ਮੈਂ ਤੱਕਿਆ ਇੱਕ ਦਿਲਚੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ..

 

ਓਹਦੇ ਲੂੰ-ਲੂੰ ਵਿਚ ਫਕੀਰੀ ਨੀਂ..

ਓਹ ਘੁੰਮਦਾ ਵਾਂਗ ਭੰਬੀਰੀ ਨੀਂ..

ਓਹਦੇ ਨੈਣਾਂ ਦੀ ਦਿਲਗੀਰੀ ਨੀਂ

ਮੇਰੀ ਜਿੰਦ ਲੈ ਜਾਂਦੀ ਭੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ..

 

ਓਹ ਚੋਟਾਂ ਖਾ-ਖਾ ਹੱਸਦਾ ਨੀਂ..

ਨਾ ਕਦੇ ਨਿਹੋਰੇ ਕੱਸਦਾ ਨੀਂ..

ਕਹੇ ਸਭਨਾਂ ਵਿਚ ਰੱਬ ਵੱਸਦਾ ਨੀਂ

ਫਿਰ ਸਾਡਾ ਕਾਹਦਾ ਜ਼ੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ..

 

ਓਹਦੀ ਉਮਰੋਂ ਮੱਤ ਸਿਆਣੀ ਨੀ..

ਓਹ ਅਮਲਤਾਸ ਦੀ ਟਾਹਣੀ ਨੀ..

ਓਹ ਪੰਜ ਦਰਿਆ ਦਾ ਪਾਣੀ ਨੀ..

ਗਿਆ ਵਾਂਗ ਪਤਾਸੇ ਖੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ....

 

ਓਹ ਬਾਤ ਇਸ਼ਕ਼ ਦੀ ਪਾਉਂਦਾ ਨੀਂ..

ਇੱਕਤਾਰਾ ਫੜਕੇ ਗਾਉਂਦਾ ਨੀਂ..

ਓਹ ਲੰਮੀਆਂ ਹੇਕਾਂ ਲਾਉਂਦਾ ਨੀਂ

ਓਹਦੀ ਹਿੱਕ ਵਿੱਚ ਡਾਢਾ ਜ਼ੋਰ ਮਾਏ

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ..

 

ਮੈਂ ਤਲੀਏ ਮਹਿੰਦੀ ਲਾਵਾਂ ਨੀ..

ਵਿੱਚ ਨਾਂ ਜੋਗੀ ਦਾ ਪਾਵਾਂ ਨੀ..

ਇੱਕ ਸੁਪਨਾ ਕੁੱਛੜ ਚਾਵਾਂ ਨੀ..

ਜੋ ਤਾਜ਼ਾ ਨਵਾਂ-ਨਕੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ...

 

ਓਹਦੇ ਬੋਲ ਨੇ ਸ਼ਹਿਦ-ਪਰੁੱਚੇ ਨੀਂ.

ਮੇਰੇ ਭਾਗ ਜਗਾ ਗਿਆ ਸੁੱਤੇ ਨੀਂ..

ਇੱਕ ਆਇਆ ਐਸੀ ਰੁੱਤੇ ਨੀਂ

ਜਦ ਬਾਗੀਂ ਨੱਚਣ ਮੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ..

 

ਓਹਨੇ ਗਲੀਏ ਪਾਉਣਾ ਫੇਰਾ ਨੀ..

ਹੋਇਆ ਪਲ-ਪਲ ਅੱਜ ਲਮੇਰਾ ਨੀ..

ਓਹਨੂੰ ਵੇਖਕੇ ਚੜ੍ਹੇ ਸਵੇਰਾ ਨੀ..

ਓਹਦੇ ਬਾਝ ਹਨ੍ਹੇਰਾ ਘੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ...

 

ਜੋਗੀ ਸੰਗ ਹੋ ਗਏ ਮੇਲੇ ਨੀ..

ਪਏ ਕਰਨ ਕਲੋਲਾਂ ਬੇਲੇ ਨੀ..

ਭਾਉਂਦੇ ਨਾ ਪੈਸੇ-ਧੇਲੇ ਨੀ..

ਹੁਣ ਚੜ੍ਹੀ ਅਵੱਲੀ ਲੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ...

 

ਓਹਦੇ ਸਾਥ ਦੀ ਤਾਂਘ ਵਧਾਉਂਦਾ ਨੀਂ..

ਜਦ ਨਵਾਂ ਸਵੇਰਾ ਆਉਂਦਾ ਨੀਂ..

ਮੈਂ ਓਹਦੀ ਹੋਰ ਨਾ ਭਾਉਂਦਾ ਨੀਂ

ਭਾਂਵੇ ਪਵੇ ਜਹਾਨੀਂ ਸ਼ੋਰ ਮਾਏ..

ਮੈਨੂੰ ਓਹਦੇ ਸੰਗ ਹੀ ਤੋਰ ਮਾਏ...

-ਹਰਮਨ

 

Veer G Bhut Vadiya likhiya a

 par mere khiyal nal eh ek vadiya song a te tuci es nu punjabi boli vich post krde

bt nice writing

sab too pehla chotte veer pujabizm de vehde aun layi khulle dil naal khush-aam-deed kehnda haaa....

 

baki rachna taa sikhar hai ....

zabardast entry maari aa...

bahut umeeda ne tere too veere sanu ....

hun ethe aunda jnda rhi ....

 

shukriyaa bahut bahut ....

bai g bhaut sohna likhea jinu lafja vich beayan ni kita ja sakda

shukriyaa dosto rachna pasand krn vaaste.........

thnxx stalin..:)

i welcome you here on punjabizm ....

 

main hamesha tuhada likheya pasand keeta ae.... and i loved this one too......  :)

 

great job...!!!