ਸਾਥ ਤੇਰੇ ਤੋਂ ਖੁੰਝ ਕੇ ਨੀ

ਵਕਤ ਨਾਲ ਸੀ ਲੜਦੇ ਰਹੇ

ਕਦੇ ਨਾ ਪਰਤ ਕੇ ਦੇਖਿਆ ਤੂੰ

ਇੰਤਜ਼ਾਰ ਅਸੀਂ ਕਰਦੇ ਰਹੇ

ਦਿੱਤੇ ਜ਼ਖ਼ਮ ਹਜ਼ਾਰਾਂ ਜਿਹੜੇ

ਸਹਿ ਲਏ ਉਹ ਵੀ ਸੀਨੇ ਤੇ

ਬੇਰੁਖ਼ੀ ਵੀ ਤੇਰੀ ਸੱਜਣਾ

ਕਿਸਮਤ ਸਮਝ ਕੇ ਜਰਦੇ ਰਹੇ

ਪਿਆਰ ਸੀ ਤੇਰਾ ਕਿਸੇ ਮਰਜ਼ ਜੇਹਾ

ਨਾ ਤੇਰੇ ਤਾਂਈਂ ਸਾਨੂੰ ਗਰਜ਼ਾਂ ਸੀ

ਖੌਰੇ ਕਿਹੜੀ ਗੱਲ ਚ ਬੱਝਕੇ

ਤੇਰੇ ਕਦਮੀਂ ਦਿਲ ਜੇਹਾ ਧਰਦੇ ਰਹੇ

ਦਿਮਾਗ਼ ਤਾਂ ਤੈਨੂੰ ਜਾਣ ਗਿਆ ਸੀ

ਪਰ ਦਿਲ ਨੇ ਹਾਮੀ ਭਰੀ ਨਹੀਂ

ਕਦੇ ਖਿਲਾਫ-ਕਦੇ ਹੱਕ ਚ ਖੜ੍ਹਕੇ

ਦਿਲ ਦਿਮਾਗ਼ ਦੋਵੇਂ ਲੜਦੇ ਰਹੇ

                 - ਗਗਨ ਦੀਪ ਢਿੱਲੋਂ

waah Dhillon saab,........kamaal da likhea,............bohat khoob har ik ik harf ,.............behtreen andaaj e sayaari,.........jio veer jio

Thanks for liking Sukhpal Ji

ਗਗਨਦੀਪ ਜੀ,  ਵਾਹ ਬਾਈ ਵਾਹ !

ਤੁਹਾਡੀ ਇਹ ਕਿਰਤ ਮੈਨੂੰ ਬਹੁਤ ਹੀ ਸੋਹਣੀ ਲੱਗੀ - ਮੈਂ ਕਹੂੰਗਾ, ਇਹ ਤੁਹਾਡੀਆਂ ਹੁਣ ਤੱਕ ਦੀਆਂ ਰਚੀਆਂ ਕਿਰਤਾਂ ਵਿਚੋਂ 'ਸਰਵਬੋਤਮ' ਕਿਰਤ ਹੈ I

ਇਸੇ ਤਰਾਂ ਸੋਹਣਾ ਸੋਹਣਾ ਲਿਖਦੇ ਰਹੋ ! 

ਜਿਉਂਦੇ ਵੱਸਦੇ ਰਹੋ !