ਸੁਲਗਦੇ ਰਹਿਣ ਖਵਾਬਾਂ ਦੇ ਦੀਵੇ
ਬੁਝ ਜਾਵਣ ਅਜ਼ਾਬਾਂ ਦੇ ਦੀਵੇ

ਹਨ੍ਹੇਰ ਦੇ ਓਹਲੇ ਕੀ ਹੈ ਲੁਕਿਆ
ਘੁੰਡ ਚੁੱਕ ਚੁੱਕ ਦਿਖਾਵਣ ਦੀਵੇ

ਵਕਤ ਦੀ ੲਿਹ ਹੈ ਕਿਹੀ ਬੁਝਾਰਤ
ਕਦੇ ਪੈਰੀਂ ਕਦੇ ਸਿਰ੍ਹਾਣੇ ਦੀਵੇ

ਲੋਅ ਨਾਲ ਰੱਜੇ ਤਾਂ ਹੀ ਵੰਡਦੇ
ਰੱਜਿਆਂ ਨੂੰ ਰਾਹ ਦਿਖਾਵਣ ਦੀਵੇ

ਸਾੳੁਲੇ ਸੱਜਣ ਦੇ ਚਿਹਰੇ ਅੱਗੇ
ਆਪਣੇ ਨੂਰ ਲੁਕਾਵਣ ਦੀਵੇ

ਹਨ੍ਹੇਰੇ ਨੂੰ ਨਾ ਤੂੰ ਹਕੀਕਤ ਮੰਨੀ
ਬੁਝਦੇ ਮੈਂਨੂੰ ਸਮਝਾਵਣ ਦੀਵੇ

ੲਿਹ ਹਰ ਸਾਜ਼, ਰਾਗ ਤੋਂ ੳੁੱਚੇ
ਚੁੱਪੇ ਹੀ ਘਰ ਰੁਸ਼ਨਾਵਣ ਦੀਵੇ

ਕਹਿਕਸ਼ਾਂ ਤੋਂ ਧਰਤ ਤੇ ੳੁੱਤਰੇ
ਧਰਤ ਨੂੰ ਸੁਰਗ ਬਨਾਵਣ ਦੀਵੇ

ਦੀਵੇ ਦੀ ਕੰਬਣੀ ਤਾਰੇ ਦੀ ਟਿਮਟਿਮ
ਰਿਸ਼ਤੇ ਲੰਮੇ ਨਿਭਾਵਣ ਦੀਵੇ ॥

-:ਸੰਦੀਪ 'ਸੋਝੀ'

 

ਸੰਦੀਪ ਬਾਈ ਜੀ, ਮੱਸਿਆ ਦੇ ਮੌਕੇ ਦੀਵਿਆਂ ਦੀ ਲੋਅ ਲੋੜੀਂਦੀ ਐ,  ਅਤੇ ਤੁਸੀਂ ਪੇਸ਼ ਕਰ ਦਿੱਤੀ |

 

"ਦੀਵੇ" ਇਕ ਸੋਹਣਾ  ਜਤਨ   ਹੈ |  

 

ਮੇਰੀਆਂ ਪਸੰਦੀਦਾ, ਖ਼ਾਸ ਕਰਕੇ ਜ਼ੋਰਦਾਰ ਮੁਢਲੀਆਂ  ਸਤਰਾਂ ਦ੍ਰਿੜ੍ਹ ਸੰਕਲਪ ਅਤੇ ਸੁਭ ਇੱਛਾ ਨਾਲ ਲਬਾਲਬ ਭਰੀਆਂ ਹੋਈਆਂ |

 

"ਸੁਲਗਦੇ ਰਹਿਣ ਖਵਾਬਾਂ ਦੇ ਦੀਵੇ

ਬੁਝ ਜਾਵਣ ਅਜਾਬਾਂ ਦੇ ਦੀਵੇ"

ਜਿਉਂਦੇ ਵੱਸਦੇ ਰਹੋ | ਸ਼ੇਅਰ ਕਰਨ ਲਈ ਧੰਨਵਾਦ |

ਖੁਸ਼ ਰਹੋ |

 

ਸੰਦੀਪ ਬਾਈ ਜੀ ਬਾ ਕਮਾਲ ਰਚਨਾ ਹੈ ਦਿਵਾਲੀ ਦੇ ਸ਼ੁਭ ਮੋਕੇ ਤੇ ਜਿਸ ਤਰ੍ਹਾ ਦੀਪ ਦਿਵਾਲੀ ਨੂੰ ਹਨੇਰਾ ਦੂਰ ਕਰਦੇ ਨੇ ਕੁਝ ਉਸੀ ਤਰ੍ਹਾਂ ਪ੍ਰਕਾਸ਼ ਦਾ ਫੁਆਰਾ ਬਣ ਕੇ ਚਾਨਣ ਫੈਲਾ ਰਹੀ ਹੈ


ਹਨ੍ਹੇਰੇ ਨੂੰ ਨਾ ਤੂੰ ਹਕੀਕਤ ਮੰਨੀ
ਬੁਝਦੇ ਮੈਂਨੂੰ ਸਮਝਾਵਣ ਦੀਵੇ

ਜਿਉਦੇ ਵਸਦੇ ਰਹੋ..

ਵਾਹ ਕਿਆ ਬਾਤ ਹੈ ਜੀ ..............brilliant

ਜਗਜੀਤ ਸਰ, ਸੰਜੀਵ ਜੀ, ਸੁਖਪਾਲ ਜੀ, ਤੁਹਾਡਾ ਸਭ ਨਿਮਾਣੀ ਜਿਹੀ ਕਿਰਤ ਲੲੀ ਵਕਤ ਕੱਢਣ ਲੲੀ ਤੇ ੲਿਸ ਹੌਸਲਾ ਅਫਜਾਈ ਲਈ ਬਹੁਤ ਬਹੁਤ ਸ਼ੁਕਰੀਆ।

Wah g, grt lines

ਵਕਤ ਕੱਢ ਕੇ ਫੇਰਾ ਪੳੁਣ ਲੲੀ ਤੇ ਕਮੈਂਟ੍‍ਸ ਲੲੀ ਤੁਹਾਡਾ ਬਹੁਤ ਸ਼ੁਕਰੀਆ ਗੁਰਪ੍ਰੀਤ ਬਾਈ ਜੀ ।