ਵੇ ਲੋਕੋ ਵੇ ਲੋਕੋ

ਹੁਣ ਤਾਂ ਜ਼ੁਲਮ ਨੂੰ ਰੋਕੋ

ਨਾ ਮਾਰੋ ਵੇ ਨਾ ਮਾਰੋ

ਅਣਜੰਮੀਆਂ ਨਾ ਮਾਰੋ

ਜਮਾਨਾ ਵੀ ਅੱਜ ਬਦਲ ਗਿਆ

ਹੁਣ ਸੋਚਾਂ ਨੂੰ ਵੀ ਬਦਲੋ

ਮੁੰਡੇ ਹੀ ਸਿਰਫ ਹੁੰਦੇ ਸਹਾਰਾ

ਇਸ ਲੋਚਾ ਨੂੰ ਵੀ ਬਦਲੋ

ਆਓ ਰਲ ਕੇ ਸਾਰੇ ਆਪਾਂ

ਅੱਜ ਨਵੀਂ ਚਲਾਈਏ ਲੀਹ

ਅੱਜ ਪੁੱਤਰਾਂ ਬਰਾਬਰ ਧੀ

ਵੇ ਲੋਕੋ ਪੁੱਤਰਾਂ ਬਰਾਬਰ ਧੀ

ਜੇ ਨਾਨੀ ਵੀ ਪਾਪ ਕਮਾਉਂਦੀ

ਫਿਰ ਜੱਗ ਤੇ ਮਾਂ ਤੂੰ ਕਿੱਦਾਂ ਆਉਂਦੀ

ਜੇ ਦਾਦੀ ਵੀ ਭੂਆ ਨਾ ਜੰਮਦੀ,

ਦੁਖ ਸੁਖ ਕਿਸ ਨੂੰ ਆਖ ਸੁਣਾਉਂਦੀ

ਜੰਮਣ ਸਮੇਂ ਕੋਈ ਫਰਕ ਨਾਂ ਹੁੰਦਾ

ਇੱਕੋ ਜਿੰਨਾ ਦਰਦ ਏ ਹੁੰਦਾ

ਪੁੱਤਰ ਤੇ ਧੀਆਂ ਨੇ ਦੋਵੇਂ

ਇੱਕੋ ਰੱਬ ਦੇ ਜੀਅ

ਅੱਜ ਪੁੱਤਰਾਂ ਬਰਾਬਰ ਧੀ

ਵੇ ਲੋਕੋ ਪੁੱਤਰਾਂ ਬਰਾਬਰ ਧੀ

ਪੜ੍ਹ ਲਿਖ ਕੇ ਕੁੜੀ ਆਪ ਕਮਾਵੇ

ਵੱਡੇ ਵੱਡੇ ਅਹੁਦਿਆਂ ਤੇ ਜਾਵੇ.

ਹਰ ਕੰਮ ਦੇ ਵਿਚ ਹਿੱਸਾ ਪਾਵੇ

ਘਰ-ਸੰਸਾਰ ਦੋਵੇਂ ਚਲਾਵੇ

ਹਰ ਖੇਤਰ ਦੇ ਵਿਚ ਮਰਦਾਂ ਦੇ

ਮੋਢੇ ਦੇ ਨਾਲ ਮੋਢਾ ਲਾਵੇ

ਮੁੰਡਿਆਂ ਤੇ ਕੁੜੀਆਂ ਵਿਚ

ਦੱਸੋ ਅੱਜ ਫਰਕ ਏ ਕੀ

ਅੱਜ ਪੁੱਤਰਾਂ ਬਰਾਬਰ ਧੀ

ਵੇ ਲੋਕੋ ਪੁੱਤਰਾਂ ਬਰਾਬਰ ਧੀ

ਹਰ ਖੇਤਰ ਵਿਚ ਅੱਜ ਕੁੜੀਆਂ ਭਾਰੀਆਂ..

ਵੱਡੀਆਂ ਮੱਲਾਂ ਇਹਨਾ ਨੇ ਮਾਰੀਆਂ

ਇਤਿਹਾਸ ਫਰੋਲੋ ਤੇ ਵੇਖੋ

ਕੁੜੀਆਂ ਦੀਆਂ ਜਰਾ ਕਾਰਗੁਜ਼ਾਰੀਆਂ

ਮਾਈ ਭਾਗੋ, ਰਾਣੀ ਝਾਂਸੀ

ਇਹ ਵੀ ਤਾਂ ਕੁੜੀਆਂ ਸੀ

ਅੱਜ ਪੁੱਤਰਾਂ ਬਰਾਬਰ ਧੀ

ਵੇ ਲੋਕੋ ਪੁੱਤਰਾਂ ਬਰਾਬਰ ਧੀ

ਮਤ ਸਮਝਿਓ ਕੁੜੀ ਸਿਰਫ

ਅੱਜ ਨੂੰਹ ਸੱਸ ਜਾ ਨਨਾਣ ਏ

ਕੁੜੀਆਂ ਦੀ ਵੀ ਜੱਗ ਤੇ

ਅੱਜ ਵੱਖਰੀ ਇਕ ਪਛਾਣ ਏ

ਧੀ ਹੁੰਦੀ ਏ ਰੁੱਖ ਬਰਾਬਰ

ਇਹ ਸਮਝੇ ਦੁਖ-ਸੁਖ ਬਰਾਬਰ

ਰੁੱਖ ਲਗਾਈਏ ਧੀ ਬਚਾਈਏ

ਅਜੋਕੇ ਸਮੇ ਦੀ ਇਹੋ ਤਰਜੀਹ

ਅੱਜ ਪੁੱਤਰਾਂ ਬਰਾਬਰ ਧੀ

ਵੇ ਲੋਕੋ ਪੁੱਤਰਾਂ ਬਰਾਬਰ ਧੀ

ਵੀਰ ਜੀ ਬੜੀ ਭਰਵੀ ਤੇ ਸੰਘਣੀ ਸੋਚ ਹੈ ਤੁਹਾਡੀ..... ਸਿਜਦਾ ਹੈ ਤੁਹਾਨੂੰ......
ਬਹੁਤ ਵਧੀਆ........

ਬਹੁਤ ਵਧੀਆ ਲਿਖਿਆ  ਤਸੀ 22 g ਜੇ ਇਹ ਸੋਚ ਸੱਭ ਦੀ ਹੋ ਜਾਵੇ ਤਾ ਫਿਰ ਘਾਟੇ ਕਾਦੇ.?
ਹੁਣ ਤਾ ਰੱਬ ਹੀ ਬਖਸੇ ਇਸ ਦੁਨੀਆ ਨੂੰ, ਧੀਆ ਬਚਾਉ ਲੋਕੋ ਧੀਆ...?

bauth vadiya lekhiya 22g

ਆਪ ਸਾਰਿਆਂ ਦਾ ਬਹੁਤ ਬਹੁਤ ਧੰਨਵਾਦ ..........ਜਿਹਨਾ ਨੂੰ ਨਾ-ਪਸੰਦ ਓਹਨਾ ਤੋ ਖਿਮਾ....ਆਪ ਸਾਰੇ ਸਤਿਗੁਰ ਅੱਗੇ ਅਰਦਾਸ ਕਰਨਾ ਕਿ ਓਹ ਆਪ ਹੀ ਸਿਰ ਤੇ ਮਿਹਰਾਂ ਭਰਿਆ ਹੱਥ ਰਖ ਕੇ ਚੰਗਾ ਲਿਖਵਾ ਲੈਣ  .............:):)

good 22ji keep it up god bless u