ਮਾਤਾ ਗਊ ਤੋਂ ਵੱਛਾ ਖੋਂਹਦੇ, ਮਾਂ ਦੀ ਕੁੱਖ ਚੋਂ ਧੀ ਨੂੰ, ਪੱਥਰਾਂ ਨੂੰ ਖ਼ੁਦ ਪੂਜਣ ਵਾਲੇ, ਪੱਥਰ ਸਮਝਣ ਧੀ ਨੂੰ। ----- ਲੱਖਾਂ ਧੀਆਂ ਅੱਗ ‘ਚ ਸੜਦੀਆਂ, ਕੀ ਕੀ ਜ਼ੁਲਮ ਨਹੀਂ ਹੋਇਆ, ਪੜ੍ਹ ਕੇ ਖ਼ਬਰਾਂ ਮੁੱਖ ਸਫ਼ੇ ਤੇ, ਦਿਲ ਦਾ ਪੰਛੀ ਰੋਇਆ। ----- ਢੇਰ ਦਾ ਕੂੜਾ ਢੇਰੀ ਸੁੱਟਣਾ, ਇਹੀ ਖ਼ਿਤਾਬ ਨੇ ਦਿੰਦੇ, ਜਾਗੀਰਦ...ਾਰ ਅਖਵਾਉਣ ਵਾਲ਼ੇ, ਧੀ ਨੂੰ ਜਗੀਰ ਨਾ ਦਿੰਦੇ । ----- ਚਾਰ ਕੁ ਲੀਰਾਂ ਦੇ ਕੇ ਤੋਰਨ, ਸੁਹਰੇ ਦਿੰਦੇ ਤਾਂਹਨੇਂ । ਦਾਜ ਦਾਜ ਦਾ ਰੌਲਾ ਪਾਉਂਦੇ, ਆਪਣੇਂ ਬਣੇ ਬਿਗਾਨੇ। ----- ਪੁੱਤ ਪੀਵੇ ਬਦਾਮ ਦੇ ਬੱਤੇ, ਧੀ ਲਈ ਹਉਕੇ ਭਰਦੇ । ਧੀ ਨੂੰ ਪਿਉ ਦੀ ਪੱਗੜੀ ਆਖਣ । ਪੁੱਤ ਨੇ ਖਾਂਦੇ ਜਰਦੇ। ----- ਭੈਣ ਸਦਾ ਭਰਾ ਦਾ ਸੋਚੇ, ਕੀ ਕੀ ਸਿਤਮ ਉਠਾਂਦੀ। ਇਕ ਭੈਣ ਭਰਾ ਲਈ ਦੇਖੀ, ਜੇਲ੍ਹੀਂ ਚੱਕਰ ਖਾਂਦੀ। ----- ਬਾਹਰੌਂ ਆਇਆ ਮੁੰਡਾਂ ਸੁਣਕੇ ਧੀ ਦਾ ਰਿਸ਼ਤਾ ਕਰਦੇ। ਇਕ ਅੱਧਾ ਖੇਤ ਵੇਚ ਕੇ, ਵਿਆਹ ਦਾ ਸੌਦਾ ਕਰਦੇ, ----- ਮੌਜ ਲਵਾਂਗੇ ਟੱਬਰ ਸਾਰਾ , ਵਿਚ ਜਹਾਜੇ ਚ੍ਹੜ ਕੇ, ਧੀ ਦਾ ਦਿਲ ਨਾ ਜਾਣੇ ਕੋਈ, ਹੌਲ ਨੇ ਪੈਂਦੇ ਪ੍ਹੜ ਕੇ। ----- ਦਿਲੋਂ ਕੁਆਰੀਆਂ ਉਂਞ ਵਿਆਹੀਆਂ, ਕਈਆਂ ਕੋਲ਼ ਨੇ ਬੱਚੇ, ਬਾਹਰਲੇ ਲਾੜੇ ,ਪੰਛੀ ਉੱਡ ਗਏ, ਕਿੰਝ ਕੋਈ ਪੈੜਾਂ ਨੱਪੇ । ----- ਧੀਆਂ ਵਾਲ਼ਿਓ! ਘਰ ਨੂੰ ਮੁੜ ਜਾਉ, ਹੋਰ ਉਲ਼ਝ ਜਾਊ ਤਾਣੀ, ਚੁੱਲ੍ਹੇ ਤੁਹਾਡੇ ਅੱਗ ਨ੍ਹੀਂ ਰਹਿਣੀ, ਘੜੇ ਨ੍ਹੀਂ ਰਹਿਣਾ ਪਾਣੀ। ----- ਬੀਤ ਗਏ ਪਲ ਹੱਥ ਨ੍ਹੀਂ ਆਉਣੇ, ਕਹਿ ਗਏ ਕਈ ਸਿਆਣੇ, ਰਹਿੰਦੀ ਖੂੰਹਦੀ ਇੱਜ਼ਤ ਲੁੱਟ ਜੂ, ਵਿਚ ਕਚਿਹਰੀਆਂ, ਥਾਣੇ। ----- ਚੀਸ ਦਿਲਾਂ ਦੀ ਮਹਿਰਮ ਜਾਣੇ, ਰਹਿ ਗਏ ਕੱਲੇ ਕੱਲੇ । ਕਦੇ ਨੀ ਮੁੜਦੇ ਦਿੱਤੇ ਹੋਏ, ਮੁੰਦੀਆਂ ਛਾਪਾਂ ਛੱਲੇ। ----- ਇਹੀ ਪੈਸਾ ਲਾ ਕੇ ਜੇਕਰ, ਧੀ ਪੜ੍ਹਾਈ ਕਰਦੀ, ਤਰ ਜਾਣੀਆਂ ਸੀ ਕਈ ਕੁੱਲਾਂ, ਧੀ ਨਾ ਮਰਦੀ ਘਰਦੀ । ----- ਮੈਂ ਹਾਂ ਪੁੱਤਰੀ ਭਾਰਤ ਮਾਂ ਦੀ, ਅਜੇ ਗੁਲਾਮੀ ਕਰਦੀ, ਭਾਰਤ ਭਾਵੇਂ ਅਜਾਦ ਹੋ ਗਿਆ, ਮੈ ਅੱਜ ਵੀ ਅੱਗੀ ਸੜਦੀ ।   ਦੇਵਿੰਦਰ ਕੌਰSee More