ਬਾਬਾ- ਕੰਮ ਕਰਦੇ ਸੀ
ਧੁਪੇ ਸੜਦੇ ਸੀ
ਅਸੀ ਤੜਕੇ ਨੂੰ ਉਠ ਕੜਦੇ ਸੀ
ਦਿਨੇ ਮਿਟੀ ਨਾਲ ਮਿਟੀ ਅਸੀਂ ਹੋਏ ਰਹਿਦੇਂ
ਸਾਮ ਢਲੀ ਤੋਂ ਕਿਤੇ ਘਰ ਵੜਦੇ ਸੀ
ਪੋਤਾ- ਗੱਲ ਕਰਦੇ ਓ ਕਹਿੜੇ ਜ਼ਮਾਨੇ ਦੀ
ਓਹ ਯੁਗ ਗਿਆ ਹੁਣ ਬੀਤ ਬਾਬਾ
ਦਿਨੋ ਦਿਨ ਹੁੰਦੀ ਜਾਂਦੀ ਐ ਗਰਮ ਧਰਤੀ
ਹੁਣ ਨਾ ਵਗਦੀ ਹਵਾ ਓ ਠੰਡੀ ਸੀਤ ਬਾਬਾ
ਬਾਬਾ- ਵੇਲਾ ਆਥਣ ਦਾ ਹੁੰਦਾ ਰੰਗੀਨ ਬਹੁਤਾ
ਜਦੋਂ ਬੇਬੇ ਤੇਰੀ ਭੱਤਾ ਲਿਆਂਉਂਦੀ ਸੀ
ਸਾਗ ਸਰੋਂ ਦਾ ਮੱਕੀ ਦੀਆਂ ਰੋਟੀਆਂ ਨਾਲ
ਛੰਨਾ ਲੱਸੀ ਦਾ ਆਣ ਪਿਲਾਉਂਦੀ ਸੀ
ਪੋਤਾ- ਛੰਨਾ ਲੱਸੀ ਦਾ ਹੁਣ ਰੱਖ ਪਰੇ
ਹੁਣ ਤਾ ਬਦਲੇ ਨੇ ਨਵੇ Trend ਬਾਬਾ
ਕੱਲੀ ਬੇਬੇ ਦੇ ਨਾਲ ਤੂੰ ਉਮਰ ਕੱਢਤੀ
ਬਦਲੀਏ ਨਿਤ ਅਸੀਂ Girl-friend ਬਾਬਾ
ਬਾਬਾ- ਕਦੇ ਢੁਕੀ ਨਾ ਬਿਮਾਰੀ ਸਾਡੇ ਆਣ ਨੇੜੇ
ਦੁਧ ਮੱਖਣਾ ਦੀ ਹੁੰਦੀ ਸੀ ਖ਼ੁਰਾਕ ਸਾਡੀ
ਬਹੁਤੇ ਰੰਗਾ ਦਾ ਨਾ ਸੀ ਉਦੋਂ ਇਲਮ ਸਾਨੂੰ
ਚਿਟੀ ਖੱਦਰ ਦੀ ਹੁੰਦੀ ਸੀ ਪੋਸ਼ਾਕ ਸਾਡੀ
ਪੋਤਾ- ਦੁਧ ਮੱਖ਼ਣ ਤਾ ਹੁਣ ਸਾਨੂੰ ਪਚਦੇ ਈ ਨੀ
piza burger ਏ ਸਾਡੀ ਖ਼ੁਰਾਕ ਬਾਬਾ
ਅਸੀਂ ਸੋਧ ਕੇ ਓਹਦੇ ਚੋਂ ਜੀਨ ਕੱਢਤੀ
ਜਿਹੜਾ ਖੱਦਰ ਸੀ ਤੇਰੀ ਪੋਸ਼ਾਕ ਬਾਬਾ
ਅੰਤਿਕਾ
ਨਵੇਂ ਯੁਗ ਵਿੱਚ ਜਿੰਦ ਮਸ਼ੀਨ ਹੋਈ
ਸਾਰੇ ਮਾਲਿਕ ਨੇ ਅੱਜ ਨਵੀਂ ਸੋਚ ਦੇ ਜੀ
ਜਿਨਾ ਜੰਮ ਕੇ ਸਾਨੁੰ ਨਵੀ ਸੋਚ ਦਿਤੀ
ਕੱਲੇ ਬੈਠੇ ਨੇ ਅੱਚ ਹੰਝੂ ਪੋਚਦੇ ਜੀ
ਖ਼ੌਰੇ ਹੋਗਿਆ ਐਨਾ ਖ਼ੁਦਗਰਜ਼ ਕਾਹਤੋ
ਲੱਗੀ ਕੈਸੀ ਇਹ ਮਰਜ਼ ਬਹਾਦਰ ਨੂੰ ਜੀ
ਆਪਣੀ ਦੁਨੀਆ ਚ ਐਨਾ ਮਸ਼ਰੂਫ਼ ਹੋਇਆ
ਭੁਲ ਗਿਆ ਬਜ਼ੁਰਗਾਂ ਦੇ ਆਦਰ ਨੂੰ ਜੀ
