ਗੈਰਾਂ ਨਾਲ ਜਦੋਂ ਮਿੱਠਾ ਬੋਲ ਹੋ ਗਿਆ
ਮੇਰੀ ਜਿੰਦ ਦਾ ਪੀੜਾਂ ਨਾਲ ਕੋਲ ਹੋ ਗਿਆ


ਬਥੇਰਾ ਸਿੱਖਿਆ ਵਪਾਰ ਅਸੀਂ ਬਾਣੀਏ ਦੇ ਕੋਲੋ
ਸਾਥੋਂ ਹੀਰਿਆਂ ਭੁਲੇਖੇ ਕੱਚ ਦਾ ਹੀ ਮੋਲ ਹੋ ਗਿਆ

ੳੁੰਜ ਰੱਖੀ ਦਾ ਸੀ ਅਸੀਂ ਬੂਹਾ ਇਸ਼ਕੇ ਦਾ ਢੋਹ ਕੇ
ਇਨ੍ਹਾਂ ਜਾਲਮਾਂ ਨੂੰ ਵੇਖ ਕਾਹਤੋਂ ਖੋਲ੍ਹ ਹੋ ਗਿਆ

ਅਸੀਂ ਰੱਖਿਆ ਸੀ ਦਿੱਲ ਉਹਦੇ ਰਾਹਾਂ 'ਚ ਸਜਾ ਕੇ
ਉਹਦੇ ਕੋਲੋ ਜਿਹੜਾ ਹਾਸੇ ਹਾਸੇ 'ਚ ਮਧੋਲ ਹੋ ਗਿਆ

ਇਹਨਾਂ ਕਾਤਲਾਂ ਦਾ ਨਾਮ ਸਦਾ ਰਹਿਣ ਗੁਮਨਾਮ
ਸਾਡੀ ਜਿੰਦਗੀ 'ਚ ਭਾਵੇਂ ਜ਼ਹਿਰ ਘੋਲ ਹੋ ਗਿਆ

ਉੰਜ ਚੰਗਾ ਮੰਨਿਆ ਨੀ ਜਾਂਦਾ ਦਿਨ ਢੱਲਦੇ ਨੂੰ ਰੋਣਾ
ਐਵੇ 'ਸੰਜੀਵ' ਕੋਲੋ ਆਸਾਂ ਵਾਲਾ ਸਿਵਾ ਫਰੋਲ ਹੋ ਗਿਆ ॥

ਸੰਜੀਵ ਸ਼ਰਮਾਂ

 

ਬਹੁਤ ਹੀ ਖੂਬਸੂਰਤ ਪਰ ਸੰਜੀਦਾ ਅਹਿਸਾਸ !!

 

ਕਮਾਲ ਦੀ ਰਚਨਾ ਸੰਜੀਵ ਜੀ , ਵਸਦੇ ਰਹੋ !

 

Shukria g

Good One Sanjeev Ji !

 

ਓਵਰਆਲ ਬਹੁਤ ਸੋਹਣੀ ਕਿਰਤ |Just ਕਿਤੇ ਕਿਤੇ ਲੈਅ ਡਿਸਟਰਬ ਹੁੰਦੀ ਐ| ਧੰਨਵਾਦ ਸਾਂਝੀ ਕਰਨ ਲਈ |

ਰੱਬ ਰਾਖਾ |

 

Emotional one!!!!!!! Very beautiful,thaanx for sharing !!!!!!

" ਇਹਨਾਂ ਕਾਤਲਾਂ ਦਾ ਨਾਮ ਸਦਾ ਰਹਿਣ ਗੁਮਨਾਮ
ਸਾਡੀ ਜਿੰਦਗੀ 'ਚ ਭਾਵੇਂ ਜ਼ਹਿਰ ਘੋਲ ਹੋ ਗਿਆ"

ਬਹੁਤ ਖੂਬਸੂਰਤ ਤੇ ਡੂੰਘੇ ਅਹਸਿਾਸ, ਬਹੁਤ ਸੋਹਣਾ ਲਿਖਿਆ ਏ ਸੰਜੀਵ ਜੀ,

ਸ਼ੇਅਰ ਕਰਨ ਲਈ ਸ਼ੁਕਰੀਆ ਜੀ।

Tuhadi kavita parhdeyan menu sukhwinder amrit ji di ik ghazal yaad aa gyi

ਐਵੇਂ ਗੈਰਾਂ ਨਾਲ ਮਿੱਠਾ- ਮਿੱਠਾ ਬੋਲ ਹੋ ਗਿਆ,
ਸਾਥੋਂ ਜਿੰਦਗੀ ਵਿੱਚ ਆਪੇ ਜ਼ਹਰ ਘੋਲ ਹੋ ਗਿਆ

ਰਹੂ ਉਂਗਲਾਂ ਦੇ ਪੋਟਿਆਂ ਚੋਂ ਲਹੂ ਸਿੰਮਦਾ,
ਸਾਥੋਂ ਹੀਰਿਆਂ ਦੇ ਭੁਲੇਖੇ ਕੱਚ ਫੋਲ ਹੋ ਗਿਆ

ਸਾਨੂੰ ਬਾਲ ਕੇ ਬਨੇਰਿਆਂ ਤੇ ਦੀਵਿਆਂ ਦੇ ਵਾਂਗੂ ,
ਸਾਡਾ ਚੰਨ ਆਪ ਬਦਲਾਂ ਦੇ ਕੋਲ ਹੋ ਗਿਆ

ਅਸੀਂ ਤਨਹਾਈਆਂ ਦੇ ਗਲ ਨਾਲ ਲੱਗ-ਲੱਗ ਰੋਏ,
ਇਕ ਫੁੱਲ ਸਾਡੇ ਪੈਰਾਂ ਤੋਂ ਮਧੋਲ ਹੋ ਗਿਆ

ਅਸੀਂ ਉਮਰਾਂ ਬੀਤਾਈਆਂ ਜਿਸਤੋਂ ਲੁੱਕ -ਲੁੱਕ ਕੇ,
ਰਾਤੀਂ ਸੁਪਨੇ ਚ ਆਇਆ, ਕੁੰਡਾ ਖੋਲ ਹੋ ਗਿਆ

ਜਿਨ੍ਹਾ ਸਜਨਾ ਨਾਲ ਨਾ ਸੀ ਸਾਡੀ ਸੁਰ ਮਿਲਦੀ,
ਗੀਤ ਜਿੰਦਗੀ ਦਾ ਓਹਨਾ ਸੰਗ ਬੋਲ ਹੋ ਗਿਆ II

Bhaout bhaout mavi g danvad mereian kafi rachnava shiv sahib patar sahib te amrit je ton inspired hundian ne ih ve ohna vicho ik hai shukria g