ਗੀਤਾਂ ਦੀ ਰੁਤੇ

 
ਮੈਂ ਗੀਤਾਂ ਦੀ ਰੁਤੇ
ਚੁੱਪ ਹੰਢਾਈ ਹੈ
ਤੇ ਫਿਰ ਵੀ ਹਰ ਇਕ ਗੀਤ
ਮੇਰਾ ਕਰਜਾਈ ਹੈ

ਮੇਰਾ ਸੂਰਜ ਸਿਖਰ ਦੁਪਹਿਰੇ
ਲੋਕੋ ਢਲ ਚਲਿਆ
ਤੇਰੀ ਹਿਕ ਵਿਚ ਮੇਰਾ ਦੀਵਾ
ਐਪਰ ਨਾ ਬਲਿਆ
ਮੈਂ ਸੀਨੇ ਆਪਣੇ ਉਹੀ
ਅੱਗ ਲਗਾਈ ਹੈ

ਮੈਂ ਜੋ ਵੀ ਧੁਪੇ ਬਹਿ ਕੇ
ਗੀਤ ਬਣਾਇਆ ਹੈ
ਉਹੀਓ ਬਿਰਹਾ-ਧੁਪ ਦੇ ਵਿਚ
ਮੈਂ ਗਾਇਆ ਹੈ
ਤੇਰੇ ਬਿਰਹੇ ਧੁਪ ਮੇਰੀ
ਕਲ੍ਖਾਈ ਹੈ 

 
ਮੈਂ ਆਥਣ ਵੇਲੇ
ਤਾਰੇ ਗਿਣਨੇ ਸ਼ੁਰੂ ਕਰਾਂ
ਸਰਘੀ ਤਕ ਮੈਂ
ਹਰ ਤਾਰੇ ਦੇ ਨਾਲ ਮਰਾਂ
ਲੋਕੋ ਮੈਨੂੰ  ਫਿਰ ਵੀ
ਮੌਤ ਨਾ ਆਈ ਹੈ

ਮੈਂ ਗੀਤਾਂ ਦੀ ਰੁਤੇ
ਚੁੱਪ ਹੰਢਾਈ ਹੈ
ਫਿਰ ਵੀ ਹਰ ਇਕ ਗੀਤ
ਮੇਰਾ ਕਰਜਾਈ ਹੈ

bahut wadiya janaab...keep writing and sharing...

Nice Writing Veer G

 Surjit and Sunil g, shukria

bahut sohna likheya babeyo !! thankx for sharing here !

Welcome Naman ji