ੲਿਹ ਤਾਂ ਬਾਰਿਸ਼ ਵੀ ਤੇ ਬਹਾਰ ਵੀ
ਭਿੱਜਦਾ ਕਿਸਾਨ ਵੀ ਤੇ ਘੁਮਾਰ ਵੀ
ਕਿਸਮਤ ਸੁੱਕੇ ਖੇਤ ਦੀ ਤੇ ਕੱਚੇ ਘੜੇ ਦੀ
ਕੲੀ ਡੁੱਬੇ ਤੇ ਕੲੀ ਕਸ਼ਤੀ ਸਵਾਰ ਵੀ

ਅੱਗ ਕਿਵੇਂ ਬਲੇ ਨਾਲ ਗਿੱਲੀ ਲੱਕੜ
ਖੇਤ ਵਤ ਤੇ ਨੀਰ ੳੁਡੀਕੇ ਸੁੱਕਾ ਛੱਪੜ
ਆਪਣੀ ਆਸ ਨੂੰ ੳੁਡੀਕਦੇ ਹੈ ਸਭ
ਤੇ ਪਾਰਸ ੳੁਡੀਕਦਾ ਫਿਰੇ ਸੁਨਾਰ ਵੀ

ਚੋਪਟ ਦੀ ਅਹਿਦ ਹੈ ਸੱਚੇ ਲਈ ਕੈਦ
ਸੱਪ ਦੇ ਡੰਗੇ ਨੂ ਦਿਸਣ ਸਭ ਵੈਦ
ਕਿਸੇ ਦੇ ਬੋਲ ਦੇ ਸਕਦੇ ਨੇ ਦਿਲਾਸੇ
ਪਰ ਕਿਤੇ ਨਾ ਮਿਲਦੇ ਸਾਹ ਉਧਾਰ ਵੀ

ਕਿਤੇ ਰਿਹਾ ਵਗ ਕਿਤੇ ਰੁਕਿਅਾ ਜਗ
ਕਿਸੇ ਲਈ ਹੈ ਲੋ ਤੇ ਕਿਸੇ ਲਈ ਅੱਗ
ਵਿਹੁ ਤੇ ਪਿਆਰੇ ਲੱਖਾਂ ਨੇ ਤਾਰੇ
ਹੈ ਕਿਸੇ ਲਈ ਚੰਨ ਕਿਸੇ ਲੲੀ ਸਯਾਰ ਵੀ

ਵਿਚ ਉਸ ਦੀ ਵੰਡ ਹੈ ਕਿਤੇ-੨ ਗੰਢ
ਹਿੱਸੇ ਜੇ ਖੁੰਡਾ ਆਪਣੀ ਅਗਨ 'ਚ ਚੰਡ
ਜਿੰਦਗੀ 'ਚ ਮਿਲੇ ਕਿਤੇ ਧੁੱਪਾਂ ਕਿਤੇ ਛਾਂਵਾ
ਕਿਤੇ ਮੁਹੱਬਤਾਂ ਕਿਤੇ ਨਫਰਤ ਦੀਵਾਰ ਵੀ

'ਸੋਝੀ'


ਸਯਾਰ -ਗਰਦਿਸ਼ ਵਾਲਾ ਤਾਰਾ
ਵਿਹੁ-ਆਕਾਸ਼
ਅਹਿਦ-ਰਾਜਕਾਲ
ਚੋਪਟ-ਚੋਪਟ ਰਾਜਾ

 

ਬਹੁਤ ਸੁੰਦਰ ਰਚਨਾ ਸੰਦੀਪ ਜੀ |

ਰੀਡਰਜ਼ ਲਈ ਸ਼ਬਦ ਅਰਥਾਂ ਨਾਲ ਕਿਰਤ ਨੂੰ ਸਮਝਣਾ ਹੋਰ ਵੀ ਸੌਖਾ ਹੋ ਜਾਏਗਾ |

ਮਾਂ ਬੋਲੀ ਦੀ ਇਸਤਰਾਂ ਈ ਸੇਵਾ ਹੁੰਦੀ ਰਹੇ | ਰੱਬ ਰਾਖਾ |

 

ਮਾਂ ਬੋਲੀ ਦੀ ਸੇਵਾ ਕਰਨਾ ਤਾਂ ਫਰਜ ਹੈ ਜੀ ਸਾਡਾ...ਤੇ ਫਰਜ ਨੂ ਪੂਰਨ ਦੀ ਕੋਸ਼ਿਸ਼ ਜਾਰੀ ਰੱਖਾਂਗੇ।

ਕਮਾਲ ਦੀ ਰਚਨਾ ਸੰਦੀਪ ਜੀ ਕਵਿਤਾ ਦਾ ੀੜਸ਼ਾਂ ਭਵਾ ਹੀ ਡੂੰਘਾ ਹੈ

Veer g