ਧੀਆਂ ਨੂੰ ਨਾ ਮਾਰੋ ਲੋਕੋ ਧੀਆਂ ਨੂੰ ਨਾ ਮਾਰੋ
ਜੇਕਰ ਧੀਆਂ ਜੰਮੀਆਂ ਨਾਂ ਤਾਂ ਪਿਓ ਬਣਕੇ ਤੁਸੀਂ ਲਾਡ ਕਿਹਨੂੰ ਲਡਾਓਗੇ ???
ਫਿਰ ਮੁੰਡੇ ਹੀ ਵਿਹੜੇ ਚ ਖੇਡਣਗੇ ਕੱਲੇ .......ਵੀਰ ਕਿਹਤੋਂ ਅਖਵਾਓਗੇ ???
ਨੰਨ੍ਹੀਆਂ ਪਰੀਆਂ ਦੇ ਵਾਂਗਰ ਇਹ ਜਾਪਣ
ਇਹ ਬੜੀਆਂ ਮਾਸੂਮ ਨੇ ਲੋਕੋ ਕੁਝ ਤਾਂ ਜਰਾ ਵਿਚਾਰੋ
ਧੀਆਂ ਜੇਕਰ ਜੰਮੀਆਂ ਨਾ .....................ਤੇ ਮੁੰਡੇ ਕਿੰਝ ਵਿਆਹੁਗੇ ???
ਮਾਰਦੇ ਰਹੇ ਤੁਸੀਂ ਧੀਆਂ ਜੇਕਰ .............ਤਾਂ ਵੰਸ ਨੂੰ ਕਿਵੇਂ ਚਲਾਓਗੇ ???
ਇਹ ਨਿਰਦੋਸ਼ ਕੀ ਆਖਣ ਕਿਸੇ ਨੂੰ
ਬੇਦੋਸ਼ਾਂ ਨੂੰ ਨਾ ਮਾਰੋ ਲੋਕੋ ਬੇਦੋਸ਼ਾਂ ਨੂੰ ਨਾ ਮਾਰੋ
ਧੀਆਂ ਜੇਕਰ ਜੰਮੀਆਂ ਨਾ ...................ਤੇ ਰੱਖੜੀ ਕਿਵੇਂ ਮਨਾਓਗੇ???
ਵੀਰਾਂ ਦੇ ਗੁੱਟ ਰਹਿਣਗੇ ਖਾਲੀ................... ਦੱਸੋ ਕਿਵੇਂ ਭਰਾਓਗੇ???
ਵੀਰਾਂ ਦਾ ਬਚਪਨ ਰਹਿ ਜਾਣਾ ਸੁੰਨਾ
.ਇਹ ਨਾਂ ਕਹਿਰ ਗੁਜ਼ਾਰੋ ਲੋਕੋ ਇਹ ਨਾਂ ਕਹਿਰ ਗੁਜ਼ਾਰੋ
ਧੀਆਂ ਜੇਕਰ ਜੰਮੀਆਂ ਨਾ.................. ਤੇ "ਤੀਆਂ" ਕਿੰਝ ਮਨਾਓਗੇ???
ਮਾਰਦੇ ਰਹੇ ਤੁਸੀਂ ਧੀਆਂ ਜੇਕਰ........ "ਤ੍ਰਿੰਝਣਾ" ਚ ਕਿਹਨੂੰ ਬਿਠਾਓਗੇ???
ਧੀਆਂ ਬਿਨਾ ਰੌਣਕ ਨਹੀ ਹੋਣੀ ਜੱਗ ਹੋ ਜਾਣਾ ਖਾਲੀ
ਓਹ ਵੀ ਸਮਾਂ ਚਿਤਾਰੋ ਲੋਕੋ ਓਹ ਵੀ ਸਮਾਂ ਚਿਤਾਰੋ
ਧੀਆਂ ਜੇਕਰ ਜੰਮੀਆਂ ਨਾ ........ਤੇ "ਭੂਆ" "ਮਾਸੀ" ਕਿਹਨੂੰ ਅਖਵਾਓਗੇ??
ਮਾਰਦੇ ਰਹੇ ਤੁਸੀਂ ਧੀਆਂ ਜੇਕਰ....... ਤਾਂ "ਸਾਲੀਆਂ" ਕਿਥੋਂ ਲਿਆਓਗੇ???
ਫਿਰ ਬਣਜੂ ਜੱਗ ਤੇ ਬਿਪਤਾ ਭਾਰੀ....
ਜੱਗ ਨੂੰ ਤੁਸੀਂ ਨਿਤਾਰੋ ਲੋਕੋ ਜੱਗ ਨੂੰ ਤੁਸੀਂ ਨਿਤਾਰੋ
ਮਾਵਾਂ ਦੇ ਕੁਝ ਆਪਣੇ ਦੁੱਖ ਸੁੱਖ............ ਦੱਸੋ ਕੀਹਦੇ ਨਾਲ ਵੰਡਾਓਗੇ???
ਚੜ ਘੋੜੀ ਜਦ ਵੀਰ ਵਿਹਾਉਣੇ................. "ਵਾਂਗ" ਕਿਹਨੂੰ ਫੜਾਓਗੇ???
ਨ੍ਹੇਰਾ ਜਿਹਾ ਜਾਪੇ ਧੀਆਂ ਬਿਨ ਜੱਗ ਤੇ
ਸੋਹਣਾ ਭਵਿੱਖ ਉਸਾਰੋ ਲੋਕੋ ਸੋਹਣਾ ਭਵਿੱਖ ਉਸਾਰੋ
ਧੀਆਂ ਬਿਨਾ ਕਿਸੇ ਖੁਸ਼ੀ ਦੇ ਮੌਕੇ............. ਕਿੰਝ ਗੀਤ ਖੁਸ਼ੀ ਦੇ ਗਾਓਗੇ???
ਫਿਰ "ਜਾਗੋ" ਕੱਢਣ ਦੇ ਲਈ ...............ਕੀ "ਖੁਸਰੇ" ਤੁਸੀਂ ਬੁਲਾਓਗੇ???
ਚੇਤੇ ਰਖਿਓ "ਮੰਨੂ" ਦੀ ਇਹ ਗੱਲ....
ਇਹ ਨਾਂ ਮਨੋਂ ਵਿਸਾਰੋ ਲੋਕੋ ਇਹ ਨਾਂ ਮਨੋਂ ਵਿਸਾਰੋ
ਧੀਆਂ ਨੂੰ ਨਾ ਮਾਰੋ ਲੋਕੋ ਧੀਆਂ ਨੂੰ ਨਾ ਮਾਰੋ
ਸਿਆਣੇ ਆਖਦੇ ਕੁੜੀਆਂ ਦੀ ਜੇ ਗਿਣਤੀ ਘਟ ਗਈ…..ਤਾਂ ਜੱਗ ਤੇ ਬੱਚੇ "ਮਾਸੀ" ਨੂੰ ਵੀ ਤਰਸਣਗੇ
"ਮੰਨੂ" ਆਖੇ ਜੇ ਲੋਕੀ ਧੀਆਂ ਮਾਰਦੇ ਰਹੇ…………..ਤਾਂ "ਮਾਸੀ" ਨੂੰ ਕੀ "ਭੂਆ" ਨੂੰ ਵੀ ਤਰਸਣਗੇ.....
~ਸਿੰਘ ਮਨਪ੍ਰੀਤ~
