ਇੱਕ ਦਿਨ ਕਿਸੇ ਨੇ ਆਖਿਆ ਕਿ ਮੈਂ ਬਦਲ ਗਿਆ ਹਾਂ
ਮੈਂ ਆਖਿਆ ਕਿ ਹਾਂ ਸ਼ਾਇਦ ਮੈਂ ਬਦਲ ਗਿਆ ਹਾਂ ਪਰ...
ਸ਼ਾਖੋਂ ਟੁੱਟੇ ਹੋਏ ਪੱਤਿਆਂ ਦੇ ਰੰਗ ਅਕਸਰ ਬਦਲ ਜਾਂਦੇ ਨੇ
ਸਮਾਜ ਤੋਂ ਟੁੱਟੇ ਹੋਇਆਂ ਦੇ ਢੰਗ ਅਕਸਰ ਬਦਲ ਜਾਂਦੇ ਨੇ
ਹਿਰਦਾ ਪਿਘਲਦਾ ਏ ਤਾਂ ਸਵਾਲ ਅਕਸਰ ਬਦਲ ਜਾਂਦੇ ਨੇ
ਸੁਰਤ ਉੱਤੇ ਉੱਠਦੀ ਏ ਤਾਂ ਖਿਆਲ ਅਕਸਰ ਬਦਲ ਜਾਂਦੇ ਨੇ
ਤੂਫ਼ਾਨ ਆਉਂਦੈ ਤਾਂ ਅਕਸਰ ਹਵਾਵਾਂ ਦੇ ਰੁਖ ਬਦਲ ਜਾਂਦੇ ਨੇ
ਜ਼ਿੰਦਗੀ ਜਦ ਪਲਟਦੀ ਏ ਤਾਂ ਅਕਸਰ ਮਨੁੱਖ ਬਦਲ ਜਾਂਦੇ ਨੇ
ਕਦੀ ਵਕ਼ਤ ਬਦਲਦਾ ਏ ਤੇ ਕਦੀ ਖਿਆਲਾਤ ਬਦਲ ਜਾਂਦੇ ਨੇ
ਕਦੀ ਲੋਕ ਖੁਦ ਬਦਲਦੇ ਨੇ ਤੇ ਕਦੀ ਹਾਲਾਤ ਬਦਲ ਜਾਂਦੇ ਨੇ
“ਮੰਨੂ” ਨਾ ਹੀ ਕਦੀ ਬਦਲਿਆ ਨਾ ਹੀ ਬਦਲਣ ਦਾ ਕੋਈ ਚਾਅ ਏ
ਸੱਚ ਤਾਂ ਇਹ ਕਿ ਬਦਲਾਓ ਹੀ ਕੁਦਰਤ ਦਾ ਨਿਯਮ ਤੇ ਸੁਭਾਅ ਏ