ਫਿਲਹਾਲ ਦੇ ਸੰਪਾਦਕ ਗੁਰਬਚਨ ਦੇ 'ਫੇਸਬੁੱਕ' ਬਾਰੇ ਵਿਚਾਰ ......ਤੇ ਤੁਹਾਡੇ ਕੀ ਹਨ ???
ਕੋਈ ਵੀ ਕਾਪੀ ਪੇਸਟ ਕਰ ਸਕਦਾ ਹੈ । ਪਰ ਪੜਨ ਤੋਂ ਬਿਨਾਂ ਲਾਇਕ ਨਾ ਕਰਿਾਓ । ਕਿਉਂਕਿ ਪੜਕੇ ਲਾਇਕ ਕਰਕੇ ਨਹੀਂ ਛੱਡ ਸਕਦੇ ...ਕੁਝ ਨਾ ਕੁਝ ਜਰੂਰ ਹੋਵੋਗੇ ,,,ਸਹਿਮਤ ...ਅਸਿਹਮ

ਫੇਸਬੁੱਕ ਦੀ ਖਿੱਚ ਹੈ । ਹਰ ਨਸ਼ੇ ਦੀ ਖਿੱਚ ਹੁੰਦੀ ਹੈ । ਅੱਜ ਬੰਦੇ ਕੋਲ ਮਾਨਸਿਕ ਵਿਹਲ ਨਹੀਂ ਰਹੀ । ਵਿਹਲ ਪ੍ਰਾਪਤ ਹੁੰਦੀ ਹੈ ਤਾਂ ਉਹ ਵਿਹਲ ਤੋਂ ਦੌੜਦਾ ਹੈ । ਵਿਹਲ ਤੋਂ ਮੁਕਤ ਹੋਣ ਲਈ ਫੇਸਬੁੱਕ ਖੋਲਦਾ ਹੈ । ਆਪਣਾ ਚਿਹਰਾ ਦੇਖਦਾ ਹੈ । ਜਿੱਦਾਂ ਦਾ ਦਿਖਣਾ ਚਾਹੁੰਦਾ ਹੈ । ਇਹੀ ਨਸ਼ਾ ਫੇਸਬੁੱਕ ਦੀ ਖਿੱਚ ਪਾਉਂਦਾ ਹੈ ।
ਫੇਸਬੁੱਕ ਭੁਲਾਵੇਂ ਵਾਲਾ ਸ਼ੀਸ਼ਾ ਹੈ । ਸ਼ੀਸ਼ਾ ਜੋ ਧਿਆਨ ਚੂਸਦਾ ਪਰ ਧਿਆਨ 'ਚ ਜਮਾਂ ਕੁਝ ਨੀ ਹੁੰਦਾਂ ।ਉਦਾਂ ਦਾ ਦਿ੍ਸ਼ਪਟ ਜਿਵੇਂ ਵਿਡੀਓ ਗੇਮ ਹੈ । ਜਾਂ ਡਿਜ਼ਨੀਲੈਂਡ ਦੀ ਦਿ੍ਸ਼ਕਾਰੀ ਹੈ । ਜਾਂ ਕਿੱਟੀ ਪਾਰਟੀ 'ਚ ਤੰਬੋਲਾ ਦੀ ਗੇਮ ਹੈ । ਜਾਂ ਹਾਲੀਵੁੱਡ 'ਦਾ ਜੁਰਸਿਕ ਪਾਰਕ ਹੈ।

ਅੱਜ ਮਨੁੱਖ ਨਵਾਂ ਨਹੀਂ ਰਿਹਾ । ਨਾ ਇਹ ਪੁਰਾਣਾ ਹੈ । ਇਹ ਨਵੇਂ ਪੁਰਾਣੇ ਦੀ ਭੇੜ 'ਚ ਟੁੱਟ ਚੁੱਕਾ ਹੈ । ਬੇਸ਼ੱਕ ਹਰ ਯੁੱਗ ਨੂੰ ਨਵੇਂ ਮਨੁੱਖ ਦੀ ਤਲਾਸ਼ ਹੁੰਦੀ ਹੈ । ਤਲਾਸ਼ ਨੂੰ ਮੰਡੀ ਪੁਰਾ ਕਰ ਰਹੀ ਹੈ ।
ਅਜਿਹੇ ਮਨੁੱਖ ਨੂੰ ਕਿਸੇ ਡਗਰ ਦੀ ਲੋੜ ਨਹੀਂ । ਫੇਸਬੁੱਕ ਡਗਰ ਹੈ।
ਭਾਸ਼ਾ ਟੱਚ ਐਂਡ ਗੋ ਵਾਲੀ ਹੈ । ਜਿਵੇਂ ਮੈਕਡੋਨਲਡ ਦਾ 'ਟੇਕ ਅਵੇਅ' ਬਰਗਰ । ਇਹ ਟੈਕਸਟ ਚੇਤਨਾ ਦਾ ਨਕਾਰਣ ਹੈ ਜਿਵੇਂ ਬਰਗਰ ਕਿੰਗ ਨੇ ਅਹਾਰ/ਰਸੋਈ ਦੁਆਲੇ ਉੱਸਰੇ ਸੱਭਿਆਚਾਰ ਨੂੰ ਪਸਤ ਕਰ ਦਿੱਤਾ ਹੈ । ਮਨੁੱਖ ਨੂੰ ਪੈਂਡੇ ਦਾ ਗੁਲਾਮ ਬਣਾ ਦਿੱਤਾ ਹੈ ।
ਮਨੁੱਖ ਟੁੱਟਾ ਹੋਇਆ ਹੈ । ਜੁੜਨ ਦੀ ਭਾਸ਼ਾ ਉਸ ਕੋਲ ਨਹੀਂ ਰਹੀ । ਫੇਸਬੁੱਕ ਜੁੜਨ ਦਾ ਭੁਲਾਵਾਂ ਪੈਦਾ ਕਰਦੀ ਹੈ ।
ਸਿਰਜਨੀ ਮਨੁੱਖ ਇਕੱਲਾ ਹੁੰਦਾਂ ਹੈ । ਜਿੰਨਾਂ ਵੀ ਸਾਹਿਤ ਅਜੇ ਤੱਕ ਸਿਰਜਿਆ ਗਿਆ ਹੈ ਉਹ ਇਕੱਲਤਾ ਨਾਲ ਜੂਝਦੇ ਮਨੁੱਖ ਦਾ ਇਜ਼ਹਾਰ ਹੈ । ਸਿਰਜਨਾ 'ਚ ਤਲਾਸ਼ ਹੈ । ਤਲਾਸ਼ ਸੁਆਲਾਂ ਨੂੰ ਜਨਮ ਦਿੰਦੀ ਹੈ । ਕਲਪਾਂ ਨੂੰ ਸੀਖਦੀ ਹੈ । ਤਲਾਸ਼ 'ਚ ਮਨੁੱਖ ਅੱਧੀ ਰਾਤ ਅਕਾਸ਼ ਵੱਲ ਦੇਖਦਾ ਹੈ । ਦੇਖਦਾ ਤੇ ਫੈਲਦਾ । ਦੂਰ ਦੁਰਾਡੇ ਦੇ ਪਲਾਂ ਦਾ ਸਪਰਸ਼ ਮਹਿਸੂਸ ਕਰਦਾ ।ਗੁਆਚਣ ਤੋਂ ਇਨਕਾਰ ਕਰਦਾ । ਫੇਸਬੁੱਕ ਇਹਦੇ ਉਲਟ ਹੈ । ਇਹਦੇ ਚੋੰ ਮਨੁੱਖ ਆਪਾ ਲੱਭਣ ਜਾਂਦਾ । ਵਾਪਿਸ ਪਰਤਦਿਆਂ ਗੁਆਚਾ ਮਹਿਸੂਸ ਕਰਦਾ ।
ਫੇਸਬੁੱਕ ਦੀ ਭੌਤਿਕਤਾ ਵੱਲ ਧਿਆਨ ਦਿਓ । ਇਹਨੂੰ ਸੀਮਤ ਸਕਰੀਨ ਦੀ ਲੋੜ ਹੈ , ਜਿਸਨੇ ਮਨੁੱਖ ਦੀ ਸੁਤਾ ਨੂੰ ਆਪਣੇ ਵੱਲ ਬੰਨਣਾ ਹੁੰਦਾਂ । ਇਹਦੇ ਰਾਹੀਂ ਮਨੁੱਖ ਜੋ ਗੁਫਤਗੂ ਕਰਦਾ ਉਹ ਗੁਫਤਗੂ ਬਿਨਾਂ ਇੰਦਿ੍ਆਵੀ ਵਾਈਬ੍ਰਸ਼ੇਨ ਦੇ ਹੈ । ਜਿਵੇਂ ਕਾਗਜ਼ ਦੇ ਫੁੱਲ ਹੁੰਦੇ ਹਨ । ਮਸ਼ੀਨੀ ਕਾਗਜ਼ ਤੋਂ ਬਣੇ ਰੰਗਦਾਰ ਫੁੱਲ ।

Thnx.....for.....sharing.......