ਬੜਾ ਹੁੰਦਾ ਏ ਸੁਨੱਖਾ ਫੁੱਲ ਅੱਕ ਦਾ
ਸੋਹਣੀ ਲਗਦੀ ਚੰਬੇਲੀ ਚੁੰਝ ਖੋਲ੍ਹਦੀ
ਜਿਹੜੀ ਸਰ੍ਹੋਂਆਂ ਦੇ ਸਿਰ ਜਾਂਦੀ ਗੁੰਦ ਕੇ
ਧੁੱਪ ਬੁੱਲ੍ਹਾਂ ਵਿੱਚ ਪਤਾ ਨੀਂ ਕੀ ਬੋਲਦੀ

ਚਾਰੇ ਪਾਸੇ ਹਰਿਆਵਲਾਂ ਦਾ ਝੁੱਲ ਵੇ
ਕਿਤੇ ਟਹਿਕਦੇ ਅਨਾਰਾਂ ਉੱਤੇ ਫੁੱਲ ਵੇ
ਜਦੋਂ ਜੰਡੀਆਂ 'ਚ ਜੋਗੀ ਕੋਈ ਨੱਚਦਾ
ਉਦੋਂ ਨਿੰਮੜੀ ਨਮੋਲੀਆਂ ਨੂੰ ਤੋਲਦੀ
ਜਿਹੜੀ ਸਰ੍ਹੋਂਆਂ ਦੇ ਸਿਰ ਜਾਂਦੀ ਗੁੰਦ ਕੇ
ਧੁੱਪ ਬੁੱਲ੍ਹਾਂ ਵਿੱਚ ਪਤਾ ਨੀਂ ਕੀ ਬੋਲਦੀ

ਕਿਤੇ ਭੱਤਲਾਂ ਨੇ ਕੱਜ ਲਈ ਏ ਧਰਤੀ
ਕਿਤੇ ਲੇਹਾਂ ਵਿੱਚ ਚੁੱਪ ਜਿਹੀ ਵਰਤੀ
ਜਦੋਂ ਕਿਰਦਾ ਕੋਈ ਤੁੱਕਾ ਚੁੱਪ ਟੁੱਟਦੀ
ਪਾ ਕੇ ਲੀਹਾਂ ਸੱਪ ਲੰਘ ਜਾਂਦਾ ਕੋਲ ਦੀ
ਜਿਹੜੀ ਸਰ੍ਹੋਂਆਂ ਦੇ ਸਿਰ ਜਾਂਦੀ ਗੁੰਦ ਕੇ
ਧੁੱਪ ਬੁੱਲ੍ਹਾਂ ਵਿੱਚ ਪਤਾ ਨੀਂ ਕੀ ਬੋਲਦੀ

ਕਿਤੇ ਕੱਚੀ ਕੱਚੀ ਤਾਂਦਲੇ ਦੀ ਕੈਲ ਵੇ
ਪਾਈ ਜਾਂਦੀ ਏ ਗੁਆਰੀ ਵਿੱਚ ਪੈਲ ਵੇ
ਖਿੜੇ ਅੱਸੂ ਵਿੱਚ ਮੱਕੜੀ ਦੇ ਜਾਲ ਨੂੰ
ਹਵਾ ਝੂਟੇ ਮਾਟੇ ਲੈੇ ਕੇ ਜਾਵੇ ਖੋਲ੍ਹਦੀ
ਜਿਹੜੀ ਸਰ੍ਹੋਂਆਂ ਦੇ ਸਿਰ ਜਾਂਦੀ ਗੁੰਦ ਕੇ
ਧੁੱਪ ਬੁੱਲ੍ਹਾਂ ਵਿੱਚ ਪਤਾ ਨੀਂ ਕੀ ਬੋਲਦੀ

ਹੋਈਆਂ ਨ੍ਹੇਰੇ ਦੀਆਂ ਝਾਂਜਰਾਂ ਵੀ ਚੁੱਪ ਵੇ
ਕੁੱਦੀ ਸੂਰਜੇ ਦੀ ਪਾਲਕੀ 'ਚੋੰ ਧੁੱਪ ਵੇ
ਕੌਣ ਲੈ ਗਿਆ ਚੁਰਾ ਕੇ ਭਲੇ ਖੰਭ ਵੇ
ਨਿਗਾ ਕਾਵਾਂ ਅਤੇ ਚਿੜੀਆਂ ਨੂੰ ਟੋੋਲਦੀ
ਜਿਹੜੀ ਸਰ੍ਹੋਂਆਂ ਦੇ ਸਿਰ ਜਾਂਦੀ ਗੁੰਦ ਕੇ
ਧੁੱਪ ਬੁੱਲ੍ਹਾਂ ਵਿੱਚ ਪਤਾ ਨੀਂ ਕੀ ਬੋਲਦੀ

ਹਰਮਨ ਜੀਤ

lajwab bai  koi tod ni

sirrrrrrrrraaaaaaa