ਦਿਲ ਉਦਾਸ ਹੈ ਬੜਾ ਆਖਦੈ ਯਾਰ ਚਲਾ ਜਾਵੇਗਾ!
ਕਰਨ ਕਮਾਈਆਂ ਉਹ ਸਮੁੰਦਰੋਂ ਪਾਰ ਚਲਾ ਜਾਵੇਗਾ!

ਉਹ ਮਿਲਿਆ ਸੀ ਤਾਂ ਜਾਗੀ ਸੀ ਆਸ ਜਿਉਣ ਦੀ,
ਕੀ ਕਰਾਂਗਾ ਜਦ ਦਿਲਬਰ ਯਾਰ ਚਲਾ ਜਾਵੇਗਾ!

ਹਾਸੇ ਮੇਰੇ ਦਾ ਸਬੱਬ ਹੈ ਬਣਿਆ ਜਿਹੜਾ ਮਹਿਰਮ,
ਉਜਾੜ ਕੇ ਫੇਰ ਓਹ ਮੇਰਾ ਸੰਸਾਰ ਚਲਾ ਜਾਵੇਗਾ!

ਠਾਣ ਲਈ ਹੈ ਉਸਨੇ ਜਾਣ ਦੀ ਕਦੋਂ ਤੀਕ ਰੋਕਾਂ,
ਅੱਜ ਨਹੀਂ ਤਾਂ ਭਲਕੇ ਆਖ਼ਰਕਾਰ ਚਲਾ ਜਾਵੇਗਾ!

ਹਰਮੇਲ ਉਮਰ ਭਰ ਦੇ ਸਾਥ ਦੇ ਕਰਦਾ ਸੀ ਵਾਅਦੇ,
ਡੋਬ ਕੇ ਬੇੜੀ ਉਹ ਵੀ ਅੱਧ ਵਿਚਕਾਰ ਚਲਾ ਜਾਵੇਗਾ।
-ਹਰਮੇਲ ਪਰੀਤ

Once again a master piece by YOU...

ਦਿਲ ਨੂੰ ਛੂੰਹਦੇ ਹੋਏ ਜਜ਼ਬਾਤ..!!