ਪਤਝੜ ਵਿੱਚ ਵੀ ਬਹਾਰ ਆੳੁਂਦੀ ਹੈ ਕਦੇ ਕਦੇ
ਜਿੱਤ ਦੇ ਕੱਪੜੇ ਪਾ ਹਾਰ ਆਉਂਦੀ ਹੈ ਕਦੇ ਕਦੇ

ਖੁਸ਼ੀ ਨਾਲ ਭਿੱਜੇ ਨੈਣਾਂ ਨੂੰ ਵੇਖ ਨਾ ਤੂੰ ਹੈਰਾਨ ਹੋ
ਧੁੱਪ ਵਿੱਚ ਵੀ ਬਰਸਾਤ ਆਉਂਦੀ ਹੈ ਕਦੇ ਕਦੇ

ਰੋਜ ਮਿੱਟੀ ਨੂੰ ਮਿੱਟੀ 'ਚ ਰਲਦਾ ਵੇਖ ਨਾ ਹੰਝੂ ਡੋਲ੍ਹ
ਖੁਸਖਬਰੀ ਲੈ ਅਖਬਾਰ ਆਉਂਦੀ ਹੈ ਕਦੇ ਕਦੇ

ੲਿਸ ਸ਼ੋਖ ਰੰਗਾਂ ਦੀ ਮਸਤੀ ਵਿੱਚ ਨਾ ਭੁੱਲ ਜਾਵੀ
ਸਫੈਦ ਰੰਗ ਦੀ ਵਾਰੀ ਵੀ ਆਉਂਦੀ ਹੈ ਕਦੇ ਕਦੇ

ਮੌਤ ਦੇ ਮੰਜ਼ਰ ਨੂੰ ਵੇਖ ਕੇ ਕਿਤੇ ਨਾ ਘਬਰਾ ਜਾਵੀ
ੲਿਹ ਵੀ ਜ਼ਿੰਦਗੀ ਨੂੰ ਮਿਲਣ ਆਉਦੀ ਹੈ ਕਦੇ ਕਦੇ

ਜ਼ਿੰਦਗੀ ਦੇ ਬਿਰਖ ਦੀ ਜੜ ਕਿੰਨੀ ਕੁ ਡੂੰਘੀ ੲੇ
ਦੁੱਖਾਂ ਦੀ ਹਨ੍ਹੇਰੀ ਅਜ਼ਮਾੳੁਣ ਆਉਂਦੀ ਹੈ ਕਦੇ ਕਦੇ

ਆਪਣੇ ਤੋਂ ਵੱਧ ਕਰਦਾ ੲੇ ਜਿਸ ਜਿੰਦਰੇ ਤੇ ਯਕੀਨ
ੳੁਸਨੂੰ ਵੀ ਗਲਤ ਚਾਬੀ ਲੱਗ ਜਾਂਦੀ ਹੈ ਕਦੇ ਕਦੇ ॥

-; ਸੰਦੀਪ 'ਸੋਝੀ'

 

ਸੰਦੀਪ ਬਾਈ ਜੀ, ਇਹ ਇਕ ਬਹੁਤ ਹੀ ਵਧੀਆ ਰਚਨਾ ਹੈ | ਲਿਖਤ ਵਿਚ ਫਲਸਫੇ ਦੀ ਪੁੱਠ ਹੈ ਅਤੇ ਢਾਂਚਾ ਪੁਖਤਾ ਅਤੇ ਸੁੰਦਰ ਹੈ, ਜੋ ਇਸਨੂੰ ਜਾਨ ਅਤੇ ਨਫਾਸਤ ਪ੍ਰਦਾਨ ਕਰਦਾ ਹੈ |

ਸ਼ੁਕਰੀਆ ਸ਼ੇਅਰ ਕਰਨ ਲਈ | 

ਲਿਖਦੇ ਰਹੋ | ਰੱਬ ਰਾਖਾ | 

 

Boht hi kmal di gazal sandeep ji.jo sanu zindagi nu skaratmic pakhon vekhan layi v prerdi hai.thanks for sharing

ਨਵਪ੍ਰੀਤ ਜੀ ਤੁਸੀ ੲਿਸ ਗਜ਼ਲ ਤੇ ਆਪਣੇ ਵਿਚਾਰ ਪੇਸ਼ ਕੀਤੇ ਤੇ ਹੋਰ ਵਧੀਆ ਕਰਨ ਲਈ ਹੋਸਲਾ ਅਫਜਾਈ ਕੀਤੀ, ਜਿਸ ਲਈ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਜੀ,

ਜਿੳੁਂਦੇ ਵਸਦੇ ਰਹੋ ।