..ਮਰਦ ਜਦੋਂ ਇਸਤਰੀ ਚੁਣਦਾ ਹੈ ਤਾਂ ਸਿਰਫ਼ ਇਸਤਰੀ ਨੂੰ ਵੇਖਦਾ ਹੈ । ਇਸਤਰੀ ਸਿਰਫ਼ ਮਰਦ ਨਹੀਂ,ਉਸਦੇ ਪਾਰ ਵੱਸਿਆ ਘਰ ਅਤੇ ਉਸ ਰਾਹੀਂ ਜਨਮ ਲੈਣ ਵਾਲੇ ਬੱਚੇ ਵੀ ਵੇਖਦੀ ਹੈ । ਨਵਤੇਜ ਭਾਰਤੀ ਮੈਨੂੰ ਪੁਰਾਤਨ ਅੰਜੀਲ ਵਿਚ ਮਿਲਦੀ 'ਲੂਤ' ਦੀ ਕਹਾਣੀ ਸੁਣਾਉਂਦੇ ਹਨ--.."ਸਦੂਮ ਨਗਰ ਉੱਤੇ ਹੋਈ ਕਰੋਪੀ ਨਾਲ ਸਭ ਬੰਦੇ ਮਰ ਗਏ । ਸਿਰਫ਼ ਲੂਤ ਅਤੇ ਉਸਦੀਆਂ ਦੋ ਕੁਆਰੀਆਂ ਧੀਆਂ ਹੀ ਬਚੀਆਂ । ਚੌਂਹੀਂ ਪਾਸੀਂ ਲੱਗੀ ਅੱਗ ਤੋਂ ਬਚਣ ਲਈ ਉਹ ਪਹਾੜਾਂ ਵਿਚ ਚਲੇ ਗਏ । ਲੂਤ ਦੀਆਂ ਧੀਆਂ ਨੇ ਫ਼ਿਕਰ ਕਰਦਿਆਂ ਆਖਿਆ--ਬੰਦਿਆਂ ਦੀ ਨਸਲ ਮੁੱਕ ਚੱਲੀ ਹੈ...ਸਿਰਫ਼ ਅਸੀਂ ਹੀ ਰਹਿ ਗਏ ਹਾਂ....ਪਰ ਅਸੀਂ ਕਿਸ ਨਾਲ ਵਿਆਹ ਕਰੀਏ..?
".....ਉਸ ਰਾਤ ਦੋਹਾਂ ਧੀਆਂ ਨੇ ਪਿਤਾ ਨੂੰ ਨਸ਼ਾ ਦੇ ਕੇ ਉਸ ਨਾਲ ਸੰਭੋਗ ਕੀਤਾ..."
ਕਹਾਣੀ ਸੁਣਾ ਕੇ ਉਹ ਆਖਦੇ ਹਨ:-"ਲੂਤ ਦੀਆਂ ਧੀਆਂ ਚਰਿਤ੍ਰਹੀਣ ਨਹੀਂ । ਇਸਤਰੀ ਨੇ ਮਨੁੱਖ ਦੀ ਨਸਲ ਨੂੰ ਜਿਉਂਦਾ ਤੇ ਚਲਦਾ ਰੱਖਣ ਦੀ ਜ਼ਿਮੇਵਾਰੀ,ਅਚੇਤ ਬਿਨਾਂ ਆਖਿਆਂ ਹੀ ਲਈ ਹੋਈ ਹੈ ।ਜੇ ਇਸਤਰੀ ਨੇ ਇਉਂ ਨਾ ਕੀਤਾ ਹੁੰਦਾ ਤਾਂ ਮਰਦ ਨੇ ਆਪਣੀ ਹਿੰਸਾ ਨਾਲ ਇਸ ਧਰਤੀ ਤੋਂ ਆਪਣਾ ਅਤੇ ਸਭ ਜਿਉਂਦੇ ਜੀਵਾਂ ਦਾ ਜੀਵਨ ਕਈ ਵਾਰ ਪੂੰਝ ਦਿੱਤਾ ਹੁੰਦਾ ।
ਮਨੁੱਖ ਨੂੰ ਬਚਾਈ ਰੱਖਣ ਲਈ ਇਸਤਰੀ ਨੂੰ ਘਰ ਚਾਹੀਦਾ ਹੈ । ਇਸੇ ਲਈ ਮਰਦ ਚੁਣਨ ਵੇਲੇ ਉਹ ਵੇਖਦੀ ਹੈ ਕਿ ਉਹ ਉਸਨੂੰ 'ਘਰ' ਦੇ ਸਕਦਾ ਹੈ ਕਿ ਨਹੀਂ ।
'ਘਰ' ਕੀ ਹੁੰਦਾ ਹੈ--ਇਹ ਸਮਝਣ ਲਈ ਮੈਨੂੰ ਇਸਤਰੀ ਹੋਣ ਦੀ ਲੋੜ ਹੈ ।..... --------------(ਸੁਖਪਾਲ ਦੀ ਕਿਤਾਬ--'ਰਹਣੁ ਕਿਥਾਊ ਨਾਹਿ' ਵਿੱਚੋਂ )

ਢਾਈ ਅੱਖਰ : 

ਅੱਧਾ -  ਬਿੱਟੂ ਬਾਈ ਜੀ TFS !

ਇਕ : ਹਾਂ ਠੀਕ ਹੈ - GBS (George Bernard Shaw) ਦੇ ਨਾਟਕ Man and Superman ਦਾ ਵੀ ਇਹੀ ਥੀਮ ਸੀ - ਜਿਦ੍ਹੇ ਵਿਚ perpetuation of human race ਦੀ ਜੁਮੇਂਵਾਰੀ ਇਸਤਰੀ ਦੀ ਦਰਸਾਈ ਗਈ ਹੈ |

ਦੋ :    ਆਦਮੀ ਆਪਣੇ ਖੂਨ ਪਸੀਨੇ ਨਾਲ ਮਕਾਨ ਬਣਾਉਂਦਾ ਹੈ ਅਤੇ ਇਸਤਰੀ ਆਪਣੀ ਸੁਘੜਤਾ ਨਾਲ ਮਕਾਨ ਨੂੰ ਘਰ ਬਣਾਉਂਦੀ ਹੈ |

In English people say : Man makes House, Woman makes it Home !

ji bht hi wadia te sach
sach hai ke istri sirf aadmi nahi aglee peeri v dekhdi hai
bhvikh vekhdi hai
dhannwaad