂਲਰ ਜਾਂ ਪੱਖੇ ਵਿੱਚ ਆਪਣਾ ਹੱਥ ਦੇ ਸਕਦਾ ਹੈ।
ਚਰਨਜੀਤ ਸਿੰਘ ਕਪੂਰ
ਜੀਰਾ, ਫਿਰੋਜਪੁਰ