ਸੋਚਾਂ ਵਿਚ ਤੂੰ ਖਾਬਾ ਵਿਚ ਤੂੰ , ਪੜ੍ਹਣ ਜਾ ਬੈਠਾ ਤਾ ਕਿਤਾਬਾਂ ਵਿਚ ਤੂੰ ,
ਵੈਰੀਆਂ ਤੇ ਮਿੱਤਰ ਪਿਆਰਿਆਂ ਚ ਤੂੰ ,ਹੁਣ ਮੈਨੂੰ ਦਿਸਦਾ ਏ ਸਾਰਿਆ ਚ ਤੂੰ..
...ਠੰਡੀ ਠੰਡੀ ਛਾਂ ਕੋਸੀ ਧੁੱਪ ਵਿਚ ਤੂੰ ,ਦੁਨੀਆ ਦੇ ਸ਼ੋਰ ਮੇਰੀ ਚੁੱਪ ਵਿਚ ਤੂੰ ,
ਲੋਕਾਂ ਦੀਆਂ ਗੱਲਾਂ ਤੇ ਹੁੰਗਾਰਿਆਂ ਚ ਤੂੰ ,ਹੁਣ ਮੈਨੂੰ ਦਿਸਦਾ ਏ ਸਾਰਿਆ ਚ ਤੂੰ,
ਹਰ ਖੁਸ਼ੀ ਵਿਚ ਤੂੰ ਹਰ ਗਮੀਂ ਵਿਚ ਤੂੰ ਮੁਸਕੁਰਾਹਟਾਂ ਚ ਤੂੰ ਅੱਖ ਦੀ ਨਮੀਂ ਚ ਤੂੰ
ਵਾਦਿਆਂ ਚ ਤੂੰ ਝੂਠੇ ਲਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸ੍ਦਾਂ ਏ ਸਾਰਿਆਂ ਚ ਤੂੰ
ਨਦੀਆਂ ਚ ਤੂੰ ਤੇ ਪਹਾੜਾ ਵਿਚ ਤੂੰ ਬਾਗਾਂ ਵਿਚ ਤੂੰ ਤੇ ਬਹਾਰਾਂ ਵਿਚ ਤੂੰ
ਝਰਨਿਆਂ ਚ ਤੂੰ ਤੇ ਫੁਹਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸ੍ਦਾਂ ਏ ਸਾਰਿਆਂ ਚ ਤੂੰ
ਜਲ ਚ ਵੀ ਤੂੰ ਤੇ ਥਲ ਚ ਵੀ ਤੂੰ ਸੂਰਜ ਚ ਤੂੰ ਤੇ ਚੰਨ ਚ ਵੀ ਤੂੰ
ਅੰਬਰਾਂ ਚ ਤੂੰ ਤੇ ਤਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਹਰ ਗੱਲ ਵਿਚ ਤੂੰ ਹਰ ਰਾਜ਼ ਵਿਚ ਤੂੰ ਸਾਜ ਵਿਚ ਤੂੰ ਹਰ ਆਵਾਜ਼ ਵਿਚ ਤੂੰ
ਵਾਜਿਆਂ ਚ ਤੂੰ ਤੇ ਨਗਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਬੱਦਲਾਂ ਚ ਤੂੰ ਤੇ ਹਵਾਵਾਂ ਚ ਤੂੰ ਘਟਾਵਾਂ ਚ ਤੂੰ ਤੇ ਫਿਜ਼ਾਵਾਂ ਚ ਤੂੰ
ਹਰ ਕਣ ਤੇ ਕੁਦਰਤੀ ਨਜ਼ਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਰੱਜ ਵਿਚ ਤੂੰ ਮੇਰੀ ਭੁੱਖ ਚ ਵੀ ਤੂੰ ਹਰ ਦੁਖ ਵਿਚ ਤੂੰ ਹਰ ਸੁਖ ਵਿਚ ਤੂੰ
ਹਰ ਖਿਹੜੇ ਚ ਤੂੰ ਹੰਝੂ ਖਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਧੜਕਨ ਚ ਤੂੰ ਤੇ ਸਾਹਵਾਂ ਚ ਤੂੰ ਮੰਜਿਲਾਂ ਚ ਤੂੰ ਤੇ ਰਾਹਵਾਂ ਚ ਤੂੰ
ਜਿੱਤਿਆਂ ਚ ਤੂੰ ਤੇ ਹਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਪਖੰਡੀਆਂ ਚ ਤੂੰ ਤੇ ਘਮੰਡੀਆਂ ਚ ਤੂੰ ਸੁਹਾਗਣਾ ਚ ਤੂੰ ਤੇ ਰੰਡੀਆਂ ਚ ਤੂੰ
ਵੱਸਿਆਂ ਚ ਤੂੰ ਤੇ ਖੁਆਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਮਜਲੂਮਾਂ ਚ ਤੂੰ ਤੇ ਮਾਸੂਮਾਂ ਚ ਤੂੰ ਸੁਖੀ ਜਿਹੜੇ ਵੱਸਦੇ ਨੇ ਓਹਨਾ ਚ ਤੂੰ
ਦੁੱਖਾਂ ਦਿਆਂ ਮਾਰਿਆਂ ਵਿਚਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਖੇਤਾਂ ਚ ਤੂੰ ਤੇ ਖਲਿਆਣਾ ਚ ਤੂੰ ਮੜ੍ਹੀਆਂ ਚ ਤੂੰ ਤੇ ਮਸਾਣਾ ਚ ਤੂੰ
ਮਹਿਲਾਂ ਚ ਤੂੰ ਤੇ ਚੁਬਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਪੀਰਾਂ ਚ ਤੂੰ ਤੇ ਪੈਗੰਬਰਾਂ ਚ ਤੂੰ ਰਿਸ਼ੀ ਮੁਨੀਆਂ ਚ ਤੂੰ ਦਿਗੰਬਰਾਂ ਚ ਤੂੰ
ਮੰਦਰਾਂ ਮਸੀਤਾਂ ਤੇ ਗੁਰੁਦ੍ਵਾਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆਂ ਚ ਤੂੰ
ਤੈਥੋਂ ਕੀ ਲਕੋਵਾਂ ਤੂੰ ਤਾਂ ਸਾਰਾ ਹਾਲ ਜਾਣਦੈ ਬਿਨਾ ਵੇਖੇ ਦਿਲ ਦਾ ਖਿਆਲ ਜਾਣਦੈ
ਬੱਸ ਮੰਨੂ ਰਖੀ ਆਪਣੇ ਪਿਆਰਿਆਂ ਚ ਤੂੰ ਹੁਣ ਮੈਨੂੰ ਦਿਸਦਾ ਏ ਸਾਰਿਆ ਚ ਤੂੰ
